مساعدة استفسار الرجاء الي يعرف الحل:هل أحول من كندا الى امريكا ...

ماراح اقدر انصحك تغير او ماتغيرين دوله الابتعاث هذا شي انتي تقررينه مع مرافقك لانك اذا جلستي تسمعين للناس بتتلخبطين زياده

اما بالنسبه لوضع مرافقك ودراسته بكندا
ما اعرف نظام معادله دبلوم الاتصالات .. لكن اذا يبي يسجل بشهاده الثانويه ربي بيسهلها له اعرف كثير قدمو بنسب نازله لكن الصراحه مو بالستين

من تجربتهم:

اغلب الجامعات اذا النسبه نازله يطلبون ياخذ مواد اضافيه او تحضيريه ويجيب فيها درجه معينه وبعد مايجيبها ياخذ القبول (ويقدر يدرس هالمواد بنفس الوقت الي يدرس فيه للغه يعني لايجلس يضيع وقت يدرسها بعد اللغه)
الحين وانتي جالسه على النت شوفي الجامعات الي بالمدينه او المقاطعه الي حاطينها ببالكم وعبي ابلكيشن الدراسه لزوجك وانتظري ردهم وشوفي بالضبط ايش يقولون لك
اذا بيقبلونه او يبونه يدرس مواد اضافيه وبعد كذا ينقبل وكم ماده ووين احسن مكان يدرسها فيه جامعه ولا كليه صغيره ولا مدرسه كبار للسن ولا ماراح يقبلونه ابد علشان تعرفين وين تروحين من غير لا نجلس نخمن وتوقع لكم

بس في ملاحظه مهمه .. وهي مده البكالوريوس اطول من الماستر وهالشي يعني انك بتلخصين قبل لاهو يتخرج اوكي يقدر يقدم على طلب بعثه يمكن يجي ويمكن مايجي (والمواد الاضافيه بتاخذ منه وقت اضافي اذا ماقدر يخلصها كلها بوقت اللغه)

لان الانظمه تقول
علشان المرافق ياخذ بعثه لازم تكون مده دراسته مساويه او اقل من مده دراسه المبتعث الاصلي
الشرط الثاني ان المرافق يقدم على الطلب قبل 6 شهور على الاقل من انتهاء بعثه المبتعث

اذا الشروط تنطبق عليكم او بتضبطون وضعكم بحيث انه يقدر كمل على حسابه المده الي باقيه له بعد ماتخلص بعثتك خليه يتوكل ويشد حيله يخلص لغه بالسعوديه علشان مايضيع وقت او اقلها يبدء بكورسات قويه


وبالنسبه انه يدرس دبلومات او دورات ماعنده مشكله بهالموضوع كمرافق وحتى دراسته بالجامعه لو ما انقبل ببعثه تتكفل فيها الملحقيه كمرافق الين ماتخلص بعثتك انتي ويمددون بانهم يدفعون له الين مايخلص بشرط واحد وهو انه يكون مخلص 75% من مده دراسته بالجامعه


الملحقيه تتكفل بدفع رسوم الدراسه بس مايدفعون الكتب .. في شروط معينه لنوعيه الدراسه والشهاده الصادره بعد انتهائها تلقين تفاصيلها هنا

http://www.mohe.gov.sa/ar/studyaboard/Policies-and-Rules/Cause-Wife-And-Children/Pages/Conditions-Causing-The-Wife-Mission.aspx


طبعا الخبره العمليه مطلوبه ببعض التخصصات حسب ايش بيدرس وبتفيده باولويه القبول .. واغلب الجامعات الكبيره بتطلب منه يكتب باختصار ايش سوى من وقت تخرجه من الثنوي الى الوقت الي قدم فيه على الجامعه

اذا لقيتي مكان بامريكا او كندا يعادل لزوجك شهادته ويكمل عليها وبنفس الوقت جامعه ترضيك بموضوع دراستك والتخصص الي تبينه فكري بالموضوع بحيث تضمنين دراسه زوجك بس بنفس الوقت ماتفرطين بدراستك ومستقبلك

وامريكا ماهي سيئه للدرجه الي انتي متصورتها وكل مكان فيه سلبياته وايجابياته ..

وياريت يصححون لي الاخوان اذا لخبطت بالمعلومات ولاتنسنا بالدعاء بان ربي يسهل امورنا ويسخرلنا خلقه ويفرجها علينا باشد الحاجه لهالدعوه لان امور دراستي كل مالها وتتعقد

جزاك الله خيري الدنيا والأخره ...
الصراحه أخوي كفيت ووفيت وياااااااااااااااااااااااااارب يسهلك دراستك ويرجعك للوطن سالم غانم بالشهاده والوظيفة والسمعه الطيبه
بارك الله فيك أجبت على تساؤلاتي الكثيرة وماقصرت لك دعواتي الصادقه في صلاتي
شكرا مرة أخرى ........

امين ووياك وكل الي يدرسون
اثلجت قلبي هالدعوه الحلوه ربي يسمع منك