مساعده واستفسارات مهمه

والعذر والسموحه على الأسئلة اللي ماعرفتها

مرحبا

أبو الشباب لاتشيل هم ، كل الأمور تتيسر إن شاء الله

إنت أهم شئ خذ معاك أوراقك كاملة ولو رحت عند التفتيش ، وماعرفت شئ لاترد، ترى شئ طبيعي لأن الموظف عارف إنك منت فاهم شئ . لكن في بعض الأسئلة توقعها مثل ليش جاي هنا ؟ ترد عليه تقوله ستدي study ممكن يسألك معك أكل ( food) فوود ،قله نعم أو لا وممكن يسألك معاك كحول أو تباكو ( ترى بالإنجليزي نفس الكلمات ) قله لا هذي مافيها ايوه
الشئ الثاني : لو قدرت تطلع مع واحد يكون على نفس رحلتك ترى ممتاز يونسك في الطريق

إنت تقول رايح كندا ، وين في كندا؟ ؟! ، حتى لو العائلة مااستقبلتك ، إن شاء الله الشباب الي في الميدنة الي إنت رايح لها يستقبلونك .

بالنسبة لمطار امستردام : قبل ماتطلع من السعودية إقرأ التذكرة والحجز مضبوط ، ترى معظم الأحيان يكون مكتوب أي صالة أو أي بوابة تتجه لها ، ولو ماعرفت شئ روح لأي موظف وحط يدك على البوردينق ( بطاقة صعود الطائرة) وقوله Whrer وحرك راسك كم حركة وهو راح يفهم .
إذا تيسرت ، بعض الأحيان تلقى لك واحد سعودي أو عربي تلبش ( يعني خليه يشرح لك الوضع كامل ) فيه الين تطلع الطيارة

أخر شئ : فيه ورقة يعطونك إياها في الطيارة المتجهة من امستردام إلى كندا ، فيه موضوع الشباب نزلوه في الملتقى لكن يحتاج له بحث
واحد من الشباب ترجم الورقة كاملة يصير لو تقدر تحصل عليها وتطبعها يكون ممتاز .

بس لاتنسى وإنت في السعودية تكلم الموظف الي راح يحط الأوراق على شناطك ( tag) إنه يحط أخر محطة راح توصلها في كندا هذا في حالة لو إنك راح تسافر من مدينة في كندا إلى مدينتك ( هذا بس إذا كانت مدينتك مافيها مطار دولي )

وإذ باقي عندك أسئلة لاتتردد ونراك في كندا

كفيت ووفيت طال عمرك

انا رايح تورنتو بس نقلت اوراقي من مكتب الي مكتب ثاني افضل لانه يطلع معانا مرشد سعودي ويضل معنا طول الرحله بس فيه مشكله الفيزا قال بنقدم عليها واذا ماطلعت قبل موعد السفر بتتلغي رحلتي معهم لان باقي علي السفر 27 يوم وانا رايح ادرس شهرين مدري يمدي تطلع الفيزا ولالا انا كتبت موضوع استفسار عنها ان شاء الله القا رد عليهاا
وهل تورنتو فيها مطار دولي ؟


وشكرا لك

من ناحية تورنتو .. وفيها مطار دولي ولا لا ؟!
فهذا شيء أكيد .. وفيه رحلات تسيّر من الإمارات إلى تورنتو
كأقرب بلد لنا له خط سير إلى كندا بدون ترانزيت
لكن المشكلة إن الإمارات رحلاتهم إلى تورنتو فقط
ياليت يسيّرون رحلات إلى فانكوفر

اخوي انا عرفت الرنامج الي بتروح فيه بيكون معكم طلاب ثانيين ومرشد يعني لاتشيل هم

انا رحت لحالي واول مره ومشت اموري والله يوفقك