مبتعث جديد New Member
بنغلاديش
شاطح , ذكر. مبتعث جديد New Member. من جزر سليمان
, مبتعث فى بنغلاديش
, تخصصى Non
, بجامعة Non
- Non, Non
- جزر سليمان
- Mar 2010
المزيدl April 5th, 2010, 09:41 PM
April 5th, 2010, 09:41 PM
هذا موضوع
مهم
لكل المبتعثين
بدون استثناء
موضوعي هو انه كل واحد يحط اسم المحل اللي نصب عليه اوتعرض فيه لموقف سيء عشان نكون يد وحدة ونقاطعه
ابدأ انا (في تورونتو) واذكر اللي حصل لي في مطعم يقع تقريبا في شمال الداون تاون في شارع yonge وهو مطعم عربي واسمه wrape roll لوحته صفراء.(قريب من تقاطع ويلسلي مع يونق)
طبعا اللي في المحل لبناني ذكرني اذا سافرت للبنان او سوريا اذا شافوك سعودي دبلوا عليك الفاتورة
قبل اقول هالموقف انا اشتريت من مطعم عربي قبل هالمطعم 2شاورما بـ8 دولار يعني الوحدة بأربعه.
نرجع لخوينا اللي نصب علي كان كاتب برا المحل شاورما 3.49 دخلت عليه وابتسامته تشوفها لو انت واقف وراه من كبرها اهلين امر قلت كم الشاورما قال (قد مابدك) قلت لا قلي بكم قال خلاص قد مابدك انا عندي ارخص شاورما في شارع يونق قلت مادامه ارخص واحد في يونق يعني يبي يصير ارخص من المطعم الاول فقلت عطنا ثلاثه شورما وواحد فلافل واثنين ببسي المهم صلحهم وخلص قلت كم؟
قعد يطبل في الآله يوم فلقني بالسعر وبغيت اطيح قال 27 وكم سنت قلت خير ان شاء الله بكم حسبت الشاورماقال ب6 قلت مكتوب برا الشاورما 3.49 قال لا هذا الي صحن صغير ومادري ايش وقعد يتفلسف قلت طيب انت قلتلي انك ارخص شاورما وانا آخذهم قبل ما اجيك بأرخص من هالسعر سكت وهز بيدينه يعني وش اسوي لك هذا سعري؟ المهم عطيته 25 وقلت مامعي غيرهم,حتى ليتها تسوى قسم بالله ريحت الدهن اشمها وانا امشي وطعمها كرم الله النعمه.
خويي صارت له سالفه مع نفس المحل يقول يوم رجعت البيت وحسبت لقيته آخذ 20 دولار زيادة
لذلك واجب علي انبهكم
ياليت تاخذون بالكم منه وفيه محلات ثانيه كثيرة صادقه مع زباينها روحوا لها ولازم تسألون عن السعر اول عشان مايقدر ينصب عليكم بعدين*.
فيه واحد تقاطع يونق مع جيرارد شكله ايراني عنده شاورما كويس والرجل انا لقيته محترم وصادق الا اذا احد شايف شي منه يذكر لنا هنا .
ياليت كل من عنده موقف مع محل يحطه عشان يعرفون اننا يد وحده.. مشكوووووور على التنبيه ^_^
انا رايحة لتورنتو وطبعا راح نكون غشمين
بس بتنبيهك ان شاء الله ما راح نجي عنده
فعلا نصابين واصلا على قولتك اذا شافوا سعودي دبلوا السعر ههههههه
وليت احد ينبهنا زيادة على المطاعم الثانية او غيرها
ما تقصر والله اخي شاطح
وربنا يوفقك ويسهل امرك
Rogena April 6th, 2010, 03:54 AM
7 " نصيحة والدي الله يرحمه ويغمد روحه الجنه وصاني أني انتبه من التعامل مع العرب في الغربه صحيح مو كلهم كذا بس أنا برضه صارت لي مواقف مع ناس عرب لبنانيين اذا شافوا انك سعودي يبدأ النصب والاحتيال فخلاص صرت مااثق بالعرب
miss canada April 6th, 2010, 11:37 AM
7 " ايوه أختى صحيح خلى هذا الكلام حلقة في ودنك .. ولا تغركم المظاهر والكلام المعسول .. والنصائح المعلبة والمغلفة بغلاف الزبرقه والكلام الفاضي ..
تحياتي
الفيروز April 6th, 2010, 11:44 AM
7 " ياعمي ما وثقنا فيهم داخل السعودية تبينا ناثق فيهم برى
لا تقرب اي محل عربي
عزوز العازمي April 6th, 2010, 11:45 AM
7 " هذي وصية واحد لبناني كان معي في الشركة قبل لا اسافر ادرس .. يقول ثق باليهودي ولا تثق بعربي في الغربة
وما صدقته الا يوم شفت النصب اللي فيهم بعيني.
وترانا بعد نشيل جزء من هالمشكلة .. لان اغلب السعوديين )كنت منهم( ما نناظر في الفواتير ولا ندقق في الحسابات لاننا طيبين.
موب عيييب انك تناقش في السعر أبداً وبصراحة لو منك يا صاحب الموضوع كان خليته هو وشاورمته ينقع فيها والله ما يشم ولا سنت حتى لو وصلت للشرطة.
الـسـاحـر April 6th, 2010, 01:13 PM
7 " الله المستعان يسلمو على التنبيه
طالبة بيولوجيا April 6th, 2010, 08:23 PM
7 " اللبنانيين والتونسيين والمصاريه اكبر نصابين هينا واقدر اعمم ولا عندي اي مانع كلهم لصوص يزودون السعر عشرة اضعاف
يحسبون انك مليونير
مادرو انك مبتعث والمتحدث على حساب اهله ويقول هذه ضريبة العروبه ويقولون حلال اي حلال هذا
عاشق فانكوفر April 6th, 2010, 08:26 PM
7 " مشكوووور يالغالي عالموضوع المفييييد .... تحياتي
Prince--Royal April 6th, 2010, 11:34 PM
7 "
April 5th, 2010, 09:41 PM
هذا موضوعمهم
لكل المبتعثين
بدون استثناء
موضوعي هو انه كل واحد يحط اسم المحل اللي نصب عليه اوتعرض فيه لموقف سيء عشان نكون يد وحدة ونقاطعه
ابدأ انا (في تورونتو) واذكر اللي حصل لي في مطعم يقع تقريبا في شمال الداون تاون في شارع yonge وهو مطعم عربي واسمه wrape roll لوحته صفراء.(قريب من تقاطع ويلسلي مع يونق)
طبعا اللي في المحل لبناني ذكرني اذا سافرت للبنان او سوريا اذا شافوك سعودي دبلوا عليك الفاتورة
قبل اقول هالموقف انا اشتريت من مطعم عربي قبل هالمطعم 2شاورما بـ8 دولار يعني الوحدة بأربعه.
نرجع لخوينا اللي نصب علي كان كاتب برا المحل شاورما 3.49 دخلت عليه وابتسامته تشوفها لو انت واقف وراه من كبرها اهلين امر قلت كم الشاورما قال (قد مابدك) قلت لا قلي بكم قال خلاص قد مابدك انا عندي ارخص شاورما في شارع يونق قلت مادامه ارخص واحد في يونق يعني يبي يصير ارخص من المطعم الاول فقلت عطنا ثلاثه شورما وواحد فلافل واثنين ببسي المهم صلحهم وخلص قلت كم؟
قعد يطبل في الآله يوم فلقني بالسعر وبغيت اطيح قال 27 وكم سنت قلت خير ان شاء الله بكم حسبت الشاورماقال ب6 قلت مكتوب برا الشاورما 3.49 قال لا هذا الي صحن صغير ومادري ايش وقعد يتفلسف قلت طيب انت قلتلي انك ارخص شاورما وانا آخذهم قبل ما اجيك بأرخص من هالسعر سكت وهز بيدينه يعني وش اسوي لك هذا سعري؟ المهم عطيته 25 وقلت مامعي غيرهم,حتى ليتها تسوى قسم بالله ريحت الدهن اشمها وانا امشي وطعمها كرم الله النعمه.
خويي صارت له سالفه مع نفس المحل يقول يوم رجعت البيت وحسبت لقيته آخذ 20 دولار زيادة
لذلك واجب علي انبهكم
ياليت تاخذون بالكم منه وفيه محلات ثانيه كثيرة صادقه مع زباينها روحوا لها ولازم تسألون عن السعر اول عشان مايقدر ينصب عليكم بعدين*.
فيه واحد تقاطع يونق مع جيرارد شكله ايراني عنده شاورما كويس والرجل انا لقيته محترم وصادق الا اذا احد شايف شي منه يذكر لنا هنا .
ياليت كل من عنده موقف مع محل يحطه عشان يعرفون اننا يد وحده..