حاسب الي-> (كندا ام امريكا)

من ناحية الدراسه اتوقع امريكا اسهل شوي

وان شاء الله يجي من يفيدك اكثر

ما تحتاج كل هالحيرة يا رجل ههههههههه

كل الدوليتن فيهن جامعات ممتازة.

لكن شخصيا أفضل أمريكا لعدة أسباب:

- غالبا جامعاتها تحتل تصانيف أعلى من الدول الثانية.
- أنا درست بكالريوس في أمريكا، و متعود على اللهجة الأمريكية، فراح يسهل علي الفهم في الدراسة.
- يمكن ما فيه تفوق معتبر في التوظيف، لكن أتصور اذا تساوت كل المعايير راح يتم تقديم خريج أمريكا على خريج كندا.
- أميل للثقافة الأمريكية أكثر من ناحية مسلسلات و أفلام و فيديو قيمز.. فأحسن انها موطن لي أكثر من كندا.

عشان كذا في الأخير الأمر راجع لك. أهم شي الجامعة جيدة و معترف فيها.

أما تخصص الماجستير.. فصراحة أميل لل MBA. أنا مثلك خريج حاسب.. و صراحة مليت البرمجة. أبي أصير اتخذ القرارات و أقود المؤسسة.. مو استمع للقرارات تملى علي و أنا أنفذ. عشان كذا ال MBA راح توفر لي هذا التحويل في الوظيفة. و مستقبل ال MBA رائع جدا في السوق. كل الشركات تحتاج خريجين MBA.

و ماهو انتقاص من الحاسب.. بالعكس اذا تحب التخصص قدم عليه و انت مغمض.. و مستقبله ولا أروع. الدولة طايرة بالحكومة الالكترونية و تبحث عن ناس تبرمج لهم هالحكومة الالكترونية. المؤسسات الحكومية صارت تشبك برامجها مع بعض.. و الشركات مع بعض و مع المؤسسات الحكومية. مثلا لو مواطن سعودي توفى.. و تم ادخال بيانات وفاته في وزارة الداخلية.. تلاقي المعلومة على طول تروح لم بنك المتوفي عشان يتم ايقاف حسابه. و تروح لم شركة التامين عشان يتم ايقاف تأمينه. و تروح لم مؤسسة التأمينات أو التقاعد عشان يتم ايقاف معاش التقاعد.. و غيرها كثير. هذا الارتباط الالكتروني يريح المواطن كثير بدل ما عياله يراكضون ورا هالشركات و المؤسسات يعلمونهم ان ابوهم توفى. لاحظ ان الارتباط هذا غير موجود حاليا.. لكن راح نحتاجه في المستقبل. و هذا مثال واحد فقط.. فعشان كذا تخصصات الحاسب مطلوووبة بشكل كبير.

في الأخير شف الي ترغبه أنت عزيزي. اذا تميل للتفاصيل الدقيقة و التقنية في انك كيف تشبك وزارة الداخلية مع بنك الرياض مثلا.. روح ماجستير هندسة حاسب. اذا انك تميل لحساب ميزانية هذا المشروع و تخطيط مدة تنفيذهو توفير الموظفين الي تحتاجهم للمشروع.. روح MBA. الكل مطلوب في السوق لا تخاف ما راح تكون عاطل انشالله

فهد الزامل
اشكرك على الرد
Arsene Lupin
قسم بالله انك بطل ، ريحتن الله يريح بالك .
لكن من حيث المعيشة والشعب والراحة النفسية بالبلد . أيهن افضل؟
واذادخلنا بريطانيا بالحسابات وش تتميز فيه عن امريكا و كندا .

والله بريطانيا انا مطيرها من الحسبة.. لأني قد اخذت دورة فيها و فاتح اثمي ما فهمت شي مع اللهجة!

لكن ميزتها صراحة القرب من السعودية.. يمديك تجي في العطل البسيطة ام 5 ايام او اسبوع لو اشتهيت.

و فيه ميزة في بريطانيا (و كندا نوعا ما) الي هي قصر الماجستير. كثير جامعات عندهم يقدمون ماجستير في سنة. أمريكا قد شفت ماجستير في سنة لكن نادر شوي.

بالنسبة للشعوب و الراحة النفسية انا ما جربت الا امريكا.. و الحمدلله الشعب طيب والله.. و تعلمت منهم امسك الباب اذا فيه احد جاي وراي بيدخل و الشعب اصلا كله مخلوط من كل مكان.. يتقبلون كل رأي و شعب و ديانه بصدر رحب.

و اميل الى امريكا لأن كندا و بريطانيا يغلب عليهم البرد.. أمريكا كبيرة و متنوعة الأجواء فيها.

كان عيب أمريكا هو حوسة الفيزا.. لكن الحمدلله اوباما شكلة زبط الوضع و صارت تطلع بسرعة و مدتها خمس سنوات بعد.