الدراسة بكندا بدون ستدي بيرمنت...عاااجل وهااام.االله يرحم والديكم

هلا اخوي , كم مدة فيزة الزاير اللي عندك , اذا بتروح للسعودية وبعدين ترجع لكندا ومدة الفيزا ما انتهت يفضل انك تغيرها الى فيزة طالب في السعوديه لكي يعطونك تصريح دراسه اللي هو study permit واذا بتنتهي الفيزا وانت في السعوديه قدم على فيزا جديده اللي هي فيزة طالب . ارجو اني افدتك

تسلم اخوي خالد
انا فيزتي فيزة زائر لمدة سنة باقي عليها 8 اشهر تقريبا وتخلص...طبعا راح تخلص قبل ما تخلص دراستي
انا راح انزل السعودية برمضان وراح اجلس شهر وارجع..هل الوقت كافي بأن استخرج فيزة طالب وما هي الإجارات لو سمحت إذا تعرفها
والسؤال المهم..إذا ما بدلت وضعي من زائر إلى طالب..وين المشكلة راح تكون...المعهد إللي المفروض يسأل عن فيزتي ايش نوعها ما سأل وعطاني موافقة للدراسة لمدة سنة...من راح يسألني غيره
اتمنى احصل إجابة اخوي خالد...واتمنى من أهل الخبرة بعد يساعدوني
اخاف اطلع الإجازه وما يسمحوا لي بالدخووول مره ثانية لكندا
ت

يعطيك العافيه أخوي ...

أول شي .. بالنسبة لشغلت الفيزة فهي جداً سهله وخليني اعطيك هالمعلومه ... بالعادة الواحد اذا دخل كندا وفيزتو زائر فلازم علشان يغيرها الى فيزة طالب وياخذ ستدي بيرمت أنو يطلع من كندا ويسويها بالخارج ......>> بس << الحالة الوحيدة المسموح فيها أنو تغيرها وهو داخل كندا أنك مع زوجتو زي جنابك أو العكس ..يعني مثلاً لمن يكون الطالب يدرس وعندو فيزة طالب وزوجتو عندها فيزة زائر .... بالعربي .. وضعك طيب وماعندك مشكلة المهم أنك أول ماترجع انشاء الله لكندا برمضان أول شي تسويه انك تقدم طلب للأمقريشن يسمونه تغيير الحالة >> للي مثل حالتك من الي يبي يغير حالته في كندا من زائر الى طالب وهذا تقدر تعملو أونلاين وياخذ منك بالكثير 10 ايام ...

أما بالنسبة لسفرتك من كندا ورجعتك لها فماعندك مشكلة لأنو على كلامك فيزتكم تسمح لكم الدخول لكندا لأكثر من مره ..كل االي يصير هو أنك وبإفتراض أن سألك الأمقريشن فأنت لاتقول لهم أنك تدرس .. وسو معاهم الي سويته اول مره جيت فيها .. وبس تدخل كندا تسوي الي قلتلك >> تغيير وضعك ...

فكرة انك تسويها من السعودية ممتازه بس المشكلة الخوف انهم يتأخرو عليكم ولاتصير مشاكل .. وبرضو تضمن جوازاتك تكون معاك وماتمسك ..

بالتوفيق

عبد الروووؤف الله يرحم والديك
يعني قصدك اتكل على الله واروح السعودية وانا حاط في بطني بطيخه صيفي ولا فيه ايه مشكله لي لما ارجع لكندا
ولما اوصل مطار كندا اعمل نفسي مش عارف حاجه..ههه وادخل كاني زائر مثل ما دخلت اول مره..وهل الجوازات الكندية اكيد ما صار عندهم خبر بإني كنت ادرس بالمره الأولى؟!!!!!!!!!!!!؟؟؟؟؟؟؟؟؟
وبعدها على قولتك اعمل الإميكريشن حقي لما ادخل كندا واحاول ابدل وضعي من زائر لطالب
..(سؤال عرضي) بالنسبة لزوجتي
لانها دارسه هل لازم بعد احمل معاي شي يثبت قبولها بمعهد او انها تدرس بالمعهد لما ادخل مرة ثانية كندا..او بس الختم القديم إللي على الجواز ولستدي بيرمنت حقها تكفي؟

اأيد كلام عبدالرؤوف جزاه الله خير
من خبرتي انا نزلت الى السعودية في شهر ماي ورجعت في شهر جوالي تقريبا
وانا خارج من كندا ما ختمو خروج على جوازي ؟؟! لمن سألت شركة الطيران اخبروني هذا نظام كندا
ولمن جيت الى كندا بس عبيت الابلكيشين الي في الطيارة وسلمته للموظفين المسؤليين على الابلكيشن
وسألوا هن مدة اجازتي وختموا على الاستدي بيرمت حقي ودخلت على منطقة الشنط على طووووول
كأني من عيال البلد
يعني لا تخاف تعاملهم رائع
وشيل معك الورقة الي انت ارسلتها للمحلقية حفت زوجتك المبتعثة احتياط
واذا سألك ؟ انت ما تدرس!!! عادي
بس تكفى ادعلينا في ارض الخير السعودية واذا روحت لمكة
والله الواحد ما ادري كيف يصبر على رمضان خارج السعودية
طولت عليك تحياتي

شوف وأنا أخوك محسوبك أول مره انزل السعوديه هذي الصيفية وبعدني مامريت بهالتجرية زي أخوك الجوكر ... كلامي جاي من الحسبة المنطقية أنو أنت أساساً داخل كندا لأن زوجتك تدرس وأنت معها ووضعك مو زي ذاك السايح اللي جاي لفترة وطالع .. واللي يأكد هالكلام أنو فيزك في الأغلب وعلى ماأظن نفس الفتره الي بفيزة زوجتك .. عموماً الي راح يصير الحين أنك ترجع لكندا وحاط ببطنك ومخك حب حب من اللي يحبه قلبك .. وأمورك طيبه وللأحتياط شيل معاك بشنطة اليد وأنت راجع اوراق قبول زوجتك والمهم تصاريح الزيارة والسفر حقتكم ...

وفالك التوفيق .

مشكووور اخوي الجوكر ورحم الله والديك..والله يردك السعوديه بعد ما تخلص دراستك زي ما تبي سالم غانم
وبالشهادة الكبيرة..روح وقلبي داعي لك
بالنسبة للورقة إللي ارسلتها الملحقية..اي وحده تقصد فيهم..تقصد قبول المعهد..او شي ثاني

اخوي عبد الروؤف ما قصرت يالغالي..تعبتك معاي..رحم الله والديك دنيا واخره..
لا تنسونا من دعائكم بشهر الخير والبركة...تحياتي

ايه ورقة قبول المعهد احتياط فقط لا غير خلها معك مع الجواز والاوراق المهمة
تحياتي