ماندري نضحك ..... ولا نبكي ... من تعليمنا

المعلم يشوف انه فاهم !!!!
ما نقول الا الله يخلف علينا في بعض المعلمين

وان شاء الله اللحين نشوف التوسع في ابتعاث ابناء المناطق النائية
والله يرزقهم على قد نياتهم

اشكرك على الموضوع .

ياحليله فهد مبسوط ان امه ترضعه هههههههههههههههههههه
والله من جد شي مضحك ويحزن نفس الوقت
ماشاءالله مجتهدين الله يحفظهم لاهلهم

والله يا هذولي فيهم ذكاء ماهو في أطفال الغرب

ولا تدري لعل واحد منهم يطلع عاااااالم

والمدرس مبسوط يضحك عليه تدرون الي حاط هالمقطع انه تافه وحقير مفروض يصير قدوه ويعلمه الصح من الخطا مو يضحك عليهم يبي يلقى حساب عند ربه عن التقصير في عمله كما تدين تدان

اصلا طلاب اي معلم ما يتكلمو الا بما درسوا وتلموهـ من مدرسهم

او بما كلفوا به من قبله

واصلا كلامهم مو غلط كلامهم صحيح وهذا ما يحصل عندهم والله يوفقهم على قد نياتهم

ولكن الفروض المعلم يوضح لهم ما يقلون وبما هو واجب عليهم ومال للام من حقوق و واجبات

والله انها لحسرهـ على اهل المناطق النائية لا تدريس زين ولا وظائف مرموقة ولا خدمات ولا اي شيء

يعني نفرض ان واحد منهم يبي يطلع بعثة والله ما يقدر

تدرون لية ؟

اول شيء ما يملكون انترنت متوفر 24 ساعة عندهم ويمكن البعض ما يعرف وش هو

ثاني شيء ما عندهم اقارب ومعارف يتوسطون لهم لانهم لا يماكون الوظائف الكبيرهـ

ثالث شيء لو طلعوا اي مدينة من شان يقدم على اي شيء ما رح يعطونة وجه لان ماعنده واسطه

الوظائف المرموقة والدراسة هاذي للي عندهـ واسطة واللي ساكن بالمدينة ويعرف لة كم واحد بالوزارهـ او اي مكان يبي ينجز عملة فية
وتحصل اي شخص ما شاء الله لة مكانه في المجتمع اولادهـ كلهم في ارقى الكليات
وارقى الوظائف اللهم لا حسد ولكن اجزم انهم افشل ناس
وناس ما تعتمد على نفسها وانما على الواسطة او على منصب ابوهـ
وهذا ما يحصل والكل يعرف

والا ليش تحصلو اولاد المناطق النائية اذا ارتقوا في العلم يطلعوا افضل ناس
لانهم معتمدين على انفسهم لا واسطة ولا غيرها انفع نفسك بنفسك

تحياتي ’’’’
وهذا ردي الثاني .

تحياتي وشكرا لتجاوبكم
والله العظيم ياجماعة الخير أني أعرف ناس من المناطق النائية
أقسم بالله ياعندهم ذكاء مو طبيعي بس للأسف لما يرسلون مدرس مايرسلون إلا زبالة المجتمع حيشاكم
بس هذا واقع لازم وزارة التربية والتعليم تشوف وتتابع المدرسين الي مثل هذا
وفيه على اليويوب مو مقصر كل شي
يا أخي وشلون تبي التعليم يرتقي ونبي الناس هم الي يدورون جامعات بالسعودية
صح هذا حلمي ولا بد أنه يكون واقع
أقسم بالله ياشباب أني أحلم بيوم من الأيام أن الكندي والأمريكي يدور قبول جامعي
أو معهد لغة عربية
هذا حلم ولا كن الحلم لن يصبح واقعا إلا برجال يعملون بأخلاص وذمه
هذا واقع تعليمنا الإبتدائي الي للأسف في مقولة العلم في الصغر كالنقش في الحجر
المعلم هذا ضحك العالم شوي بس كسب دعاوي كثيرة
ليش مايدرس بذمه
الله يعين ويصلح الحال ورددوا يارب تنمحي الواسطه من البلد والي قد المنصب ياخذه بعملة مو بمعرفته لفلان وعلان
لأني منكوي من نار الواسطه الي موهقتني هنا بكندا

لا بالله اللي فيه حيل يبكي يبكي
والله ماالله قدره على البكى يغضب
واللي الله مقدره على فعل شئ ولا هو متحرك الله
يجازيه