سياره كامري م 98 للبيع

الله يرزقك

بس وانا اخوك السعر الي انت حاطه غااااالي

موفق

وانا اخوك صاحبي اشترى كامري موديل 2001 ب 4300 دولار وماشاء الله نظيفة جدا وماشية اقل من 100 الف كيلو

^^
غلطان عليها تاكس

لكن إذا سعودي بيبيعها للسعودي يكتب أنها هديه مو بيع
فما يصير عليها تاكس

أما السعر صراحه مبالغ فيه جدا

يا شباب السعر معقول جدا واذا مو مصدق ابحث في الت وشف الاسعار

وايضا السعر للسعوديين فيه اخذ وعطا للصامل ومراح نختلف

ياشباب اللي صامل على السياره
راح نقص له من المبلغ
مو مطر ابيعها بس توهقت في الموقف

وشكرا

ياليت الي مايبي يشتري لايتفلسف ويقطع رزق الرجال

انا ملاحظ فلسفات كثيره بهالموقع من البعض
وكانهم هم الاذكياء والباقين بقر مايفهمون .. وهم اكثرهم ماله الا شهر ولا شهرين بكندا مسوي شريطي ومقطع معارض فانكوفر

الي يبي يشتري سياره بيسال عن الاسعار قبل يشتري ماهو بحاجه لردودكم الصبيانيــه والحاسده والحاقده التي لاتصدر الا من صغار سن حاقدين وحاسدين

اقسم بالله العلي العظيم اني ماعرف صاحب هالموضوع ولكن الردود مستفزه للغايـه . هدفها الحسد فقط .


عموما الله يرزقك ويكتب لك الخير يا مسافر

هلا بك اخوي
الله يجزاك خير لكن انا اقول كل واحد واسلوبه وانا ما يهمني اي شي ثقتي في نفسي كبيره
وماخذ الدنيا سعه بال
وعلى قوله المثل القافله تسير و...........

وشكرا على رد الحلو والله يوفقك

الله يرزقك اخوي ..
اللي فهمته من كلامك ، انك تبي تروح للسعودية وترجع لكندا لمدة معينة ..
وماتعرف وين توقف السيارة فيه .. وتبي تبيعها علشان ماتتورط فيها ..

والله حرام تبيعها .. أعتقد ان فيه شركات توقف السيارة عندهم وياخذون عليك اجرة الوقوف لمدة ..
ابحث عنها .. والشباب ان شاء الله مايقصرون معاك ..

موفق عزيزي ..

عندما تكتب رد دفاعا عن صديقك لا تكذب

سعر السياره مبالغ فيه وانا عندي دليل شوف كم سعر الكامري 98 في موقع craigslist الله يطول بعمره

هذا واحد عارض سيارته بـ 3900
http://vancouver.en.craigslist.ca/ctd/1288656733.html


يعني فرق 1100 دولار

وهذا أيضا
http://vancouver.en.craigslist.ca/cto/1285643993.html



وهنا سعرها 3200
http://vancouver.en.craigslist.ca/ctd/1275068258.html


أنا ورب البيت مو قصدي أخرب ولا شئ

لكن حرصا مني على أخواني السعوديين الجدد

حتى يعرفوا الأسعار

والله يسامحك على كلامك