مبتعث فعال Active Member
كندا
Z O O M , ذكر. مبتعث فعال Active Member. من السعودية
, مبتعث فى كندا
, تخصصى student
, بجامعة Thompson reviers
- Thompson reviers
- student
- ذكر
- Vancouver, British Colombia
- السعودية
- Jul 2007
المزيدl April 29th, 2009, 08:28 AM
April 29th, 2009, 08:28 AM
نصائح عـــــــامـّــــة
وش تحتاج اذا رايح لكندا؟
- الملابس (وهي أول شي يجي على بال المسافر) نصيحتي لك أخي المسافر أنك تاخذ حقيبتين كبار تقريبا
وحده للملابس الشتويه ووحده للملابس الصيفيه
لأن جو كندا سريع التغير ويمكن تحتاج ملابس شتويه أول اليوم وآخره تحتاج ملابس صيفيه خصوصا في فتره الصيف فالتقلب سريع
وحاول أنك تاخذ معك أكبر قدر من الملابس لأنك ماراح تغسل ملابسك كل يوم يالله كل أسبوع مره
2- الأجهزه والأدوات الكهربائيه :
بالنسبه لي الصديق الوفي والوحيد في كندا الي أقدر أعتمد عليه هو اللاب توب حقي ومالي غنا عنه .
مكواه للملابس وحبذا لو تتعلم عليها قبل ما تروح (ممكن أنك تشتريها من هناك علشان ماتسوي لك زحمه)
قاموس عربي إنجليزي ولا تقول ما أحتاجه لأنك راح تحتاجه وياليت لو يكون ناطق
3- الأمور الماليه :
لا تشيل معك كاش كثير وخلها قاعده عندك خل معك كاش إحتياطي للمصاريف الطارئه ومن واقع تجربتي خل معك حق ليلتين في فندق تحسبا
للضياع أول يومين (600 إلى 1000 دولار معقول)
باقي المبالغ الي راح تحتاجها طلع لك بطاقه فيزا وحط فيها باقي فلوسك أريح لك
إذا أنت تقول لا بأشيل معي كاش أضمن علشان ما أتورط أوكي بس أول شي تسويه في كندا تروح تفتح لك حساب في البنك وتاخذ عليه بطاقه
صراف آلي
للطوارئ فيه شركه أسمها سبيد كاش راح أكتب عنوانها في الرياض في موضوع ثاني للي يحتاج تحويل خلال أقل من دقيقه من الرياض
4- البطاقات الرسميه :
رخصه قيادة دوليه تاخذا من أي شركه سياحه وسفر ولا تقول مانيب مستأجر أو شاري سياره هناك علشان كذا ما أحتاجها لا خذها وما تدري وش
يصير هناك
بطاقه تأمين صحي ولو تأمن تأمين صحي في كندا أفضل لك مئه مره وأرخص بعض المدارس والجامعات تستطيع التأمين من خلالهم أو يساعدونك في
كيفيه التأمين وترا التأمين الصحي إلزامي للدراسه في كندا
ما يحتاج أقول لك لا تجيب بطاقه أحوالك لأنها ممنوع تطلع بها برا السعوديه وما لها أي فايده هناك وماله داعي تضيع
إذا ما طلعت رخصه قياده دوليه الوقت خذك أو ما عاد يمدي خذ معك رخصه القياده السعوديه لأنها معترف بها في كندا لكن لازم تترجمها في
السفاره السعوديه بكندا
5- أشياء أخرى
فرشه أسنانك
فوطه للجسم وفوطه لليدين والوجه
بعض الأدويه الي ممكن تحتاجها هناك مثل :
بنادول - مضاد حيوي - فوار فيتامين c - لزاقات جروح ... الخ
مكينه حلاقه أما الأمواس خذها من أي بقاله هناك
6- الأغذيه
بالنسبه للأغذيه سالفتها سالفه
بصراحه دائما ما أسمع أن الأغذيه ممنوع أن تدخلها في كندا وأن أناس كثير أضطروا أنهم ينزلون الأغذيه الي معهم في المطار .. كاتب
الموضوع يقول انه اخذ خيشة رز معه وماقالوا له شيء .. يعني انت وحظك ..
بعد ماتوصل لكندا وش تسوي؟
أول شي تسويه بعد ما توصل بالسلامه وترتاح وتفضي شنطتك وترتب أغراضك
بعد ما تدخل غرفتك دور على مكان أمين جدا جدا جدا توزي فيه جوازك حاليا ولا تقول يكفي أني أقفل عليه الباب لأن غرفتك راح يدخلها ناس
في غيابك يعني راح يدخلها سواء كنت ساكن مع عائله ولا في سكن جامعي حط ذا الشي في راسك زين ويا شينها من حاله لو ضيعت جوازك هناك
أكتب عنوان سكنك في ورقه لا تضيعها وخلها معك في بوكك مثلا ولا تقول خلاص حفظت العنوان ترا أسامي الشوارع خصوصا في تورونتو متشابه
ومتشابكه و يقل عندهم طرق سريعه علشان تحفظ عليها يعني الدعوه متاهه أنت جرب تروح وترجع من السكن على ذاكرتك في البدايه لكن خل
الورقه معك لا تقول ما قالوا لي أعضاء المنتدى
ريحت الحين .. قم توضى وصلّ لك ركعتين تحمد الله فيها على السلامه وتيسير أمورك .. وخذ لك كاسين شاهي لا تتمدد أو تقول بأتلين شوي
قم أنقز ورح لأقرب بنك أفتح لك حساب هناك حتى لو أنك ما شلت كاش أفتح حساب علشان تحط فيه أي مبلغ معك لو كان مئه دولار بس بعض
البنوك يمكن يقولون لك محتاجين كفيل المدرسه الي تدرس فيها راح تساعدك في ها الشي وإذا كانت العائله الي أنت ساكن معها حبيبه هم
بيكفلونك ..
بعدين أطلع الحين وخذ لك لفه على حارتكم الي أنت ساكن فيها طبعا لا تطلع حاليا الا في النهار لين تعرف وش وضع الحي هو آمن ولا لا لأن
فيه بعض الأحياء الشرطه تحذر من الخروج فيها ليلا ولا تعتمد على كلام العائله الي أنت ساكن معهم لأنهم أكيد بيسوون دعايه لحارتهم
وبيقولون آمنه طبعا الهدف من انك تاخذ لك لفه على الحاره هو أنك تعرف المحلات القريبه منك والي يمكن تحتاجها من وقت لثاني دور على
أقرب بقاله دور على أقرب مطعم مثلا وتحس أنه مناسب ومحلات يمكن أنك تحتاجها علشان تعرف القريب منها والبعيد
طبعا خلال الوقت الي أخذت فيه لفه في الحاره دور على الباص ستوب الي هي لوحات مرسوم عليها باص وهي الأماكن الي يتوقف فيها الباصات
وبإمكانك إنتظار الباص بالقرب من اللوحه
(الباص إذا ركبت فيه أطلب من السواق الترانزفير أو شي زي كذا هي عباره عن ورقه صغيره تثبت أنك دفعت للباص حق ركوبك وإذا أنت متوجه
لمكان معين مثلا لازم تاخذ طريق متوجه شمال أول بعدين طريق متوجه شرق عليك أنت تركب الباص متوجه شمال وإذا وصلت للشارع الي تبي
تتوجه عليه شرق أنزل من الباص ودور على باص ستوب ثاني على الشارع الي تبي تتوجه عليه شرق وإذا ركبت باص مره ثانيه لا تدفع يكفي أنك
توريه الورقه الي أعطاك إياها الباص الأول ملاحظه الورقه هذي تمشيك ون واي يعني جهه وحده إذا تبي ترجع أدفع من جديد )
بالنسبه للدفع للباص بصراحه يسوي لك لخبطه أحيانا لأنه ممكن مايكون معك صرف والسواق ما يصرف لك بالعربي مهوب فاضي علشان كذا أنا
أفضل أنك تروح لأي بقاله وتشتري تذاكر خاصه بالباص تكون أرخص وشيلتها أريح من شيل القروش والصرف
هذا بالنسبه للمواصلات مبدئيا بالنسبه للإتصالات نظام الإتصالات في كندا رخيص جدا جدا جدا لدرجه أنك تشتري كرت إتصال للسعوديه فيه 150
دقيقه بما يعادل 30 ريال طبعا إذا بتتصل على ثابت أرخص بكثير من أنك تتصل على جوال أنا أتكلم عن إتصالك بأهلك في السعوديه
كرت اإتصال تلقاه عند أقرب بقاله وأطلب منه الأفضل للإتصال بالسعوديه وأنا أذكر أنت بطاقه ثانكيو أفضل شي تقريبا
لأن الدقايق تفرق من بطاقه لثانيه حسب الدوله الي تبي أنت الإتصال عليها
إذا تبغا تطلع جوال علشان تكلم داخل كندا زملائك وأخوياك أنصحك تروح لشركه فايدو عندهم نظام شريحه جوال بمكالمات محليه مفتوحه يعني
بدون فاتوره رسوم بس تكلفك تقريبا من 50 إلى 60 دولار شهري حسب الخدمات الي تبغا تضيفها عليها وطبعا كبدايه راح ياخذون منك مبلغ إضافي للتأسيس ما أذكر كم
* هنا أرجع أأكد على سالفه أنك تاخذ معك بطاقه فيزا أو ماستر كاد لأن فيه خدمات كثيره ما تقدر تدفعها كاش لازم يكون معك بطاقه إئتمانيه .
وختاماً .. أسأل الله العلي القدير أن يكتب الأجر لكل من ساهم في هذه المعلومات .. وللأمانة الموضوع تم نقله بعد التأكد من صحتة محتواه واهميته ...
ولكم مني ارق التحايا
كفيت ووفيت بصراحة يعني ماخليت صغيرة وكبيرة الى قلتها ماشاءالله عليك
اما بنسبة للاكل فاحب ابين نقطه انو تقدر تدخل معاك اي اكل تبغاه لكن اهم شي يكون عليه تاريخ صلاحية بالانقلش طبعا
ومن ضمن الاغراض المهم قرآن وسجادة هذي اتوقع زوم ماذكرها لانها اوردي بتكونو ذاكرينها
واول ماتوصل لكندا لاتنسى تطلع اي دي الكندية
وبتوفيق لكم يارب
ياروحي April 29th, 2009, 10:43 AM
7 " الله يعطيك العافيه مشكوووووووووووووووور على الموضوع
بس حيبت اسال عن التامين ؟ الى الان ماني فاهم كيف اطلع التامين؟ ياليت تفيدني
احمد الغريبي April 29th, 2009, 08:30 PM
7 " طولى عمرك فيه تأمينين فيه تأمين تقدر تطلعه من المعهد او الجامعه وفيه تأمين ثاني تبع الحكومه يعني اذا تبي حق الحكومه اسئل المعهد او الجامعه عنه وانشالله يصلحون لك الاوراق الى تبع التأمين وانت ماعليك الى تروح اقرب بريد وترسلها للحكومه بس اما الاول يجي بسهوله عن طريق المعهد او الجامعه بس مدته ماهي طويله مثل الحكومي تحياتي لك واتمنى اني افدتك
Z O O M April 29th, 2009, 08:38 PM
7 " الله يعطيكـ الف الف عااااااااااااااااااااااااافيهـ بصراحه افدتني كثير مع ان باقي مارحت
بس ان شاء الله باخذ نصايحك بعين الاعتبار
الله يكتب اللي فيه الخير يارب..
احاسيس انثى April 29th, 2009, 08:48 PM
7 " يعطيك الف عافيه اخووي زوم
موضوعك راح يفيد ناس كثيرين ..
وتسلم على تعبك ..
A.A.B April 29th, 2009, 10:00 PM
7 " جزاك الله خير اخوي زووم
ما قصرت موضوع تقريبا شامل
تحية طيبة لك
عمـ Red-Death ـشز April 29th, 2009, 10:22 PM
7 " سلمت يدااااااااااااك
والله روعه وفيها فايدة كبيره للي مقبلين على كندا
اخوك عبدالله
fat cat April 30th, 2009, 05:59 AM
7 "
April 29th, 2009, 08:28 AM
وش تحتاج اذا رايح لكندا؟
- الملابس (وهي أول شي يجي على بال المسافر) نصيحتي لك أخي المسافر أنك تاخذ حقيبتين كبار تقريبا
وحده للملابس الشتويه ووحده للملابس الصيفيه
لأن جو كندا سريع التغير ويمكن تحتاج ملابس شتويه أول اليوم وآخره تحتاج ملابس صيفيه خصوصا في فتره الصيف فالتقلب سريع
وحاول أنك تاخذ معك أكبر قدر من الملابس لأنك ماراح تغسل ملابسك كل يوم يالله كل أسبوع مره
2- الأجهزه والأدوات الكهربائيه :
بالنسبه لي الصديق الوفي والوحيد في كندا الي أقدر أعتمد عليه هو اللاب توب حقي ومالي غنا عنه .
مكواه للملابس وحبذا لو تتعلم عليها قبل ما تروح (ممكن أنك تشتريها من هناك علشان ماتسوي لك زحمه)
قاموس عربي إنجليزي ولا تقول ما أحتاجه لأنك راح تحتاجه وياليت لو يكون ناطق
3- الأمور الماليه :
لا تشيل معك كاش كثير وخلها قاعده عندك خل معك كاش إحتياطي للمصاريف الطارئه ومن واقع تجربتي خل معك حق ليلتين في فندق تحسبا
للضياع أول يومين (600 إلى 1000 دولار معقول)
باقي المبالغ الي راح تحتاجها طلع لك بطاقه فيزا وحط فيها باقي فلوسك أريح لك
إذا أنت تقول لا بأشيل معي كاش أضمن علشان ما أتورط أوكي بس أول شي تسويه في كندا تروح تفتح لك حساب في البنك وتاخذ عليه بطاقه
صراف آلي
للطوارئ فيه شركه أسمها سبيد كاش راح أكتب عنوانها في الرياض في موضوع ثاني للي يحتاج تحويل خلال أقل من دقيقه من الرياض
4- البطاقات الرسميه :
رخصه قيادة دوليه تاخذا من أي شركه سياحه وسفر ولا تقول مانيب مستأجر أو شاري سياره هناك علشان كذا ما أحتاجها لا خذها وما تدري وش
يصير هناك
بطاقه تأمين صحي ولو تأمن تأمين صحي في كندا أفضل لك مئه مره وأرخص بعض المدارس والجامعات تستطيع التأمين من خلالهم أو يساعدونك في
كيفيه التأمين وترا التأمين الصحي إلزامي للدراسه في كندا
ما يحتاج أقول لك لا تجيب بطاقه أحوالك لأنها ممنوع تطلع بها برا السعوديه وما لها أي فايده هناك وماله داعي تضيع
إذا ما طلعت رخصه قياده دوليه الوقت خذك أو ما عاد يمدي خذ معك رخصه القياده السعوديه لأنها معترف بها في كندا لكن لازم تترجمها في
السفاره السعوديه بكندا
5- أشياء أخرى
فرشه أسنانك
فوطه للجسم وفوطه لليدين والوجه
بعض الأدويه الي ممكن تحتاجها هناك مثل :
بنادول - مضاد حيوي - فوار فيتامين c - لزاقات جروح ... الخ
مكينه حلاقه أما الأمواس خذها من أي بقاله هناك
6- الأغذيه
بالنسبه للأغذيه سالفتها سالفه
بصراحه دائما ما أسمع أن الأغذيه ممنوع أن تدخلها في كندا وأن أناس كثير أضطروا أنهم ينزلون الأغذيه الي معهم في المطار .. كاتب
الموضوع يقول انه اخذ خيشة رز معه وماقالوا له شيء .. يعني انت وحظك ..
بعد ماتوصل لكندا وش تسوي؟
أول شي تسويه بعد ما توصل بالسلامه وترتاح وتفضي شنطتك وترتب أغراضك
بعد ما تدخل غرفتك دور على مكان أمين جدا جدا جدا توزي فيه جوازك حاليا ولا تقول يكفي أني أقفل عليه الباب لأن غرفتك راح يدخلها ناس
في غيابك يعني راح يدخلها سواء كنت ساكن مع عائله ولا في سكن جامعي حط ذا الشي في راسك زين ويا شينها من حاله لو ضيعت جوازك هناك
أكتب عنوان سكنك في ورقه لا تضيعها وخلها معك في بوكك مثلا ولا تقول خلاص حفظت العنوان ترا أسامي الشوارع خصوصا في تورونتو متشابه
ومتشابكه و يقل عندهم طرق سريعه علشان تحفظ عليها يعني الدعوه متاهه أنت جرب تروح وترجع من السكن على ذاكرتك في البدايه لكن خل
الورقه معك لا تقول ما قالوا لي أعضاء المنتدى
ريحت الحين .. قم توضى وصلّ لك ركعتين تحمد الله فيها على السلامه وتيسير أمورك .. وخذ لك كاسين شاهي لا تتمدد أو تقول بأتلين شوي
قم أنقز ورح لأقرب بنك أفتح لك حساب هناك حتى لو أنك ما شلت كاش أفتح حساب علشان تحط فيه أي مبلغ معك لو كان مئه دولار بس بعض
البنوك يمكن يقولون لك محتاجين كفيل المدرسه الي تدرس فيها راح تساعدك في ها الشي وإذا كانت العائله الي أنت ساكن معها حبيبه هم
بيكفلونك ..
بعدين أطلع الحين وخذ لك لفه على حارتكم الي أنت ساكن فيها طبعا لا تطلع حاليا الا في النهار لين تعرف وش وضع الحي هو آمن ولا لا لأن
فيه بعض الأحياء الشرطه تحذر من الخروج فيها ليلا ولا تعتمد على كلام العائله الي أنت ساكن معهم لأنهم أكيد بيسوون دعايه لحارتهم
وبيقولون آمنه طبعا الهدف من انك تاخذ لك لفه على الحاره هو أنك تعرف المحلات القريبه منك والي يمكن تحتاجها من وقت لثاني دور على
أقرب بقاله دور على أقرب مطعم مثلا وتحس أنه مناسب ومحلات يمكن أنك تحتاجها علشان تعرف القريب منها والبعيد
طبعا خلال الوقت الي أخذت فيه لفه في الحاره دور على الباص ستوب الي هي لوحات مرسوم عليها باص وهي الأماكن الي يتوقف فيها الباصات
وبإمكانك إنتظار الباص بالقرب من اللوحه
(الباص إذا ركبت فيه أطلب من السواق الترانزفير أو شي زي كذا هي عباره عن ورقه صغيره تثبت أنك دفعت للباص حق ركوبك وإذا أنت متوجه
لمكان معين مثلا لازم تاخذ طريق متوجه شمال أول بعدين طريق متوجه شرق عليك أنت تركب الباص متوجه شمال وإذا وصلت للشارع الي تبي
تتوجه عليه شرق أنزل من الباص ودور على باص ستوب ثاني على الشارع الي تبي تتوجه عليه شرق وإذا ركبت باص مره ثانيه لا تدفع يكفي أنك
توريه الورقه الي أعطاك إياها الباص الأول ملاحظه الورقه هذي تمشيك ون واي يعني جهه وحده إذا تبي ترجع أدفع من جديد )
بالنسبه للدفع للباص بصراحه يسوي لك لخبطه أحيانا لأنه ممكن مايكون معك صرف والسواق ما يصرف لك بالعربي مهوب فاضي علشان كذا أنا
أفضل أنك تروح لأي بقاله وتشتري تذاكر خاصه بالباص تكون أرخص وشيلتها أريح من شيل القروش والصرف
هذا بالنسبه للمواصلات مبدئيا بالنسبه للإتصالات نظام الإتصالات في كندا رخيص جدا جدا جدا لدرجه أنك تشتري كرت إتصال للسعوديه فيه 150
دقيقه بما يعادل 30 ريال طبعا إذا بتتصل على ثابت أرخص بكثير من أنك تتصل على جوال أنا أتكلم عن إتصالك بأهلك في السعوديه
كرت اإتصال تلقاه عند أقرب بقاله وأطلب منه الأفضل للإتصال بالسعوديه وأنا أذكر أنت بطاقه ثانكيو أفضل شي تقريبا
لأن الدقايق تفرق من بطاقه لثانيه حسب الدوله الي تبي أنت الإتصال عليها
إذا تبغا تطلع جوال علشان تكلم داخل كندا زملائك وأخوياك أنصحك تروح لشركه فايدو عندهم نظام شريحه جوال بمكالمات محليه مفتوحه يعني
بدون فاتوره رسوم بس تكلفك تقريبا من 50 إلى 60 دولار شهري حسب الخدمات الي تبغا تضيفها عليها وطبعا كبدايه راح ياخذون منك مبلغ إضافي للتأسيس ما أذكر كم
* هنا أرجع أأكد على سالفه أنك تاخذ معك بطاقه فيزا أو ماستر كاد لأن فيه خدمات كثيره ما تقدر تدفعها كاش لازم يكون معك بطاقه إئتمانيه .
وختاماً .. أسأل الله العلي القدير أن يكتب الأجر لكل من ساهم في هذه المعلومات .. وللأمانة الموضوع تم نقله بعد التأكد من صحتة محتواه واهميته ...
ولكم مني ارق التحايا