الرجاء من الي سافر عبر خطوط بريتيش ميدلاند الدخول ضروري جدا

توكل على الله وخذها اذا كان السعر حلو وكذالك اذا ماكان فيها انتظار واجد بلندن
لو اني في محلك والله اطلع من ابوظبي على تورنتو دايركت ابش يجلسني بلندن وغثاها والله

بس اتوقع خطوط بريتيش ميلاند تطلع من البحرين وانتظار في لندن 10 ساعات
وقيمتها حوالي 3600ريال

بالنسبه للعفش شنطتين وكل شنطة ماتزيد عن 23 كيلو

والله يوفقك اخوي

مشكور ياسعودي حساس

والله السعر حلو مره مره او تاصل الى اني اقول عرض خيالي والانتظار بلندن 4 ساعات
والراح تطلع من الرياض

طيب فيه خطوط الإتحاد حلوة

بـ 2700 بس !!

الرياض أو جدة - أبو ظبي - تورنتو

ملوحظة : طيران الاتحاد ب 3650 امس سألت ومافي حجز الين اول شهر جون

الميد لان حلوة يا غالي وسعرها حلو الله يوفقك وتوصل با السلامة

انا قد خذتها واعتبرها ثاني اسوء خطوط قد ركبتها بعد لوفتهانزا(سياحي). كراسي ضيقة هذا وانا نحيف ومساحة الرجلين صغيرة وخدمة سيئة. بالنسبة لي الخطوط الكندية هي احسن خطوط كثير يسبونها بس عشان نص الطيارات مافيها تلفزيون بس مايهمني اهم شي وسع الكرسي ومساحة الرجلين. يجي بعد الكندية الفرنسية كراسهم اقل راحة من الكندية بس احسن بكثير من البي ام اي ولوفتهانزا وخدمتهم اروع شي. شي اخير الناس ماتهتم في مطار الترانزيت وانا اعتبره يلعب دور في سهولة السفر. مطار هيثرو كويس ويمشي الحال لكن فيه مشي وش كثره! مطار فرانكفورت افشل مطار (وخطوطهم بعد افشل خطوط) مره جلست واقف سرا مدة ساعتين الا ربع فيه بس عشان اطلع البوردينق باس! ويوم جيت اطلعها صار فيه خرابيط ومرمطة ثانية. احسن مطار مطار باريس صح ممل ومافيه شي بس كراسي لكنه بسيط مره ومايبيله شي وفوق هذا اذا حجزت على الفرنسية تطلع البوردينق باس من الرياض. للاسف لين الحين ماجربت اي خطوط اماراتيه انشالله اجربهم في المستقبل.

اوكي خلني اقول كل شي على شكل جدول واعطي الخطوط اللي استعملتها للسفر لكندا من صفر لخمسة:

راحة المقعد:
بي ام اي: ١
لوفتهانزا: صفر
الكندية: ٥
الفرنسية: ٣.٥

الخدمة:
بي ام اي: صفر
لوفتهانزا: ٢
الكندية: ٢.٥
الفرنسية: ٤ (لو بس يعجلون بشيل الاكل كان عطيتهم خمسة)

المطارات اللي مريت بها ترانزيت خلال السفر لكندا:
هيثرو: ٢.٥
باريس: ٤.٥
فرانكفورت: صفرررررررررررر من قلب

الاكل: (كله الله يكرم النعمة بس على كل حال)
بي ام اي: صفر
لوفتهانزا: صفر
الكندية: ١
الفرنسية: ٢.٥

معليش اذا كثرت حكي وعارف اني كثرت معلومات بس اني طفشان شوي , اتمنى اكون افدتك واتمنى لك سفر مريح