حوار ماهو الفرق بيننا وبينهم ؟؟

بعد التحية:

الموضوع لو اناقشه معك، يبيلي ٢٠ صفحه على الاقل ههههه. بس ممكن اذكر حاجه مهمه بالنسبه لي وهي ان معظم شبابنا يتغلب على شباب الغرب في الثقافه والمعلومات العامه. توجد استثاءات لكن بشكل عام شبابنا افضل من شبابهم من هذي الناحيه. لي عودة للموضوع ان طرحت مشاركات اخرى.
موفق عزيزي

الفروقات كثيرة جدا بيننا وبينهم ..

اولها واهمها اهتمامهم بالأنظمة بشكل عجيب .. وايضا رغبتهم للدراسة او التعلم ونلآحظ ذالك في كثرة قرائتهم للكتب التي تكون

بمتناولهم بشكل شبه دائم .. مع الأسف انني لا اتوقع اننا سوف نصبح مثلهم على الأقل في المستقبل القريب والله اعلم في المستقبل

البعيد والله يصلح الحال إن شاء الله ..

احترام الغير واحترام الديانات المختلفه ... بالمقابل في بلدنا شغاله مو مسلمه يستحقروها شيعه وسنه خلافات طول الوقت وكل واحد قروب لحاله ودايم احزاب

حبهم للمساعده حتى لو انت غريب عليهم عادي تسال اي احد بالشارع اي شي يساعدك... بالمقابل ببلدنا لو اي غريب بذات اجنبي ومن دول خل نقول نشوف حالنا احسن منها ( لانهم متقدمين علينا فهم افضل ) يعني خل نقول هندي يجي يوقفك بالشارع يبيك تساعده او تدله على مكان بتكشر بوجهه وتصارخ عليه فاضي لك انا

معاملتهم للمراه وانهم يحترموا المكان الي هم فيه يعني بنايت كلوب فالمراه حق وناسه بس وقت دراسه وجد فهي حالها من حال الرجل.. احنا المراءه محترمه لكن في الموضوع شويه نظره مجتمع لو مجرد ولد عنده رقم بنت مو من هله بالجوال عطول النظره لها شوي لك عليها في حين هنا طبيعي ان الي معك بلكلاس او بلشغل يكون عندك وسيله اتصال معهم ومع ذلك ماحد يزعج احد لغير امور الشغل

احترامهم للوقت والمواعيد وكيف يدربوا اولادهم على كذا من الصغر في حين انا كبيره لسه عندي مشكله مع هالموضوع

سياسه الاعتذار عنهم لو بالغلط شنطته تضرب شنطتك اعتذر منك وسوري ماقصدي حتى لو كنت انت الغلطان او انت الي ماشي غلط ... طبعا عدنا بتنسب من فوقك لتحتك لو يصير كذا

هم مش اذكى منا ابدا لكن عندهم العمل الجماعي ومتعاونين مافي شي مسئوليتك لحالك الكل مسئول
مافي احد يقول لو انا ماسويت ماباثر لا الكل واعي انك فرد بالمجتمع مسئول واعمالك تئثر وبكذا انتاجيتهم كبيره

احنا احسن منهم بنظافتنا الشخصيه ,,, قليل عندهم الاهتمام بها الموضوع وتدخل لسكاي ترين تشم روايح مو طبيعيه غير ملابسهم واحيانا بقع فيها والحمامات الله يكرمك مافيها ماء
اهتمامنا بمظهرنا اكثر ... يعني كبنات مستحيل بنت منا شرط بعبي بالسعوديه مستحيل اطلع من البيت ببيجامتي او لبس بيت ,,, هنا بكل مكان عادي تجي لك الدوام كذا

معاملتهم للمراه
معاملتهم للمراه
معاملتهم للمراه

اختلف معاك اختي في هذي النقطة ..

صحيح انهم يحترمون المرأة ويقدرونها ولكن لو تنظري للمجتمع كا كل لن تجدي تلك الفوارق الكبيرة بيننا وبينهم

بالنسبة للمرأة .. حيث انهم يتعاملون مع المرأة على اساس " ان لم يكن لديك صديقة فا انت متخلف " فلذلك باعتقادي

لا توجد فوارق بهذه الناحية .

في اشياء عندهم مثل في كل مكان تروح تلقى تسهيلات للكبار وذو الاحتياجات الخاصة والاطفال تحس هنا في اهتمام حتى في الباصات وكمان شي ثاني مالهم شغل بأحد كلن حال نفسه واحترام للانظمة حتى المشاة نفس الحكي يعني ماتشوف حواداث ماشاء الله والحياة اسهل بكثير يعني عادي انا اروح اتقضى للبيت واطلع مع صحباتي مقاهي ومطاعم لوحدي يعني مو شرط اخذ احد يوصلني
اما الي مايعجبني فيهم ان النعمة مو باينه عليهم يعني تلاقي ملابسهم حالتها حاله مو كلهم بس كثير منهم واحسهم مايتحممون يعني قمة القرف
وحتى تلاقي الواحد يكرف طول الاسبوع في النهاية يصرفها على الشراب
كمان اذا تأخرت في الايجار بعضهم مايصبرون ينشبلك وكل يوم تأخير تدفع زياده مو مثلنا يصبرون واحس كل شي بفلوس ماحد يخدمك لله في لله ولو الود ودهم خلو الهواء بفلوس وصعبة ارجع في اليل لحالي لازم زوجي يكون معي لانهم يطلعون السكارى ويجلسون يصارخون يخرعون القلب تشوف العجب
على قولة وحده من صحباتي اعلامهم قوي خلانا نحس انهم احسن شي مع انهم صراحه مو لها الدرجة يعني عاديين ولو احنا وجهنا طاقتنا للارتقاء ببلدنا صدقني حنكون احسن منهم بمليون مرة مافيهم زود عنا

الفرق بين العرب و الغرب نقطه

وليست اي نقطه

ما راح نصير مثلهم

الرسول عليه الصلاة والسلام هو اشرف الخلق من احد الاسباب انه بعث في امة كانت في قمة التخلف وكانت من ارذل الامم و كان من شانه صلى الله عليه وسلم ان يرفع هذه الامة من الحضيض لتكون خير امة

اما الان فقلد عدنا الى عهد تخلف اكبر من تخلف الجاهلية وذاهبون الى الحضيض بسرعة رهيبة