العوايل الي طالعين فانكوفر عن طريق لندن من تاريخ 11-30 سبتمبر ..تتفضل

احنا رحلتنا اخر سبتمبر بس مسار الرحلة جدة - فرانكفورت - فانكوفر



يلا ان شاء الله تلاقي احد يروح معاها وتوصلك بالسلامة يااارب

ياجماعة الخير ... الموضوع يستاهل تسوون هالخدمة .. مفاطيح أول ماتوصلو لكندا + لبن الصافي 2 لتر

up .. up

ان شاااء الله تتيسر خيووو

اخوي الموضوع ابسط من كذا--
خلي زوجتك الكريمه تجي لحالها بس انت زبط لها الحجز واستقبلها في المطار وترا وانا اخوك الامور سهله وفيه مترجمين في مطار لندن
لا تخاف =انا اعرف ناس كثير يسون هاذي الطريقه-توصلك بسلامه

ان شاء الله تتيسر امورها بس ترا الموضوع مايستاهل

انا بنت عمري 18 سنه اتوقع ان زوجتك اكبر مني

قبل سنتين لما كان عمري 16 رحت فانكوفر لدراسه لغه عن طريق مطار البحرين وبعدين لندن وصولا الي فانكوفر لحالي
لان لقروب الي كنت رايحه معه كله شباب وماحبيت اختلط معهم وعادي دبرت اموري ووصلت لهناك سالمه
وبعدها بالرجعه اطريت اسكن بفندق في لندن لمده يوم كامل وكمان دبرت اموري بنفسي

فعادي مايبي لها شي لغه بسيطه تمشيك

واذا ماعندك لغه بتاتا لغه الاشاره كمان تمشي

بس اكتب لها اهم المصطلحات الي تحتاجها العناوين الي تحتاجها يعني انا في رجعتي عنوان الفندق كان عندي فعطيته احد بالمطار
وسئلته كيف اروح له وهو شرح لي

عطيها اهم شي رقم رحلتها وخلها تتابع معه مطار لندن عيبه (( على ايامي مادري تغير الحين لو لا )) شي لازم تحط باله عليه
وهو البوابه مايحطها لها بالتذكره ولاتقدر تعرفها غير قبل موعد الرحله بنص ساعه فبس تقرب موعد رحلتها دايم تراقب الشاشه لين
مايكتبون لان ممكن تكون بعيده شوي وتروحها مشي فتحط بالها مجرد تنكتب تروح

وشي كمان اول ماتروح تنتقل لقاعه ثانيه هذي يبي لها باص ويمكن تطول فاول ماتنزل من الطياره الى مطار لندن
تراوي اي احد من الي يشتغلون هناك رحلتها وانها رايحه لفانكوفر وبيعطيها رقم الصاله الي تروحها وتقدر تسئله كمان كيف
عشان لاتتئخر وعطول تروح لها وتخلص اجراءات التفتيش بعديها تروح وترتاح فيها والاسواق هناك حلوه بتحمل لها كمن حاجه اكيد
فتخلي بيدها كاش

وبتنبسط وبتوصل لك باذن الله سالمه مايبي لها سالفه بس اللهم الخوف والرهبه هم الي بيواجوهها بس كل الامور هناك سهاله
والموظفين جدا متعاونين وتلاقي فيهم مسلمات ومحجبات

ياررررررررررررررررررررررريت اقدر اسوي كذا .. عني انا اقول لها من زمااااااااااااان ..ان الأوضاع مره سهلة .. وكل شي يتزبط انشاءالله .. بس خبركم بنات هالأيام >> بإستثناء صدى الغربة -^- .. ومع العلم أن لغتها مره كويسة وتقدر تمشي حالها ...

بس برضو المشكلة أنها بشهرها الرابع والا ماتحتاج حد يكون بجنبها ... المشكلة برضو أنو حجوزات السعودية لندن المتوفرة فل الى نص أوكتوبر .. وأحنا مانقدر نغير لأي خط سير ثاني بحكم أن ا لتذاكر خالص أمرها .. هذا غير أنو فيزتنا تخلص على 30 سبتمبر ..

يعني أم التعقيد ... وأنا ساعة الي نزلت الموضوع ..حطيت ببالي انو ممكن يكون فيه فرصة أنو أحد يطلع معاها .. على الأقل نحسب على خيار ممكن يفيدنا >>>>>>>>>> حسيتها قضية دارفور

انا اقول خل تقرا ردي وبتطمن

وحتى لو شهرها الرابع ناس ينزلوا وهم بالتاسع وعن طريق لندن يعني بتاخذ الطيران البريطاني فهو جدا جيد ومعاملاتهم حلوه فلا تخاف منه

وعقولتك بنات هالايام استثنيتني منهم لكني منهم ومثلي مثلهم خوافه وهوس بس كان عندي هدف وماكان ينفع اخاف وقتها

وهي اكيد تبي تجي لزوجها فبتخاف شوي بس وقت الجد واثقه بتكون قدها وقدود

وفي كمان تقدر انت من فانكوفر تتابع رحلتها في لندن عن طريق موقعهم بالانترنت وتتابع معها وتتئكد منها رحتي هنا لو لا
انا هلي كانوا يسووا كذا كل دقيقه متصلين يتئكدوا مشيت اموري صح ولا

هلا اخووووي

انا رحلتي مع اهلي ان شاء الله يوم 15 سبتمبر الرياض دبي تورنتو - فانكوفر

هههه خط السير متعب لكن اذا اعجب اهلك ابشر والله عين فراش وعين لحاف لهم مالك الا من يوصلهم لك سالمين غانمين بعد الله سبحانه

وعلى فكرة اذا كنت مبتعث تقدر تقص لها تذكرة على حسابك ويعوضونك الملحقية

شاور نفسك واترك لي رد هينا

موفق

شهر كريم على الجميع وعذراً على الانقطاع الذي دام طويلاً

حبيب قلبي فورمات .. تسلم ورايتك بيضا .. وعلى فكرة مقترح أني اكنسل تذاكري الحالية وأطلع على غير خطوط ماكان ببالي .. ويارب ينفع اني اكنسل تذكرة زوجتي واشري لها على حسابي .. بس فيه سؤال يخرخش بمخي .. الأن أحنا استخدمنا هالتذاكر اساساَ ورجعت فيها من كندا والحين انا راجع عليها الى كندا.. هل فيه بالإمكان ألغي تذكرة العودة ؟؟؟؟اذا كان اوكي .. فهي راح تريحني .. وعلشان كذا انا راح اكلم المحقية بكره انشاء الله .. واتأكد ..وان صار وزبطت ..سحورك علي ليلة 20 سبتمبر .. عند البخاري الي بستانلي بارك ..