هل سمعة الجامعة مهمة أو سمعة الدولة اقوى ؟؟

مرات الاثنين يلعبون دور والله اعلم

والله سؤال في الصميم ما شاء الله عليك
الله يعطيك العافية سؤالك عجبني جداً بارك الله فيك

في نظري القاصر ان الجامعة اكثر اهمية ولا يعني بالضرورة ان الدولة ليست مهمة
لكن السائد عند السؤال عن المؤهل يقال: بكالوريوس/ ماستر من أمريكا، كندا، بريطانيا ...
ولا يتطرق إلى اسم الجامعة إلا اذا كانت من الجامعات التوب مثل التي ذكرتها

وبإنتظار مشاركات بقية الاعضاء وشكراً مرة أخرى

فعلا سؤال بسيط لكن خطير ..
برأيي الدولة أهم بحكم معايير التدريس الي تفرضها الدولة على الجامعات .. سمعة الجامعة تجي في المرتبة الثانية

الدووووله بصفه عامه

شف في السعودية اغلب الشركات ياخذون بالدوله
لكن لو جيت للمنطق فالجامعات مهمه لان امريكا فيها 4000 جامعة ومعروف ان امريكا هي الافضل في التعليم
هل هذا يعني ان جامعة صغيرة في امريكا ومعترف بها من التعليم العالي افضل من جامعة تورنتو رقم واحد في كندا؟
والاهم من هذا وذاك سمعت الطالب,,, ادرس وين ماتبي بس اهم شي تخرج مهوب ترجع بدون شي

بافتراض انك تبغ ترجع تتوظف لشركة كبيرة او مكان معروف ,,
بالنسبة للبكالوريوس مايهم كثير اسم الجامعة , لكن في الدراسات العليا تفرق والدليل انه تقيم الجامعات يعتمد على البحوث والدراسات التابعة للجامعة ولايعتمد على تخصصات البكالوريوس .
يعني على سيل المثال لو اخذت الماستر من جامعة بريتش كلومبيا مو زي اذا اخذت الماستر من جامعة عادية لان جامعة برتيش كلومبيا معروفة بدكاترتها وبحوثها وعراقة الجامعة , لكن اذا اخذت بكالوريوس من جامعة برتيش كلومبيا او جامعة عادية لايهم كثير .

الدولة اولا ثم الجامعة

مع انو غلط هالشي لاكن هذا الواقع يعني لوقلنا ان معك شهادة من اعرق جامعة في استراليا وواحد مع شهادة من اي جامعة في امريكا

رح يفضلون خريج امريكا طبعا

و برضو لا تنسى ان المعدل عامل مهم جدا يعني وش الفايدة اخش جامعة قوية و معروفة ولا اجيب معدل كويس و غيري خاش جامعة عادية و طالع من الاوائل !!

اتمنى اكون افدتك

يا سيدي الجامعات القوية ذات السمعة الدولية لديها ميزة ذهبية تسمى Alumni Network Support وهي شبكة قدماء الخريجين من نفس الجامعة الذين أصبحوا مدراء ورؤساء كبرى الشركات يقومون بدعم ومساعدة الخريجين الجدد للدخول والعمل في شركاتهم على مبدأ الخريج القديم يساعد الخريج الجديد. والجامعات المحترمة بالمناسبة تنفق ملايين الدولارات سنويا على دعم خريجيها بعكس الجامعات الضعيفة التي تهدف إلى بيع الشهادة مقابل دفع الرسوم.

زيادة في العلم, كل الجامعات القوية لديها قسم يسمى Career Center هذا المركز يا سيدي يبدأ معك مع وصولك السنة الأخيرة في الجامعة, مهمته تأهيلك لدخول سوق العمل, إضافة إلى ترتيب مقابلات عمل لك مع كبرى الشركات التي تتهافت لتوظيف خريجي الجامعات المرموقة, بيد أنك لن تجد مثل هذه الشركات في فناء الجامعات الضعيفة مهما كانت الدولة.

هذا رأيي الخاص والقرار لك يا سيدي الفاضل....

أخوك يحيى