ادرس في ماليزيا ولا جامعة الملك سعود ولا معهد الادراه

اخوي بقولك نصيحتي وانت حر انت تعرف تفكر ومنت صغير لجل تعرف مصلحتك .. بس بقولك كلامي ولو ماسمعته ببصم لك بالعشره انك خسران ..

اخوي انصحك وبكل قوة وبكل شده بجامعة الملك سعود
اذا ماجتك الفرصه بجامعة الملك سعود تعال ماليزيا ..
اخوي شوف اول شي جامعة الملك سعود من ضمن 500 جامعة على العالم
جامعة الملك سعود بتوفر على اهلك فلوس وبتكون ببلدك ماحد يقدر يتكلم معك صح انه بيهايط عليك دكتور عربي ولا سعودي بس ابرك من انه يجي هندي ابن كلب يهايط عليك ويكلمك مع راس خشمه ..
بجامعة الملك سعود بيجيك مصروف من الدولة
بجامعة الملك سعود راح تلقى الناطقين باللغه الانجليزية ناطقين فيها صح 100%
بماليزيا اللغه تمام بس اللهجه حقت اللغه مو مره تمام


بكل صراحه انا ادرس بماليزيا واذا طلع القبول بجامعة الملك سعود راح احول عليها بدون اي تفكير بدون اي تردد ..
تخرجت من جامعة الملك سعود وانت بالسعوديه فهي الاقوى لانها سعوديه حكومية < هذا الكلام داخل السعوديه ..
وفكر قبل كل شي واستشير ولاتسأل الطلاب الفاشلين دايم اسأل الناجحين
دمت بخير ..

صح كلامك وانا مو مخوفني في ماليزيا الا الغربه مره صعبه

مشكووور والله يوفقك وترجع تدرس في جامعة الملك سعود

الي عنده اضافه لا يبخل علي

والله وانا اخوك اتفق مع حموود بس ماليزيا بالحاسب والله ماعندي معلومات عنها بس الهند اتوقع انها اضل بكثير من ماليزيا.. اذا عن الغربه ترا في البدايه رح تواجه صعوبه وبعدين تتعود بس اهم شي اعرف انت وش الي تبيه وهل الحاسب له مستقبل ولالا وسأل اهل الخبره عن مستقبل الحاسب .

انا معك بس الهند مع احترامي  بالمئه وصخه انا اعرف ناس راحو هناك رجعو مرضانين و واحد يدرس هناك جاب لي مقاطع والله منفوحه بالرياض احسن
ومشكور وما تقصرت

بلدك ياغالي ابرك لك
وبما انك خايف من الغربه ادرس في بلدك وطور نفسك
وخذ دورات مع تخصصك
تنافس ازعم واحد سافر بره ووتوظف
وطور نفسك في بلدك
ونصيحه بدك تتوظف في بلدك
جيب معدل امتياز وانسى اي شئ ثاني راح تتوظف باي مكان باذن الله طبعا
لهيك اتوكل على الله وادرس في بلدك

الله يوفقك اخوي
انت تقدر تفكر وتختار مثل ما اضافو الاخوان
بس حبيت اضيف انك لو خترت طريق كمله للناية مهما كان صعب لان الاصعب انك كل فترة وفترة تغير طريقك

بالتوفيق

ولك الخيار بإذن الله

أستخير ربك وبعدين قرر ؟!!