مبتعث مستجد Freshman Member
كندا
التميمي 111 , ذكر. مبتعث مستجد Freshman Member. من السعودية
, مبتعث فى كندا
, تخصصى بزنس
, بجامعة خاص
- Canada, Canada
- السعودية
- Dec 2009
المزيدl January 15th, 2010, 05:31 AM
يااااااااااااارب يضمونك قريب
مووونة January 15th, 2010, 01:20 PM
7 " شكرا على المساعده
بس حابه اني اسال عن المبلغ الي نحتاجه كاعائله زوج وزوجه وطفل
ومعهد efبفانكوفر هو كويس ولا موكويس
تحياتي
دوده دح January 15th, 2010, 01:53 PM
7 " تسلم يــــــــــــــــــــــدك على الموضوع الشيق...
Qusai January 15th, 2010, 02:17 PM
7 " رائع ماكتبت ويارب تنضم بااقرب فرصه
على الله January 15th, 2010, 02:22 PM
7 " هلا وغلا فيكم تسلمون ماقصرتو بصراحه على الردود هذا كله عشان اخواني واخواتي اللي متغربين نحاول نساعدهم باللي نقدر عليه اليد اللي تقصر نطوله لو في الكلام المهم اختي دوده بالنسبه للمبلغ اللي اعرفه يكون عندك كشف حساب لمدة 3 شهور يكون متوسط الحساب اقل شي خمسين الف يعني مدة الكشف 3 شهور لازم يكون فيه مبالغ كبيره بين فتره وفتره واخر شي الرصيد يكون حلو مبلغ جامد اما بنسبه للتعريف حق الراتب لازم يكون اقل شي 8000 ريال افضل ولازم يكون مصدق جميع الاوراق من الغرفة التجارية عشان بعد ماترجعون
ثاني مرة اما بالنسبه لفن كوفر انا ماعندي خلفيه عنها كثير لاكن اللي اعرفه فيها سعوديين بكثرة حاولو تغيرون مدينتكم عشان اللغة وما اللغة وانتم عاد براحتكم هذا قراركم لاكن اذا انك مصره وتبيني اسألك انا اعرف واحد هناك معه عياله وش تبيني اسألك عنه اكتبي استفسارك وانا بكلمه بأسرع وقت واردلك خبر ولايهمك ومشكورين على دعواتكم الله يسر امركم
ويحقق لكم اللي فبالكم ,,
وشكرا
التميمي 111 January 17th, 2010, 09:20 AM
7 "
January 15th, 2010, 05:31 AM
هلا وغلا فيكم كما عودتكم على قولتهم موضوع شيق بصراحه ينفع الناس اللي جاين لكندااول شي رحلتي من بداية علمي في سفري راح تكون المحطة الرياض :
اول شي تسويه بعد حصولك على القبول من المعهد او الجامعة تضبط الأوراق المطلوبه للحصول على الفيزا
طبعا هذا الكلام موجه الى الناس اللي جاين على حسابهم تاخذ قبولك مع خطاب تعريف بالراتب يستحسن يكون راتبك كويس يعني قريب ال 8000 ريال + كشف حساب 3 شهور صور 4+6 مكشوف الرأس اذا كان عندك شركة تتكفل في مصاريفك والـتأمين الطبي سوي خطاب واكتب فيه تتكفل في دراستك ومصاريفك والتأمين الطبي جوازك اذا تبي نصيحتي خله جديد يعني اقل شي 4 سنوات ساري المفعول صور اخر شهادة حصلت عليها طبعا كل ماكثرت اوراق زانت امورك طبعا فيه شي مهم جدااااااا اي ورقه تجيبها حاول تكون مختومه ومصدقه تصديق الغرفه التجاريه تروح بعد كل هذا مكتب مثلا فيفا اللي بجوار بنده العزيزيه التخصصي فرياض هذا اللي اعرفه الحين واذكره بعد ماتعطيهم الاوراق راح ياخذونها منك وترجعلهم بعد يومين تاخذ منهم ورقة الكشف الطبي طبعا هم مقاولين 3 مستشفيات ترنسات سليمان الحبيب التخصصي الطبي روح ترنسات اللي خلف مستوصف العليا اسأل فالحارة بيدلونك خلص ومن بوكرى هم بيرسلون النتيجه لسفارة في كندا تلقائيا انتظر وصول الفيزا شهر اسبوعين شهر ونص ماتدري متى بتجي بس ماتتعدى شهرين اذا اخذت الفيزا قم طيارة واحجز طبعا الطيران انا افضل ال BMI بصراحة روعه ولك 32 كيلو على الشنطه الوحده وانت مسموح لك شنطتين يعني دفعتين يسمونها طبعا راح يكون خط سيرك الرياض > لندن > ترانتو
المده من الرياض 6 ساعات تنتظر في لندن 6 ساعات من لندن الى ترانتو 8 ساعات تقريبا النقطة الثانيه بالنسبه للملابس الان برد موت تحت الصفر 20 احيانا 15 احيانا 30 يعني حاول يكون لبسك مرة ثقيل ويدفي طبعا الجزمات وانتو بكرامة راح تروح فيها لانك بتمشي في ثلج على طول يعني لاتكبرها وتجيب ماركات مره خذ اللي يمشيك انا متورط يعني المهم بالنسبه لدوام في الجامعة لازم تتأقلم لانه ضغط يعني من 9 تقريبا الصباح الين 5 العصر نقطة ثالثه
بالنسبه للرقم انا مطلع من اتصالات Fido حلوه فيها اي خدمه تبغاها بلاك بيري مسن دولي داخلي اي شي تبيه الحساب في البنك عندك كذا بنك انا حسابي في cibc برضو بنك كويس خدماتهم حلوه النقطة الرابعه وهي الاهم لاتجي الا معك بطاقة فيزا او مستر كارد ماتقدر تمشي الا فيها مايعطونك رقم ولا تقدر تتسوق الا فيها بعض المحلات اذا انت بلاك لست
وماتقدر تطلع فيزا او ماستر فيه الحل فيه بطاقة اسمها مسبقة الدفع عند البنك الاهلي او الرياض تعبيها فلوس من عندك وهيا بنفس الوقت في مقام الفيزا او الماستر وهيا فلوسك لارسوم ولا عمولة وش ثاني ممممممممم بس خلاص ههههه
اتمنى لكم السعاده والهنا والله يوفقكم انشاءلله ويعطيكم على قد نيتكم ادعولي يضموني للأبتعاث انا على حسابي ادرس
وبتوفيق للجميع
اخوكم ,,