الأعضاء الإشتراك و التسجيل

الملتقيات
ADs

[باكستاني]..[مكسيكي]... ليــه يا سعووودي .. [ارجو التدخل لايقاف الظاهرة]

[باكستاني]..[مكسيكي]... ليــه يا سعووودي .. [ارجو التدخل لايقاف الظاهرة]


NOTICE

تنبيه: هذا الموضوع قديم. تم طرحه قبل 5155 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية فَـربتـشِـيٍـنُــو
    فَـربتـشِـيٍـنُــو

    مبتعث مستجد Freshman Member

    فَـربتـشِـيٍـنُــو كندا

    فَـربتـشِـيٍـنُــو , ذكر. مبتعث مستجد Freshman Member. من السعودية , مبتعث فى كندا , تخصصى تحقييـــط , بجامعة oh
    • oh
    • تحقييـــط
    • ذكر
    • Toronto, Ontario
    • السعودية
    • Feb 2010
    المزيدl

    February 16th, 2010, 11:29 AM

    طالب سعودي يدرس في ولاية اوشاوا .. كالعادة ينزل في اللويكاند الى تورنتو السالفه الان في تورتنتو الساعة 8>> يزعط خاش جو قصص ..

    كاان طاالع من احد القهااوي وطفشان لكن ما يدري وين يرووح قااال ارووح البيــت احسن من الدوجه اخر الليل

    ركب السوووب وااي ... واثنــاء انتظاااره للسوب واي اذا بباكستاني ينتــظر جنبــه شك هل هو مســلم ولا لأ ..؟؟

    ركب السوب واي جلس السعووي جلس الباكستاااني جنبه وبدت النظرااات بينهم >> الكلام الان مدبلج للعربيه

    الباكستاني : الحبيــب من السعــودية ..؟؟



    السعودي : نعم وانا اخووك >> دبلجه متعووب عليــها


    الباكستاني : ما شاء الله معك محمد خاان من باكستان الشقيقة



    السعودي : معك عبدالمحسن من السعوودية هلا مرحبا brother >> صعبة عشان اترجمها


    الباكستاني : عبدالمحسن وانا اخووك وش عندك هنيـا في كنــدا ..؟؟


    السعودي : والله الحمد لله ربي يسرلي وجاي ادرس هندسة ميكانيكية


    الباكستاني : هاه .. بشر وشلوون الهندسة على خبري انها صعبــة ..؟؟


    السعودي : والله انا الحين ادرس انجليزي وبعد فترة ان شاء الله ادخل الجاامعة


    الباكستاني : خش وبقوة ..الحكوومة السعودية تدفع لك ..؟؟


    السعووودي : يقول في نفسه يخرب بيـته وش درراااه ..؟؟


    الباكستاني : سمعت انهم يعطونك 2700 دولار


    السعودي : في حالة من الذعر واللحسه.. ايا ابن اللذين .. اكيد فيه سعودي غبي بخ القصة كلها


    الباكستاني : يعني مو 2700 دولار .. 2700 الا كسوور >> الباكستاني يزعط يرقع


    السعودي : لا والله يا اخووي انا على حساابي >>> اقرب مخرج


    الباكستاني : ليـــه ..؟؟ وبتعجب !!


    السعودي : يقول في نفسه يوووه وش هذي النشبة ..؟؟


    السعودي : لا والله وقفوا الابتعاث صار اي واحد يجي على حســابه >> صرفها عليه


    الباكستاني : اممم .. غريبــه ..؟؟


    السعودي : وصل المحطة ..الزبده تامر على شي انا ماش في امان الله ؟؟ >> ( تامر على شي ) والله لو انه في

    السوب واي حق الرياض هههــ


    الباكستاني : يالله الله يستر عليك يا قلبـي ..


    السعودي اثناء الرجوع الى البيــت : وش درراه هذا ..؟؟ الى هذي الدرجة حنا نمشي واي واحد بالشارع نقوله عن البعثة ... المكافئة ... الحكومة !! واسفااه

    دبلجة فلـــم مكسيــكي .. هع هع

    هذي سالفه صارت لي لكن مززوود فيها شوي

    يتبــــع الطامــة حقت المكسيكي
  2. على قولة أهل أوووووول (( بخورة سطوح))

    *******
    والله هالأجانب حساد
    على قولة العميد الجميل ..بملتقى الخبر..يحسبون أن كل سعودي يمه بير بترول

    بوسط ديارنا ويحسدونا..
    .لما كنا ندرب بالمستشفى كانوا يسألونا هالأجانبيات..جامعتكم ببلاش صح؟! ماتدفعون ولاريال ..كل شي ببلاش عندكم دراسة..وعلاج مستشفيات..وفوق هذا يعطوكم مكافأة صح؟!
    وكنت اقول لهم..فيه مستشفيات اهلية كثيرة وبفلوس..مو كل المستشفيات حكومية..وفيه برضوا جامعات اهلية ..ًاغلب صاحباتي يدرسون فيها..
    **********

    كل اللي اقدر اقوله
    ((اعينوا على قضاء حوائجكم بالكتمان))
    7 "
  3. انا بصراحة انتقد بشدة على الشخص الذي يثرثر يفشي
    كل شئ عن نفسه و ليست له اسرار او خصوصية privacy
    مايتكلم عنها و يجعل الناس تعرف كل شئ عننا !!!!
    وهو ايضا مايجعل الاجانب يحسدوننا !!! قال تعالى : و من شر حاسد اذا حسد
    ترى اهل البلد الكنديين ليس اسلوبهم هكذا ليس اي شخص لا يعرفونه ينكت المكحلة كلها على قولة العامية
    و اؤيد اختي n luv على عبارتها الاخيرة
    7 "
  4. تكملة القصــة ..

    كان راجع للبيت واذا بطنه شب عليه جوعان .. قال خلني امر مطعم واكل وارجع البيــت واريح ... مر على مطعم شوي فااخر

    قال خلني ادلع عمري شوي ... دخل المطعم وكان في قرووب متكي في الزاوية >> شغل مداارس

    القروب عبارة عن مكسيكي خورخيه وثلاثه من اخوياه من المكسيك

    خورخيه يقوول لخوياه : شباب صيـــده ..

    اخوياه : وش سالفتك انت ..؟؟

    خورخيــه : الزبده تبــون عشا بلااش الليلة ..؟؟

    اخوياه : اي والله تفكـ ازمة ..

    خورخيه اتجه الى صديـــقه القديم وهو قااعد يطلب ..

    خورخيه : هلا مرحبـــا

    السعودي : اووه خورخيــه من زماان عنك يا ولد

    خورخيــه : والله الدنيــا وما تسوي .. الا انت وينــك الحيــن ...؟

    السعودي : انا في الاوشاوا .. ادرس هنااك ..

    خورخيــه : اووه ممتــاز عساك ماشي ...؟

    السعودي : الحمد لله ..

    خورخيــه : تعال تك معنا انا والشباب ..

    السعودي : لا ولله يا اخوي انا تعبــان باكل وارجع بسررعه البيــت

    خورخيـه : اقوول بس تعال امش ..

    السعوي : يالله براسك .. الله يعيني عليك

    مشوا الين وصلوا عند الطاولة حقت الشباب عاد كلهم من دولة المكسيك الشقيقة ...

    خورخيه يقول لاخوياه : جبت لكم الصيــده يا شباب

    اخوياه : بالله عليــك .. عازمة عنــدنا هنــا وتقول صيــده

    خورخيه : تدرون هذا كم مكافئته ..؟؟

    اخوياه : لا والله .. ليــه هو عنده رااتب ..؟؟

    خورخيــه : يستلموون 2700 دولار .. لا وفووق هذا رسوم المعاهد مجانا

    اخوياه : اوووووف .. والله شكله بطرره .. شفه مربرب ينقط فلووس

    عااد خش معهم السعودي بالسالفه وقام حووواار بينهم وعن شغلة المعاهد .. مميزاتها .. لكن يوم خلصوا

    جتهم الفاتوره

    خورخيه يكلم اخوياه : شوفوا يا عيال المخفه .. ويغمز

    جا الجرسون : وصكهم بالفاتووره وكانت 200 دولار

    خورخيــه : يطلع المحفظه يزعط بيدفع ..

    السعوودي : وبكل حمااس طلع المحفظه وفي نفس الوقت مسك يد خورخيــه عشان ما يدفع ويحلف بعــد...

    خورخيــه يقول لخوياه : ماني قايلكم ان السعوديـين مخفــات .. هههــ

    اخوياه : والله انـك صادزز .. ههههههــ .. شكلنا كل ويك اند بنــتكي في هذا المطعم ندور صيــدات >> يقصد سعوديين

    طلع السعودي الى بيــته يفكر ب 200 دولار اللي دفعهم ويقــول لنفسه : ترااك مو في السعوديــة عشــان تبــاشر عليهــم والله اني مخفة وبقوووة لعبــوا علي ..

    توته توته خلصت الحتوته

    نصيحة

    1 : اذ مشيــت عند اي واحد لا تقول انك مبتعث او ان السعودية تبتعث طلاب على حسابهم وتدفع مصاريفك الدراسيــة الا للمعاهد ..والجهات الرسمية

    2 : حركـــات باشر للشبــاب لا تكــثر منـها يعني باشر بس مو كل يوم داخل الكلاس جايب كوفي للشبــاب اللي في

    الكلاس كلهم .. ترى الاجانب يشفونك يضحكوون عليك اذا باشرت لهـم

    سؤال اتمنى القى له جوااب واتمنى تجاوبنــي ليــش السعودي يهايــط يعلم الناس عن البعثات و المكافئات ..؟؟

    السؤال الثاني بصرااحه : قد مرره سويت الحركات ذي وطلعت سوالف الابتعاث والمكافئات مع الاجانب..؟؟

    اتمنى انكم تعطوونا اجوبتكم .. تجاربــكم


    7 "
  5. بسم الله الرحمن الرحيم

    معنى آية : {وَأَمَّا بِنِعْمَةِ رَبِّكَ فَحَدِّثْ}

    السؤال :
    قال تعالى: {وَأَمَّا بِنِعْمَةِ رَبِّكَ فَحَدِّثْ}، فإذا كان الإنسان لديه القدرة على العيش في رغد فهل ينطبق عليه هذه الآية الكريمة . . وما معنى: {وَأَمَّا بِنِعْمَةِ رَبِّكَ فَحَدِّثْ}؟

    الجواب :
    معنى الآية: إن الله أمر النبي صلى الله عليه وسلم أن يتحدث بنعم الله ، فيشكر الله قولا كما يشكره عملا، فالتحدث بالنعم كأن يقول المسلم : إننا بخير والحمد لله ، وعندنا خير كثير ، وعندنا نعم كثيرة ، نشكر الله على ذلك .
    لا يقول نحن ضعفاء، وليس عندنا شيء . . لا . بل يشكر الله ويتحدث بنعمه، ويقر بالخير الذي أعطاه الله، لا يتحدث بالتقتير كأن يقول: ليس عندنا مال ولا لباس . . ولا كذا ولا كذا لكن يتحدث بنعم الله، ويشكر ربه عز وجل. والله سبحانه إذا أنعم على عبده نعمة يحب أن يرى أثرها عليه في ملابسه وفي أكله وفي شربه، فلا يكون في مظهر الفقراء، والله قد أعطاه المال ووسع عليه، لا تكون ملابسه ولا مآكله كالفقراء، بل يظهر نعم الله في مأكله ومشربه وملبسه. ولكن لا يفهم من هذا الزيادة التي فيها الغلو، وفيها الإسراف والتبذير.

    المصدر :
    مجموع فتاوى ومقالات متنوعة الجزء الرابع
    موقع الشيخ ابن باز -رحمه الله تعالى.

    ومن هذا يتبن لنا أن من شكر النعمة ظهورها على المنعم عليه فلا بأس بذكر تلك النعم من هذا الباب وليعلم ان من شكر النعم أن تصرف تلك النعمة فيما يرضى الله سبحانه وتعالي كما عليه أن يعلم أن المعاصى تزيل النعم

    ومن الشكر بعد شكر الله شكر دولتنا التى لم تبخل علينا في كل ما من شأنه رفعت أبناء الوطن لينهل من منابع العلم ويعود وقد تحقق الهدف المنشود لمواصلة البناء ورفع راية التوحيد في كل المحافل الدولية بسلاح العلم والإيمان ..


    تحياتي ,,,
    <!-- / message -->
    7 "
  6. بسم الله الرحمن الرحيم

    معنى آية : {وَأَمَّا بِنِعْمَةِ رَبِّكَ فَحَدِّثْ}

    السؤال :
    قال تعالى: {وَأَمَّا بِنِعْمَةِ رَبِّكَ فَحَدِّثْ}، فإذا كان الإنسان لديه القدرة على العيش في رغد فهل ينطبق عليه هذه الآية الكريمة . . وما معنى: {وَأَمَّا بِنِعْمَةِ رَبِّكَ فَحَدِّثْ}؟

    الجواب :
    معنى الآية: إن الله أمر النبي صلى الله عليه وسلم أن يتحدث بنعم الله ، فيشكر الله قولا كما يشكره عملا، فالتحدث بالنعم كأن يقول المسلم : إننا بخير والحمد لله ، وعندنا خير كثير ، وعندنا نعم كثيرة ، نشكر الله على ذلك .
    لا يقول نحن ضعفاء، وليس عندنا شيء . . لا . بل يشكر الله ويتحدث بنعمه، ويقر بالخير الذي أعطاه الله، لا يتحدث بالتقتير كأن يقول: ليس عندنا مال ولا لباس . . ولا كذا ولا كذا لكن يتحدث بنعم الله، ويشكر ربه عز وجل. والله سبحانه إذا أنعم على عبده نعمة يحب أن يرى أثرها عليه في ملابسه وفي أكله وفي شربه، فلا يكون في مظهر الفقراء، والله قد أعطاه المال ووسع عليه، لا تكون ملابسه ولا مآكله كالفقراء، بل يظهر نعم الله في مأكله ومشربه وملبسه. ولكن لا يفهم من هذا الزيادة التي فيها الغلو، وفيها الإسراف والتبذير.

    المصدر :
    مجموع فتاوى ومقالات متنوعة الجزء الرابع
    موقع الشيخ ابن باز -رحمه الله تعالى.

    ومن هذا يتبن لنا أن من شكر النعمة ظهورها على المنعم عليه فلا بأس بذكر تلك النعم من هذا الباب وليعلم ان من شكر النعم أن تصرف تلك النعمة فيما يرضى الله سبحانه وتعالي كما عليه أن يعلم أن المعاصى تزيل النعم

    ومن الشكر بعد شكر الله شكر دولتنا التى لم تبخل علينا في كل ما من شأنه رفعت أبناء الوطن لينهل من منابع العلم ويعود وقد تحقق الهدف المنشود لمواصلة البناء ورفع راية التوحيد في كل المحافل الدولية بسلاح العلم والإيمان ..


    تحياتي ,,,
    عزيزي الفيروز

    يعجبني كلامك .. مدرستنا الاولى والاخيرة القران .. ولا نخالف القراان ابد

    لكن ودك تتكلم وتتعلم الناس عن النعمة اللي انت فيها .. مو تجي وتقول انا استلم 2700 دولار

    يعني لو اسئلك كم راتب ابوك او اخووك .. بتقولي ..؟؟

    علم الناس ان عندك خير بس مو تعطيهم برينت كامل عنك هذا اللي يقصده وجزاك الله خيــر
    7 "
  7. المشاركة الأصلية كتبت بواسطة فَـربتـشِـيٍـنُــو
    عزيزي الفيروز

    يعجبني كلامك .. مدرستنا الاولى والاخيرة القران .. ولا نخالف القراان ابد

    لكن ودك تتكلم وتتعلم الناس عن النعمة اللي انت فيها .. مو تجي وتقول انا استلم 2700 دولار

    يعني لو اسئلك كم راتب ابوك او اخووك .. بتقولي ..؟؟

    علم الناس ان عندك خير بس مو تعطيهم برينت كامل عنك هذا اللي يقصده وجزاك الله خيــر
    أخي الكريم عموماً في الغرب من غير الائق لدرجة العيب أن تسأل أحد عن راتبه إذا لم يكون هو من تكلم
    هذا للأيضاح فإذا وجدت شخص يسأل عن راتبك فمن حقك ان توضح له هذا الأمر

    أما بخصوص موضوع المباشرة والحساب قد يكون كرم
    منك فقط عليك ان تعرف بإنه ليس واجب عليك كماهو موجود
    في ثقافتنا وقد تكسب بهذا الكرم قلوب زملائك وتعكس فكرة ثقافتنا في إكرام الصديق والضيف

    وخاصة إذا قدم اليك هذا الزميل معروف ورأيت ان من المعروف مكافأته بعشاء أو هدية
    فهذا سوف يترك إنطباع جيد في نفوسهم

    تحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.