للفائدة / تجربتك مع الجيمات/التوفل او الايلتس

معقوووولة ما احد مر بأي تجربة يقدر يفيد بيها؟؟؟؟؟؟

أنا اختبرت الجيمات بتاريخ 28/5/2009

690

ستة أشهر متقطعه... لكن آخر شهر كان مركز جدا.. يعني أرجع من الدوام على الجيمات الين انام.

المراجع موجوده هنا

أهم المراجع هي برنامج GMATPrep و الكتب الرسمية.

ناوي على MBA انشالله من جامعة ممتازة في أمريكا.

الجيمات يحتاااااج مذاكرة... لا يتوقع الواحد انه اختبار ذكاء او ما شابه. تحتاج تكون متمكن من الانجليزي و الرياضيات عشان تبدأ مذاكرة. اذا ما عندك توفل.. لا تلمس الجيمات.. روح جيب التوفل ثم تعال ذاكر.

و صراحة الجيمات يستاهل المذاكرة.. يعني بدل ما تدور جامعات ما تطلب جيمات و مستواها عادي.. شد حيلك كذا شهر و جيب درجة عالية و تتفتح لك جامعات تلاقيها من أفضل 50 جامعة من أمريكا. التعليم و الشهادة راح تفرق معك.

التوفل صراحة ما اعرف عنه ما اختبرته.. و بما أني خريج جامعة أمريكية فما هو مطلوب للقبول.

يعطيك الف عافية أحمد علىىى تفاعلك

تجربة تستحق القراءة...الله يوفقك لما تحب وترضىىىى

ننتظر تجارب البقية...

تحياتي

على فكرة أحمد

قسم ال AWA في الجيمات كيف شفته؟؟

تحياتي

انا اختبرت الايلتس
الدرجة اللي حققتها 5 واختبرته مرة واحدة فقط
مدة المذاكرة : لم اذاكر بمعنة كلمة مذاكرة
المراجع: عملت بحث عنه في النت وسويت براكتس على كم عينة من الاختبارات السابقة لمدة اسبوع فقط

سبب اخذي له : لمعرفة طريقة الاختبار عشان اختبره مرة ثانية واجيب درجة كويسة ان شاء الله لدخول الجامعة في كندا

النصيحة : بصراحة الاختبار مو صعب مرة بس اهم شي تركزون على شغلتين فيه يعني مثلا الاختبار يشمل :
Listening, Reading, Writing, Speaking
ركزو على شغلتين من هالشغلات الاربعة وجيبو درجات كويسة فيها وان شاء الله بتعدون .... انا اعتقد لو اختبرت مرة ثانية ماراح اجيب اقل من 6 ان شاء الله لاني عرفت التكنيك حقه وعلى فكرة الريدنك فيه مرة صعب يجيبون لك 3 قطع كل قطعة 3 صفحات وكل قطعة عليها اسألة ولازم خلال 20 دقيقة تخلص كل قطعة مع اجابة الاسئلة واكبر خطأ انك تقرا القطعة كلها لانك بتضيع وقتك وما تقدر تجاوب الاسئلة كلها وبتجيب درجة سيئة جدا ... اقرأ الاسئلة اولا واشر على الشغلات المهمة في الاسئلة ( كي وردز) بعدين اعمل سكيم ودور على الكي وردز في القطعة وجاوب على طول .

اتمنالكم التوفيق ان شاء الله

هالقسم ما يدخل في الدرجة الكلية المطلوبة.. و غالبا ما تنظر له الا الجامعات التوب. جبت فيه 4.5 من 6

و عموما شي بسيط هو ما يحتاج مذاكرة عميقة. يمكن اشتغلت عليه يومين بس. حفظت لي بعض القوالب او التصاميم المعينة للرد و طبقتها. تلاقيها مثل الشكل هذا(كل شرطة باراقراف):

"

- الرأي المطروح في الموضوع ضعيف بسبب النقطة أ و النقطة ب.. بالإضافة الى النقطة ج.

- تشرح النقطة أ و ليش هي تضعف الرأي المطروح في الموضوع.

- تشرح النقطة ب و ليش هي تضعف الرأي المطروح.

- تشرح النقطة ج و ليش هي تضف الرأي المطروح.

- الاستنتاج اذا ان الرأي ضعيف بسبب أ و ب و ج (تختصر الأسباب الي في الموضوع).

"

هذا بالنسبة للجزء الي تضعف فيه الرأي المطروح. فيه التعبير الثاني تطرح فيه رأيك بشأن موضوع معين و تدعمه بأدلة و أمثلة.. نفس فكرة ترتيب المقال الأول.

الايلتس حلو احسن من التوفل جبت 5 ونص
وكانت بدون تحضير

دخلت كورس جيمات سدت نفسي منه ورميت الكتاب .... اللي مادرس رياضيات بالانقلش اعتقد بيلاقي صعوبه ... غير القسم اللي هو verbal يعني من جد كان شي مش سهل .... بس االللي عنده انقلش كويس زي الاخ arsene درس بكالوريس من امريكا بيكون سهل علي

تحياتي للجميع