لو كنت مسؤولا عن الإبتعاث

باللهي ؟

الحمد لله انك منتب مسؤول

هههههههههههههههههههههههه

اتمنى ان لا تردف الشهوة المالية بالمنصب
فـ أنت ستخسف بالفقير والضعيف والفاشل خسف الويل
وكأنه ليس انسان يخطئ
وكأنه لا يوجد مغفره على الارض

اتمنى لك منصب بعيد كل البعد عن المالية و التعليم

تقديري

لو كُنت مسؤولا لحرمتك من البعثة نهائياً


































>>> طبعا نمزح معك خيوو


تفكير شبه جميل

أعتقد أنني لا أوافقك فيما كتبت أعلاه وذلك لأسباب ,


بالتوفيق خيو

اولا كويس انك مو مسؤول هههه ثانيا ايش يقربلك عيون الفيروز وبعدين اشبكم خايفين على اموال الدولة لايكون شغالين بالماليه ههههه
ثالثا كلامك صعب تطبيقه لان اغلب الي يرجعون ي c او D وقلة من A ,B لان الدراسة صعبة والظروف الي نمر فيها تختلف من شخص لاخر والاهم من ذلك الملحقية وقرارتها وين الواحد يفلح وهي كل يوم قرار يشيل همها ولا هم الدراسة
اما بالنسبة لو كنت مسؤولة عن الابتعاث حلو مسؤولة من جنبها يخلونا المهم يكون ابتعاث طلبة الثانوية بشروط مو نسبة وانتهينا لا من ضمن هالشروط ان النخصص المبتعث اليه مايكون في السعودية يعني من جد يستفاد منه اذا رجع ويكون البلد محتاجه مو كل من هب ودب طلع لا ويكون عددهم قليل يعني يختارون الصفوة مو الف ومايرجع فالح الا 5 6 لان بصراحه اغلبهم وركزو ياطلاب الثانوي مو كلكم اغلبكم ينحرفون لان اساس تو تبدا مراهقتهم وعاد في بلد اجنبي هيا حلني لاتقولون ليش ماتشوفون طلاب الماستر هم اقل منكم بكثير انحراف وكمان عندي كم قرار بس يالله ماله داعي اطول بالحلم

الحمدالله انك منت مسؤل اولا

ثآنيا يآخي هذا ابسط شي يقدم للشعب السعودي من الحقوق الي له ولا تجلس تتفلسف وتبي المبتعث يرجع اموال الدوله

ولا تخلينا ندخل بآمور سيآسيه آكثر

" اقل شي يتم صرفه لتسكيت افواهنا من التريلونات الحاصلين عليها ^ـ*"

اي صحيت نسيت اذا على بالك تبي تحفظ اموال الدوله

رح احفظها من العقود بالارقام الخاليه مثل قطار المشاعر وتطوير مطار جده لان التعليم كله ما كلف الا كم مليار

بينما عقد واحد من هذه العقود يوصل ل ٣٠ مليار واكثر

وشكرآ لك على وطنيتك يآحلو

اوافقه الراي

لان كذا الابتعاث بيناخذ على محمل جد اكثر

مش الحين يالله نجرب حظنا معه

وكل المبتعثين بالذات الي برنامج خادم الحرمين

على مستوى ومستوفيين لشروط

ومفروض ان تحصيلهم العلمي من اساس عالي

فليش هنا يبوا يقل مستواهم

لازم يكون نفس المستوى عشان يرفعوا اسم بلدنا



وثانيا النظام اهو نفسه بكندا

الطلاب اغلبهم الكنديين ياخذوا مثل القروض
ويدفعوها لما يشتغلوا
فتلاقيهم جديين ويشتغلوا بكل الوظايف


وترا حنا الي محطوط علينا امال ان نصلح الدوله والخراب الي فيها
والسرقات والمشاريع الي يندفع لها كثير ومايطلع منها شي

فلازم نكون قد هالمسئوليه من البدايه ونتحمل مسئوليه حالنا ودراستنا
عشان نقدر نتحمل مسئوليه اصلاح بلدنا


بس بضيف شرط على الي قاله الاخ
اذا بيكون زي قرض وفي الاخير بدفعه
يعني كاني دارسه على حسابي
فوقتها الوزاره مايكون لها دخل فيني
ولا تحط لي شروط
اختار التخصص الي ابيه
ولا كل يوم تهديد بقطع بعثتي او قطع راتب كل يوم قرار وتعال التزم فيه
او جامعتك ماهي معتمده
كونه على حسابي فمالك دخل
وفلوسك ترجع لك بعدين

وبكذا يكون عادل
اما من عدنا وكل يوم مطلعين لنا شروط فمالكم دخل غير تحصيلي الدراسي اكو تشوفوه

والله الموفق للجميع
وان شاء الله بها القرار او بدونه كلنا نرجع رافعين الراس

والي قال بس ان كل الي يرجعوا سي و دي
مادري من وين جاب
انا من الخريف الماضي
اثنين من معارفي متخرجين بمرتبه الشرف وربي يوفقهم
وانا قاعدتي ماحد احسن من احد
اذا هم قدروا يجيبوها احنا نقدر

حلو الموضوع
لو كنت مسؤله عن الابتعاث
فأول شيء راح ارفع النسبه لقبول المبتعثين تكون فوق 90% بالنسبه للماستر يعنى 80% مره نسبه نازله اكسل الطلاب ممكن يحصلوا عليها وماتعبوا في الحصول عليها زي اصحاب 90والابتعاث يبغى ناس شاده على نفسها وقد حست بالمذاكره فما معقوله واحد موشاطر طوال سنوات دراسته راح يضغط على نفسه في الماستر ويطلع بشيء مميز طبعاً مع ملاحظه سهوله المناهج في المملكه بالنسبه للدول الاخرى
لاني احس بعض الموجودين بالمنتدى وهم يمثلون نسبه من المبتعثين انهم مو حاسين بالمسؤليه لاحظت هالشيء من ردودهم احس فرحانين بالسفر وبس الابتعاث ينصرف عليه بالملايين المفروض مايطلع إلا الصفوه
ايه نسيت بعضهم يحتاج اختبارات نفسيه والله صدق احس معاقين في افكارهم وتلاحضوا هالشيء في المواضيع الحواريه حتى كلام مايعرفوا يتكلموا وردودهم تدل على مستقبل باهر لهم ؟؟؟!! وباين ايش بيرجعوا به من الحين!!

طلاب البكالوريوس خريجين الثانوي المفروظ مايطلعوا إلا معهم مرافقين حتى الاولاد مو بس البنات احسهم باقي صغار حرام والله يحتاجون احد معهم هم يضيعوا وهم عندنا فكيف يبتعثوا لوحدهم مره صعبه؟؟

وببسسس ممكن لو عندي خطط ثانيه ارجع
ولاحد يقول الحمد لله انك مو مسؤله لاني 4 او 5 سنوات وان شاء الله بكون مسؤله عن الابتعاث <<جهزوا الاقتراحات من الحين عشان ادرسها ...