الدكتور فيصل بن محمد ابا الخيل

كيف حالك انت عساك طيب
اهم شيء مستانس ...!!!!

الحمد لله بخير دامك بخير
والله يديم الوناسة علينا

اقول كيف الحال ياصاحب الموظوع اقسم بلاه والله ثم والله اغلب الطلاب المبتعثين في معانه لايعلم فيها الا الله وانت جالس تمجد في الدكتور صح ما ننكر با المجهود الي يقوم فيه لاكن هناك قصور في العمل وقصور كثير انا من الناس الي ظقت الويل من الملحقيه وجيت كندا قبل نظام اكمال اللغه وظيعو اوراقي وبهدلوني والحين يقولون كمل مرحلة اللغه وابتعث معاملته با العربي زفت زفت زفت وانت تمدح فيهم اقول كيف الحال وسلم علا الدكتور اذا شفته

صاحب الموضوع

ماهي الاعمال التى قام بها الملحق حتى نشكرة !!!!!!!!!!!!!!!!!!!!!!!!!!!!!

كيف الحال

ياليت تقراء الحديث وتتمعن فية

قال الرسول صلى الله عليه وسلم

(اللهم من ولي من أمر أمتي شيئاً فشق عليهم اللهم فاشقق عليه,ومن ولي من أمرهم شيئاً فيسر عليهم اللهم فيسر عليه)

عساك بخير ياصاحب الموضوع ان شاء الله تكون بخير

الا اقول ياصاحب الموضوع عندكم برد في ديرتكم يقولون البرد احيانا يخلي الواحد يخرف

انا من الناس اثني عليه وسوف اقص عليكم بعض الايجابيات والكمال لله
1- صار عندي ظرف بالسعودية واضطريت انزل للسعودية فساعدني وثاني يوم تم اصدار تذاكر لكن ظرفي كان قوي جدااااااا كلمتة 3 فجرا ورد على رقم الطوارئ الكلام هذا السبت الماضي
2- تاجيل البعثة خلال يومين تم انهاء التاجيل.
3-عندي مشكلة في مطار هثرو وكلمتة وكان التوقيت 5 فجرا ورد وحل المشكلة وبعدها خاطب مكتب عمرو وارسلوا نسخة من التذكرة كانت المشكلة مع بنتي الرضيع وحل المشكلة وكذلك حتى حجزي الداخلي بالسعودسة حله.

يااخوان الدكتور فيصل قمه بالمعاملة اذا كان يقدر عليه لكن المشكلة بمن تحته هم من يزينون الامور او يعقدونها لكن اذا كان الموضوع واضح وصحيح يساعدك

حتى صفحة الفيس بوك اكبر شاهد تدرون انه يعمل خارج الدوام يعني يعمل 24 ساعة وخاصتا على الرقم الطوارئ تدق اي وقت يرد هو مباشر

بارك الله فيه

اذا انتم عندكم مشاكل وبعضها مايقدر يحلها غير من الوزارة ياخذ اذن الوزارة مايقدر يستثني

وبالنسبة لتعميم اللغة اجبرته الوزارة حسب مصادري الخاصة بسبب كثرة من تم ضمهم في فترة اللغة وقالت الوزارة لاترسل لنا الا بعد انتهاء فترة اللغة و30 ساعة جامعية ماهو على كيفة

مايمدح السوق الا اللي رابح فيه

سلم لي على دكتورك

ياعيال قسم بالله خويي له شهرين يطامر ورى ملحقيه امريكا يبي ضمان مالي عشان يقدم فيه للجامعه ويطلب قبول والى يومكم ماعطوه انواع المرمطه
يعني الرجال بتخلص مده اللغه حقته وهم ماعطوه

لاكن لو ان هالمشكله في ملحقيتنا ومر عليها يومين ولا ردو عليك وش بيسوي الملحق؟ والله ان يحوس هالموظفين

والله ياعيال كنت اقول مثلكم كذا بس والله حنا في نعمه افضل من غيرنا


اسالوا حقين امريكا عن الملحقيه... اسالوا حقين لندن واستراليا

بتحسون بالفرق

السلام عليكم ورحمة الله وبركاته


موضوع مميز جدا ،، وبالفعل يستحق الشكر والتقدير

نسأل الله ان يوفقه ويسدد خطاه لكل ما يقدمه لنا ولاخواننا المبتعثين/ المبتعثات

بارك الله فيك يا سعادة الملحق ونسأل الله ان يمدك بالصحه والعافية ما حييت

اشكرك من اعماق قلبي على كل ما تقدمه لنا،،،


جزاك الله خير يا اخي على هذه اللفته الرائعه ولك الاجر بإذن لله