تجاربكم في اقناع الاهل ...

والله يازينك عند اهلك والله انها راحة بال انا انتظر رمضان بفارغ الصبر علشان ارجع واكنسل البعثة او احولها لدولة من دول الخليج
يارجال ماتعرف نعمة الاهل لمن تفقدهم. الله يحفظ لنا اهلنا اجمعين

اقناعهم مو بيوم وليله تجي تقول لهم على فكره ترانا قدمت بعثه وبسافر

من قبل بدي لمح لهم عن رغبتك واسبابك ليه تبي تطلع بيسئلوك ليه ماتجلس وش زين جامعاتنا لازم يكون عندك رد

ومافي احلى من الصراحه بين لهم اسبابك جد ومثل ماقنعت حالك بالفكره اقنعهم بس لاتجلس مع العايله كلها وتتكلم خذ اول الي تقدر تقنعه اسرع واقنعه بفكرتك وخله يساعدك تقنع الاطراف الثانيه

التياسير من الله انا اهلي الحمدلله اقتنعو بعد ان شافوا حالتي ميئوسة في البيت وجلست سنة ونص ولم احصل اي وظيفة

فكانت فكرة الوالدة الله يحفظها ولكن الوالد قال قدمي واتوقع ماانقبل وفي النهاية لم طلع الاسم في النتيجة

على طول الوالد غير فكرته .. وقال مافي ... قلت للوالد استخير لو تسهلت اموري اعرف انها خيرة

وبالفعل استخار واتسهلت اموري ... رغم معارضة الناس من حولي بس وانا اشلي فيهم اهم شيء الوالد والوالدة يقتنعو

سبحان الله الاستخارة والاصرار هي اللي يخلي الاهل يرضو ويقتنعو السفر في الخارج خصوصا الناس بدأت تقتنع بأهمية سفر الشباب الى الخارج

والكل صار يتمنى يدرس برة والدولة ماقصرت معانا

والله يحفظك ويخليك لنا يا ابو متعب

قلهم ودي اكون لي عايله وبتزوج خخخخخ
واذا رحت هون لاتتزوج خخخخخخخخخخخ

والله انا 3 سنين اقنع والحمدلله تحقق الحلم ..


لكن ترى الغربه صعبه اوس 5
يعني اللي انت تتخيله من ضيقة الصدر اللي بتجيك دبلها 5 مرات
استخر .. وماخاب من استخار

انا سالفتي سالفة

درسة في جامعة الملك سعود هندسة بس مالله وفق وسحبة ملفي

طبعا جيت والاهل وهم جالسين وقلت لهم ابي ادرس برى طبعا الفكرة قوبلة بالرفض المطلق

طبعا حنيت وزنيت مافي اي فايدة

وبعدها جاني الوالد جالس يكلمني ويقولي اني مابيك تدرس برى بسجلك في اي جامعة داخليه وهاه منا ومنا واقنعني وقلت نتوكل على الله

ففي خلال الفترة هذي كلمة الوالد على شان اطلع ادرس لغة قبل لاتبدا الدراسة وخصوصا ان باقي على فترة التقديم 7 شهور بحكم اني ساحب الملف بدري فوافق وبعد مااتفقت مع المكتب انه يجيب لي قبول من معهد في نيوزلاندا جاني الوالد وقالي قدم على الجامعات في كندا ورح كمل دراستك هناك لان الانضمام للبعثة اسهل من هناك والله يسهل عليك ويوفقك

انا تقريبا قصتي غريبة

فانا من طبعي اني انسان كتوم ولا احب التوضيح بمخططي فكانت البداية هي البدأ بالتقديم وتليها التدقيق للمعلومات وانهاء الاجراءات كلها من الوزارة وكلها تحتاج وقت والوقت الكثير ايضاً.....

اقسم بالله العلي العظيم ان اهلي ما اعرفوا اني مقدم على البعثة وان طلع اسمي واني شبه انهيت الاجراءات بعد ما استخرت رب العالمين الا عند اصدار امر الاركاب بيوم فقط.....

هي صعبه ولكن هذي حياتك مستقبلك الشي الذي الكل من اهلك يتطلع له وينتظره بقارق الصبر وياللاسف فكم شاب او شابه هناء لا يعرف معنى هذا الكلام فيرجع بخيبة امل تحطم الكثير والكثير من القلوب التي كانت ترجوا يوماً ما الامل الكبير بالله وثم بك....

وبالكلمة الطيبة والاسلوب الجميل في طريقة اقناع الاهل مع تقديم الوعد لهم التي انت واثق انك تستطيع ان تحققها صدقني راح يتقبلوا هذا الشيئ...

على سبيل المثال من الوعود التي وعدتهم اني ابقى على اتصال دائم معهم وخاصة امي فأذا غبت عنهم فتره طويلة لانشغالي بالدراسة وهي اكثر الاسباب قوه التي تدفعني لذلك وربي انا امي تدق علي وتقول لي لا تنسى وعدك لي بأن لا تنساني يا ابني......

تحياتي لكم

انا ماقد جربت لان ابوي هو الاي يقنع فيني وابلشني اطلع الله يخليه والحين الحمد الله ماشيه اموري
بس اللغه شوي يبي لي


بالتوفيق اخوي

انا اول شي اهلي رفضو طبعا ...
ولاكن جلست ادعي كثيييير قريب سنة وخصوصا بسبب الوظايف اللي تقول لا في كل مكان ..

وابويه وامي تجالهم حاله هستيريه لو شافوا بنت ولا ولد جالسن في البيت بلا شغله ولا مشغله ..

داخلين خارجين على غرفتي انتي ايش جالسه تفكري .. وايش جالسه تسوي على النت ... ومين تكلمي جوال..

عندهم اقتناع ان الفضاوه هي سبب في خراب العقول ... وانا طبعا زودت العيار ... صرت بدل ما اقرء كتب صرت اتفرج افلام واسهر في الليل على النت احمل افلام ..

وفي النهايه ..

سبحان الله وافقوا وصاروا هما يشجعوني وهما المصرين وكل شويه يقولوا خلاص انا مسافره وانا لسع مني عارفه فين اراضيه

كل يوم طالعتلهم بدولة وكل يوم بمشكله .. وسبحان الله في اقل من شهر بس بقيلي اجراءات الفيزة ...

الدعاء هو كنز ... فقط ادعي .. والله يعيطك ما تريد ..

والله أنا عن نفسي قدمت في كم جامعه وما انقبلت في الجامعه اللي ابغاها
انا طبعا قدمت على كل شي حتى البعثه قدمت عليها للإحتياط
واخر شي قدمت على ينبع الصناعيه وسلمت اوراقي في اليوم التاني جاتني رسالة التدقيق
أستخرت ربي وارتحت لها رحت اليوم التالي وسحبت اوراقي وقدمت على البعثه
الحمد لله أسهل إقناع كان الوالد والوالده كلمت الوالده قلت لها شكلي بقدم بعثه قالت : قدم
اما الوالد في يوم التدقيق قلت له قال : الله يسهلك
الحمد لله على كل حال