مساعدة:تخصصي هندسة عمارة وتخطيط! بماذا تنصحوني ؟

قليل ما نلاقي ناس معماريين مبتعثين او على الاقل صارلي سنتين هنا و ما قابلت الا ناس يتعدو على الاصابع !
المهم اول شي مبروك على البعثة و ان شاءالله تتيسر امورك
ما قلت ايش تبغا تتخصص في الماجستير لانو يعتمد على حسب التخصص فين راح تلاقي !
لكن الاغلب الي بيجو على الهندسة المعمارية بيروحو Landscape Design لان اكثر تخصص متوفر في كندا
و تلاقي اقسام ثانية لكن صعب القبول فيها
و طبعا كل ما تروح ناحية الشرق بيكون اسهل القبولات لان في بريتش كولومبيا ما تلاقي الا في جامعة واحده اليو بي سي و قبولاتها صعبه و عليها تنافس كبير
و محسوبك اتمرمط سنتين عشان يحصل قبول لكن ما لقيت !!! ما ابغا افجعك لكن في الاخير كل واحد و نصيبو و مدام انت تقول معدلك عالي فلا تشيل هم ان شاءالله
اهم شي يكون المعدل مش اقل 3 من 4
و تجيب معاك بورتفوليو محترم عشان الجامعات تطلبها و توصيات من الدكاتره و افضل كمان لو عندك خبرة او توصية من مدير العمل
فاول خطوة انصحك فيها انك ترسيلك على تخصص معين و تدخل على موقع الوزارة و تشوف الجامعات المعترفة بيها و تقدم على كل الجامعات و برضو في نفس الوقت تقدم في امريكا عشان لو ما جاك قبول في كندا يصير تحول بسرعه و ما تضيع الوقت !
و ايوه صحيح ترى لازم تتاكد من حكاية التخصص يكون تحت مسمى الهندسة او علوم لان اغلب الجامعات في كندا و امريكا بيحسبو تخصصات العمارة تحت مسمى الفنون و الوزارة ما تقبل اي قبول بيكون تحت مسمى فنون !!!!
بالتوفيق ان شاءالله

مشكووووووووور ما قصرررررررررررررررت

ما قلتلي ايش تخصصك انت ؟

مرحبا

جرب جامعة واترلو ، الجامعة قوية في الهندسة وهذا رابط الهندسة المعمارية http://www.architecture.uwaterloo.ca/
على العموم قسم التخطيط في الجامعة تحت قسم البيئة وهذ الرابط
http://www.fes.uwaterloo.ca/planning/

الله يوفقك لما يحب ويرضى