المشاركة الأصلية كتبت بواسطة عبدالرحمن العمري
اهاااا .. سبحآآن الله , نفس وضعي بس انت متطور شوي .. > خلني بس اشرح لك معآناتي مع كلية ينبع الصنآآعية ..
.. انا قضيت سنتين ونص في رحآب كلية قرنبع الصنآعية < كذا الشباب يسمونها هههههههه ..
ههههههه من جد معاناة .. أنا سمعت كثير عن كلية قرنبع الصناعية وقالوا لي أفضل شي بالكلية سكن الطلاب .. وبالنسبة لإدارة الكليتين منفصله عن بعض وهذا الشي بحد ذاته مشكله .. أنا ما أدري عن مناهجكم بكلية قرنبع .. بس احنا مناهجنا الحمد لله متطوره جداً وبالنسبة لمناهج اللغة الإنجليزية مناهج أرامكو اللي يدرسونها لبرنامج الـ ITC .. ويبدون معااك من الصفر إلى المستوى السادس .. يعني تتخرج وأنت متسلح باللغة وهذا سبب إختياري لكلية الجبيل .. وأحب أزيدك من الشعر بيت .. كليتي حصلت على الإعتراف الأكاديمي الأمريكي والإعتراف الأكاديمي البريطاني قبل سنتين .. جانا وفد من أمريكا ومن بريطانيا وقيموا الكلية وعطوها التعريف > المهم , كنت اتمنى اني ادخل تخصص الهندسة الميكانيكة بس ( الله سبحانه ما اراد ) لانهم قآلو لي
جب 2 و نص ونحطك في التخصص الي تبغااهـ لاني وقتها كنت منزل لي ترم ( سياحي ) < ما ادري اذا عندكم زي كذا في كلية الجبيل ؟؟
لا والله وأنا أخوك أول مره أسمع بهالمعلومه حسيت إنك مرشد سياحي .. مآآ جبت المعدل الي يبغونه >> جبت 1,94 < قآلو لي ما ينفع
>> وحطوني في تخصص بآآيخ اسمه ( هندسة الجيوماتيكا ) يعني هندسة المساحة بالعربي ..
.. تفآئلت خير وقلت يمكن الله اراد لي الخيرة بذا التخصص ..
يالله على قولك إنشاء الله يكون خيره .. بس أنت الله يهديك ليش ما شديت حيلك في السنه التحضيريه وجبت معدل حلو علشان تدخل التخصص اللي تبيه .. أنا بصراحه مادري عن نظام الدراسه عندكم وخصوصاً السنه التحضيريه .. بالنسبة لكلية الجبيل جداً سهالات وتجيب فيها معدل وأنت تضحك > قعدت في ذا التخصص ترم ,, حتى ما امداني اكمل الترم يآ رجال .. قسم بالله تخصص سخيف ..!
.. وفوق كذا وهذا المهم , ان ذا التخصص مو معترف به خارجيا ( وهذي مشكلة كلية ينبع و الجبيل )
مثل ما قلت لك عزيزي أنا كلية الجبيل معترف في الإعتراف الأكاديمي الأمريكي والبريطاني وهذا الشي إنشاء الله يكون في صالح الخريجين .. بالنسبة لمناهج تخصص الهندسة الكهربائية معظمها كنديه مقتبسه من مؤلفات المهندس الدكتور رشيد الرشيد كندي الجنسية > عندنا وعندكم بعض التخصصات ما اقد اخذت الاعتراف الدولي ..
.. بتسألني وش فايدة الاعتراف الدولي صح ؟
>> الاعتراف الدولي هذا يفيدك لو تبغى تكمل بكالوريس في جامعاتنا او حتى خارجيا
بحيث انهم يعادلون لك كل الساعات الي درستها بالدبلوم اي ما يقارب ( 70 ) ساعة دراسة دبلوم
او حتى يعادلون لك معضمها ..
> انا يوم جيت استفسر عن معادلة ساعات تخصصي الي مو معترف به دوليا ولا حتى محليا
قالو يمكن ما نعادل لك الا 20 ساعة فقط ...!!!
اممممم .. ممكن أعرف وين سويت المعادلة ..؟ ياليت تفيدني بهالموضوع لأني متوهق ونزلت فيه مجلدات ومواضيع بالمنتدى ولا حصلت الجواب الكافي للآن >>> تخيل الواحد يقعد يكرف ثم يروح يقدم على جامعة براا يجون يقولون له ما نعترف بسااعات دراستك \
>> طبعا يوم شفت ان الشغلة كذا , كلمت الوالد ..
> تعرف الشيبآآن عندهم علاقات ^ ^
.. والحين قآآعد انتظر البعثة انشاء الله عن طريق المكتب الخاص لسمو ولي العهد الله يحفظه .. بصراحه أهنيك طالما عندك واسطه إنشاء الله أمورك زينه .. إستمر والله يوفقك ويسهل لك أمورك > لكن انت انشاء الله ما عليك خوف , لان تخصص باور , راسل الجامعات وشوف وش الله كاتب لك يآخوك
أمحق عندي وعندك خير وأنا أخوك .. يا حبيبي توقعت أول ما أتخرج من الكلية بتوظف وبتزين أموري لكن للأسف لقيت الواقع شي ثاني .. لقيت شبح الواسطه ما زال يطاردني إلى الآن .. ياما سويت مقابلات شخصيه وبكل مره أتفاءل وأقول إنشاء الله بنقبل وبتوظف لكن للأسف ما أنقبل ولا توظف إلا اللي معاه واسطه ومعدلاتهم أقل من معدلي أنا وبعض زملائي .. وهذا اللي خلاني أقرر أكمل دراستي برآآ .. وزملائي إلى الآن بعضهم ما توظف ومعدلاتهم عاليه وأعلى من معدلي .. آدهن السير تمشي أمورك وهذا اللي حاصل .. اذا عندك اي استفساار ,, تفضــل ..
\
January 18th, 2010, 06:50 AM
السلام عليكم ورحمة الله وبركاته ..الله يسعد مسآـآكم بكل خير ..
اليوم جايب لكم كتآب عجيب ومرررررررره مفيد ويفيدك بإتقان اللغة الإنجليزية بسرعه وسهوله وخصوصاً المبتدئين اللي ما يعرفون شي بالإنجليزي واللي بيسافر ويبي يسلك أموره هنااك ..
مثل ما انتم عارفين الإنجليزي الآن أصبح حلقة الوصل للتواصل مع جميع الدول والجنسيات وصاار تعلم اللغة مطلب ضروري وأساسي لجميع متطلبات الحياة وخصوصاً الوظائف ..
صدقوني يا جماعة الخير اللغة الإنجليزية سهله جداً جداً جداً .. اعتبرها مثل البنايه إذا جيت تبني عماره جديده تحتاج تمهيد للأرض ووضع القوائم ( القواعد ) والأساسيات وبعدين تبنيها بالبلوك ( الطوب ) ..
* تمهيد الأرض أقصد فيها : الرغبه في تعلم الإنجليزي وتهيئة نفسك ذاتياً
* وضع القوائم ( القواعد ) أقصد فيها : معرفة تصاريف الأفعال من ماضي ومضارع ومستقبل ..... إلخ وممارستها علشان يسهل عليك إستخدامها في التحدث والإستماع ..
* الأساسيات وأعني فيها : تعلم بقية قواعد الإنجليزي .. وصدقوني إذا عرفت تصاريف الأفعال ومارستها فعلياً .. باقي القاعدات شي تافه جداً راح تتعلمها في وقت قياسي إنشاء الله ..
* البلوك ( الطوب ) أقصد فيه : حفظ الكلمات باللغة الإنجليزية .. يعني كثر ما حطيت في بنايتك بلوك راح تصير ناطحه بإذن الله <<< برآآآ حسيت إني مقاول أنا ووجهي هههههههههه
حطوا في بالكم حبايبي اللغة الإنجليزية من أسهل لغات العالم بس يبيلها الرغبه والممارسه الدائمه وأضمن لكم خلال أشهر تجيدون التحدث والسوالف والهروج بالإنجليزي
أهم شي نصيحتي لكم وأنا أخوكم .. حاولوا تتعلمون اللغة تحدثاً وكتابةً وإستماع .. خذوا نصيحة مجرب وأنا متأكد كثير من الأخوان بيوافقوني الرأي .. بس حطوا في بالكم شغله .. حاولوا ما تعلمون نفسكم خطأ .. بمعنى الواحد لا يقعد يحفظ كلمة بالإنجليزي ويتهجاها خطأ بعدين يتعود عليها مستقبلاً وتمسك معك طول عمرك وانت يا غافل لك الله
اعذروني طولت عليكم بهرجي .. نسيت اسدح لكم اسم الكتاب
الكتاب على ما أعتقد اسمه ( تعلم اللغة الإنجليزية ) أو ( التحدث باللغة الإنجليزية )
للمؤلف : د. أحمد ممدوح الصغير
طبعاً الؤلف منزل كذا إصدار وكتاب .. بس لون الكتاب هذا ( بني )
وما ينباع إلا بمكتبة العبيكان ( الكتاب نادراً ما تلقاه لأنه أكثر مبيعاً ويمشي بسرعه .. أنا جلست أراكض وراه اسبوعين لين لقيته وقيمته بـ 49 ريال يا بلاش )
أبشركم العامل بالمكتبة يعرف الكتاب زيين من كثر ما عليه طلبات من طلاب الجامعات والكليات ..
الكتاب مترجم باللغة العربية لسهولة التعلم والفهم ومقسم لعدة أقسام مثل ( التحيات والرد عليها ، التعامل في المطار ، التعامل في المستشفى ، التعامل مع الفنادق ..... إلخ )
فيه مصطلحات خاصه بكل قسم ومحادثه تفيدك في تسليك أمورك بالغربه ..
الكتاب هذا نصحني فيه واحد من زملائي الله يجزاه بالخير فترة دراستي بكلية الجبيل الصناعية وفعلاً أفادني كثير .. وأخوياي برضو اشتروه واستفادوا وما حبيت أبخل عليكم فيه .. وأكيد فيه كثير يعرفونه
حبيت أشخمط شوي .. شسوي حبيتكم كل أبوكم يا أعضاء منتدى مبتعث الرائع وربي أبي أفيدكم بأي شي أقدر عليه
الله يوفقكم ويسهل أموركم يارب
أخوكم : ميدو مشاكل