ضاع الجواز بكندا .... مالحل .. تكفون المساعدهـ ..

ان شاء الله تلاقيه وتتسهل امورك

اعرف واحد من الشباب ضاع جوازه ورجع السعوديه 8 شهور على ماخلص اموره وطلع الجواز والفيزا من جديد ولا فصلوه ولا شي

عز الله رحنا فيها ثمان شهور حتى لو مايفصلوني فيها تحسب من البعثه كم بقى شهر واحد عشان اخذ لغه ولا انفصل .


الله يعين


الله يكتب اللي فيه الخير برجع السعوديه شفت الامور تعقدت تركتهم

والله ياخوك ما اعرف

لكن اسأل الله لك التوفيق

الله يسهل امرك وياااارب تلقاه

لا اله الا الله , استغفر الله العظيم


المشكله اني متاكد ماتركته لاهنا ولا هناك هو كان معاي رجعت البيت متاكد اني مانسيته بمكان هو كان بجيبي والتاكسي على ماذكر كان يبي فلوسه وزحمه بجيبك جواز وفلوس شكلي طلعت الجواز وتركته على المرتبه حقت التاكسي لاني كنت راكب ورى ... كلمت التكاسي ماجاهم خبر هذا رابع يوم والله يعين ...

معا هذا كله دورت عليه بالغرفه قطعه قطعه ولا حصلته ..

الله يعين ..

يوووه الله يعينك يآرب
لو عندك رقم التآكسي قولهم انا كنت راكب في سياره رقم .....
لمن تركب التآكسي ورى فيه لوحه مكتوب فيها رقم التآكسي .. عباره عن 3 ارقام
هذي مره مهمه انا كل ما اركب تاكسي اسجلها
لو صار اي شي لا سمح الله على الاقل تكون عارف السياره بالزبط الي كنت فيها !
الله يعينك يآرب ويفرجهآ عليك بأقرب وقت ممكن

اللهم ياحي ياقيوم يسر أمره وسهل دربه وأجعل له من كل بلاء خيرة وأجر

أخوي قلعة رعوم
أول شي الله يعينك ويعين كل من ضيع جوازه

ثاني شي: أنا هينا في كندا وأنسرق جوازي سرقه ماضاع !! وكلمت السفاره وجعلني ماعاد أكلمهم !! الي فالحين فيه أنهم بيعطونك ورقه كنك بنقالي ترجع فيها للسعوديه !!

أسمع ياحبيبي :
خذ تقرير من الشرطه وأقرب فرصه أرجع للسعودية !! وطلع جوازك الجديد!! وترا أذا مامعك مايثبت أنه أنسرق (لاحظ أنسرق) ترا بيعقدونك الجوازات فالسعوديه وبتطول السالفه !! ولا تكلم الملحقيه يوقفون البعثه ولاشي !! كلها شهر وكم أسبوع ,امورك خالصه !!
هذا اللي في بالي أسوية وعاد الله يعينك
والملحقيه لاتكلمهم نهائيا إلا أذا تعقدت أمورك بالسعوديه !!

والله يعينك طال عمرك على سفارتنا اللي والله مجرد طاريها يجيب الإكتئاب