استفسار التحويل لـ حسآب الحكومه بمجرد الوصول صحيح ؟

ماهو صحيح 100 %

في ناس جوا وتحولوا من اول اسابيع لهم

وفي ناس جلسوا ست شهور لين ماتحولوا

لكن من معرفتي البسيطه بها الموضوع والي كلها من قرايه بالمنتدى مش خبره شخصيه

ان لو جيت واوراقك كامله عطول اول يوم تفتح ملف وتطلب تحويل ويجيك باقرب فرصه

الي يتاخروا الي يجوا واوراقهم مو كامله مثلا يجوا وماعندهم قبول جامعي

فعبال مايدوروا ويحصلوا جامعه مو موقفه هاي شهور تروح عليهم

فالعد الصحيح لمده تحويلك مو من يوم وصولك كندا

لا من يوم اكتمال ملفك واستيفائك لشروطهم

مثلا قبل عده شهور طلعوا بسالفه ان نسبتك الثنويه لازم تكون فوق 80 اذا اقل احتمال كبير ماتنضم

(( بس هذا كان قبل المكرمه مادري شالوه الحين او لا ))

فيعني انت اعرف شروطهم بزبط اقرا كثير عن الموضوع وماعليك من القيل والقال دور بنفسك

ادخل موقع الملحقيه الثقافيه بكندا وشوف شروطهم

خذ نصيحه من ناس جوا كندا وفعلا تحولوا بنفسهم لا تاخذ بنصيحه واحد يقول لك صاحبي او ولد عمي

لا خذ من نفس الي تحول شوف كيف اوضاعهم

ترا تدخل واسطات بكثره بها الموضوع والي عنده واسطه من اول يوم يوصل كندا يتحول بس الي عنده واسطه مابيقول بس بيقول انا تحولت بشكل طبيعي

فيعني لا تاخذ غير من المصادر ومن تجارب حقيقيه ينصحوك

بس اول شي مثل ماقلت ادخل موقع الملحقيه شوف متطلباتهم واستوفيها بزبط وان شاء الله فتره بسيطه وتتحول

اهم شي احرص على الواسطه
تراها هي سبيل النجاح هاليومين

السلام عليكم ,

كلام اخوي صدى الغربة صحيح , من اول ما ترسل اوراقك كاملة تبدأ تنتظر متى رح يردو عليك .

بالنسبة لي , انا طالب درست على حسابي الخاص, وتجربتي كالتالي.
جيت كندا بس بقبول معهد ,والجامعة كنت مقدم على مكتب عشان يجيب لي قبولها وكنت انتظر القبول من وانا بالسعودية.
لمن وصلت كندا جلست اسبوع ونص-اسبوعين لين حصلت قبولي الجامعي. ولمن كملت اوراقي بكل شي مع القبول الجامعي والمعهد ومتطلبات الالحاق, رسل اوراقي في خلال ساعتين بالكثير على موقع الملحقية , وطلبو مني اوراق خلال اسبوع ونص , يعني اجراء الالحاق يتطلب تركيز وارسال كافة الاوراق بالضبط زي ما يبون.
اذا رسلت اوراقك بالسكانر ومش واضحين الصور او حاجة او ناقصين, رح يأجلون طلبك ويردون عليك على الاقل بعد يومين 3.
وكل ما تأخرت كل ما الحاقك تأخر معاهم.
انا بالنسبة لي لاني كنت جدا حريص على ارسال اوراقي بعد كل رد يرسلونه لي, انقبلت بعد ما ارسلت اوراقي باسبوع ونص, مع ارسال كافة اوراقي ولا في اي نقص.
جلست بكندا اقل من شهر لين التحقت. اسبوع ونص او اسبوعين انتظر قبول الجامعة وبعدها على طول قدمت اوراقي. واسبوع ونص اجراءات الاوراق , ثم حصلت القبول.
فنصيحة , اذا بتجي , لا تجي بدون قبول الجامعة اذا رح تقدم اوراقك من اول يوم.

وبالتوفيق

تعااااااااااال وانت مغمض بس اهم شي اوراقك كامله

السلام عليكم ورحمه الله وبركاته

الاخ الفاضل (( SQUARE ENIX )) اسأل الله لك التوفيق والنجاح

اما بخصوص تجربتك ،، فقد شدني ما ذكرت

مشاء الله عليك ،، بالتوفيق والنجاح بالفعل تستحق هذه الفرصه

ولكن هل لك ان تذكر لنا كيفية حصولك على قبول جامعة وكيف

تمكنت من الحصول على قبول دون توفير احد اختبارات اللغة الانجليزية

للجامعاة التي تقدمت لها ؟؟

وهل النسبة هامه في كما ذكر الاخوان بخصوص 80٪ ام لا تنظر الملحقية
للنسبة التي تخرج بها الطالب من الثانوية !! لعلك تفيدنا ونفيد شباب من خلال تجربتك


بالتوفيق والله يسعدك دئما وابدا

تسلم اخوي دكتور تورنتو ..

بالنسبة لنسبة الثانوية, انا نسبتي 80.36 ولا قالو لي شي عن النسبة , ومتخرج قبل سنتين وشوي , ودرست بالكلية التقنية سنتين ثم سحبت ملفي منها لان الدراسة فيها ما كانت بالمستوى اللي اتمناه.
الجامعة تسئل وين كنت بعد ما تخرجت من الثانوية , يعني عذر شنو سويت بعد التخرج؟
انا جبت ورقة من الكلية اني درست سنتين ومختومة ومترجمة مع ارسال كافة المتطلبات اللي تبيها الجامعة , طبعا انا ارسل صورة من الشهادة الثانوية و حسن سيرة وسلوك مترجمين و ماذا عملت بعد الثانوية اذا كنت متخرج على الاقل قبل سنة .
ارسلت كافة هالاوراق الى الجامعة عن طريق مكتب في السعودية يجيب قبول جامعي , الجامعة تطلب 375دولار للتقديم. اسمها Brock University بأونتاريو طبعا.
لمن ارسل شهادتي للملحقية ماعلقوا عليها مع العلم ان درجتي بالرياضيات جدا منخفظة , 48 من 100 وهذا اللي منزل نسبتي بالطبع.
لكن درجاتي بالمواد الاخرى زينة.
فأنا اقول اذا ممكن ترسل اوراقك من هنا قبل لا تطلع من السعودية , اذا فتحت لك ملف طالب في موقع الملحقية هم رح يسئلونك عن الشهادة الثانوية , اذا رفعت شهادة الثانوية وكل اوراقك وانت لسة بالسعودية , بعد كم يوم بيقولون لك شنو الناقص , وطبعا الناقص بيكون ختم الدخول لكندا, اذا شفت مكتوب على خانة الشهادة الثانوية Satisfies Requirement وانت نسبتك اقل من 80% , فهذا يعني ان قبلوا شهادتك , *لكن هذا لا يعني انك التحقت*
وهذي اول خطوة , من تشوف هالكلمة جاتك على شهادتك , تقدر تجي كندا وتكمل اوراقك.

وبالنسبة لسؤالك عن قبول الجامعة بدون اختبارات اللغة, ايوة بدون, الجامعة فيها معهد لغة انجليزية تابع لها يعني القبول مشروط, انا مادرس بمعهدها , ادرس بفانكوفر بمعهد لغة ثاني , وجاتني رسالة من الجامعة بتخصصي فيها واني رح ابدا دراستي في الخريف.
الجامعة طبعا مش ملزوم تدرس فيها , هي فقط عذر عشان تلتحق بالبعثة !
انا جامعتي الحين بعيدة علي وممكن اغيرها , لمن راسلت الملحقية قالو لي جيب قبول جامعي ثاني اذا ما تبي هالجامعة , يعني اهم شي اني التحقت بالبعثة الحين , اقدر اجيب لي قبول جامعي ثاني , او اذا حسيت ان فيه خطورة اقدر اكمل بجامعتي الحالية.
بس المهم اني ما اغير رايي بعد دراسة اكثر من 6 شهور في الجامعة, لاني ما رح اقدر اغير بعدها.

وبالتوفيق,

السلام عليكم و رحمة الله و بركاته ,,,,,,,,,,,,,

انا احــــــــــــــــــــب اهنئ الامه الاسلامه و اقووووووووووولهم كل عام و انتم بالف خــــــــــــــــــــيـــــــــــــر و سلامــــــــــــــــه

و الله يجعله خير علينا و عليكم يارب العالمين .........

انا عنديـــــــــــ استفسار بسيـــــــــــــــــط ,,,ماهو افضل وقت للاتصال على الملحقيه في كندا بتوقيت السعووووديه

ماحبيت اطيل عليكم ....والله يوفقكم يارب

هل حصلت على تأشيرة الدخول الى كندا ...؟؟
تحياتي ,,

أخوي SQUARE ENIX : طيب انت يوم قدمت اوراقك هل كانت خلال المكرمة الملكية ؟ ياليت يا غالي تحدد باي شهر ارسلت اوراقك لعل نستفيد .. وايضا الاوراق الي ارسلتها وآلية التعامل بالتفصيل حتى لو تسوي موضوع اخر مفصل بالتواريخ تفيد منه اخوانك

جزاك الله خير