معهد inlingua في فــانــكوفـر

السلام عليكم ورحمة الله وبركاته

حبيت أتكلم لكم اليوم عن معهد إنلينقوا اللي درست فيه لمدة أربعة أشهر
رابط صفحة الموقع باللغة العربية

Learn and study English at inlingua Vancouver
مدة الكورسات
من 9 إلى 4
أو من 9 إلى 2:30
أو من 9 إلى 4:30

المعهد ممتاز للي مبتدئ باللغه
المعهد يطور السبيكنق عندك
يعني يجلس فيه الواحد ثلاث شهور يأسس نفسه وبعدها ينتقل لمعهد جامعه
أو يبدأ كورس أكاديمي
الحلو في المعهد إنه يقدم كورس ون تو ون
بمعنى مدرس يدرسك لوحدك والدروس هذي تكون بعد الظهر والدرس مفيد جداً
راح تتكلم مع المدرس أو الأبله لوحدك وهالشيء بحد ذاته مفيد
والكورس هذا معتمد من الملحقية يعني مايحتاج تدفع دروس خصوصية وغيره
وفي هالدرسين كل درس مدته خمسين دقيقة راح يشرح لك أي شي تبغاه ومافهمته

المعهد فيه كورس للتوفل مدته شهر بس يشترط إن مستواك يكون متقدم في اللغة
نظام الدراسة في الكورس هي حل اختبارات توفل سابقة وشرح طريقة الإجابة
وكل يوم جمعة راح يكون عندك اختبار توفل مشابه للإختبار الحقيقي


والسنه الجديده 2010 راح يقدم المعهد كورس تحضير للآيلتس بس يشترط يكون مستواك متوسط في اللغه
مدة الكور 3 شهور

المعهد فيه كورسات كثيرة مثلا كامبريدج بس أنا تكلمت عن الكورسات اللي تهمنا كطلاب تنوي الدراسة في جامعه
واللي حاب يطلع على البرامج هذا الرابط
English Courses

رسوم التسجيل في المعهد 125 دولار كندي ( راح تعوضك الملحقيه عنها إذا بدأت الدراسة )
يقدم المعهد خصم للطلاب الدارسين على حسابهم يعني تقريبا بيكون سعر الشهر 950 دولار كندي للفل تايم أو أقل أنا ماني متأكد
المعهد يسوي رحلات شهرية
وحفل أسبوعي للطلاب المتخرجين
ؤأنشطة كثيرة

اللي محتاج أي مساعدة في الحصول على قبول من المعهد أنا حاضر .
بس نبي منكم الدعاء بالتوفيق والنجاح