لن تتغير نظرة المجتمع عن المرأة ... حتى لو تغيرت زماننا

May 31st, 2009, 11:46 AM

السلام عليكم ورحمة الله وبركاته

انصدمت رغم تطور والحضارة اللي عشنا فيها ... الا ان نظرة المجتمع ..للمرأة ..لم تتغير

حتى لو قلت لي لا تغيرت اقولكم مازالت نظرة المرأة في المجتمع نظرة انها اداة فساد في المجتمع

فالمشكلة ليس في الدين الدين رفعنا منزلة واعطانا حقوقنا ...المشكلة في العادات والتقاليد

وكلام الناس وحطوا تحتها خطين كلاااااااام الناس... اللي كل شوي يقولولنا وش تقول الناس عنا

كرهت الجملة ( وش تقول الناس عنا ) ..

البنت لو سوت شيء اول شيء يقولوا وش تقول الناس عنا ....

والولد عادي يسوي اي شيء ....بس البنت في كل خطوة تحاسب عليه..

لما تدخل الجامعة القيل والقال عليها ...

لما تدخل في تخصص القيل والقال خصوصا تخصصات طبية ولا ادارية

لما تدخل تشتغل يقولوا ليش وليش وليش لا لما تدخل في عمل زي الدكتورة ..ولا في البنك

على طول اييييييييييييييييييييييييييييييييييييييييييييييييي ييه ...ياويل البنت تشتغل وكمان في بنك لا لا لا اكيد تقابل ولاتتكلم

رجاجيل لا توصل احيانا الا تفكير عميق ويوصل احيانا في موضوع العرض

لما يجيها خاطب وترفض ............يحاسبوها الف حساب ليه رفضته مافيه الا الزين والعافية

دلع بنات شكلها تحب ولا اييييييييييييه شكلها شايفة نفسها علينا ووووووووووو ..

لما تجلس على النت .........وش فيها كل شي داخلة نت لا لا فيها شيء اكيد تكلم احد كذه ولاكذه يضيقوا عليها بتوقيت معين

وبعدين يسحبوا والولد عاااااااااااادي يخلوه مو مشكلة لانه ولد

لما تتطلق ........... يطلع كله بسبب البنت هذي ماهي كويسة ماقدرت تحافظ على زوجها ....

لما تخرج السوق ..وتتمشى مع صحباتها ...ايييييييييييييييييييييه وين اهلها كيف يخلوها لحالها ....

لما تلبس فستان ولا بنطلون ولاتنورة ..اييييييييييييييييييييييييييييييييه ماهي محتشمة يا الله

لما تضحك بصوت عالي اييييييييييييييييييه مرررجووووجة ماهي عاقلة

لما تمشي بسرعة.......... وي ماعندها انووووثة ماتعرف تمشي

لما تطلع منصب يطلعوا عليها الف عيب وعيب عليها .... ولما تبتعث يطلعوا عليها كلام كبير وخصوصا لو ماهي

متزوجة يقولوا دي راح تخرب وماراح تتزوج لما ترجع ..ويطلع احيانا معارضات .. البنات مايطلعوا بعثة ..

البنت لو تبتعث ... يا الله على الكلام اللي يطلع عليها يا الله وانا اول منهم حصلت حتى وصل انه تهديد بقتلي اول

ماارجع خايفين البنت راح تجي وتخرب البلد وراح تشوه سمعة البلد وراح يصير مشاكل بسبب البنت ..

احيانا والله بعض البنات يقولون ياليتنا ولد ماكان احد تكلم علينا ..

ودايما البنت عرض .. والولد يسوي اللي يبي لو يدخن مو مشكلة ولد ...

والبنت يضيقوا عليها من جميع النواحي حتى تفتيش في الغرفة ..

لاتقولوا ترى البنت عرض الاهل ...لو سوت شيء يخرب سمعة اهلها

حتى الولد ... لو سوا شيء يخرب سمعه اهله

الولد لو بشرب مخدرات مو كذه خرب سمعة اهله ..

الولد لما يتعرف على بنات مو يخرب سمعة اهله .. لما يغازل في السوق مو يخرب سمعة اهله

لما يدخن مو يخرب سمعه اهله .... يعني الولد محاسب كمان زي مالبنت تحاسب..

البنت شرف والولد سمعه ..لو راحت شرف البنت الله يستر عليها

الولد لو سمعته ...مايصلي ويدخن كمان فضيحة

فلما الولد يسافر ..مو احتمال كبير ينحرف ... ليه الثقة الكبيرة يعطوها للولد والبنت يضيقوا عليها

اللين ماتكره بيت اهلها ويقولون ماتسوي اي شي لما تتزوجي فتدور على اي رجال حتى لو طالح

فيصير مشاكل وطلاق عشان تزوجت بمجرد انه ينقذها من حياة اهلها الجحيم

والله وللاسف ماتغيرت نظرتنا الى وقتنا الحاضر ..صحيح مو مثل اول لان الناس تنشغل

بس لما نجتمع .... للأسف الشديد ..كل الكلام المتخلف ..يقولونها

والمبتعثة اللي مو متزوجة يطلعوا عليها كلام كبير جدا .......... واحيانا تفتح لما ترجع باب التحقيقات ..

والله حتى لو رفعت راس اهلها مازال نظرة الناس انها انسانة صارت متحررة وامكن تخرب بناتنا بأفكارها الغربية

وكلام الناس خصوصا عن البنت ماترحم ...وكأن الزواج جنة الفتاة ...رغم احيانا الجحيم لديها ..

وارضاء الناس غاية لاتدرك

• نشر عبر تويتر
• نشر عبر فيسبوك
• نشر عبر جوجل