المشاركة الأصلية كتبت بواسطة king the world1
اقلقتوا امنا بسالفة الحضانه
المفروض يحطون من شروط الابتعاث ان المبتعثين ماياخذون بزارينهم,, لان مشاكل بزارينهم صارت مثل مشكله فلسطين
معليش يا سيدي الفاضل ردك غير لائك لا دينيا ولا حضاريا ولا اي شي
من الناحيه الدينيه ديننا حث على ان تحب لاخيك ما تحب لنفسك
مو عشان ما عندك هذي المشكله تقوم تطنش وكمان تعنف الي يطالب بحل المشكله فحط نفسك مكان هذا الانسان وانت بعدين تعرف انه من حقه يطالب
ثاني شي بعيدا عن الدين والاخلاق عن اي شي حطه على جنب
اسالك سؤال
ايش حارق رزك هك بيطلب من جيبك شي هو ولا شي بيطلب من الحكومه خليه يطلب الي يبغا عادي دام الموض ع ما يمسك بشي
ادعي للرجال ان الله يفرج همه وهم المسلمين وامشي ما عجبك الموضوع لاتعلق خلي التعليق لنفسك احسن لانه نرجع للدين يا تقول خير ولا اسكت
معليش انا ممكن يكون ردي قاسي شويه بس انت قسيت على الرجال ودخلت فلسطين وسوييت قرارات والمفروض والمدري ايش
انا اقول لك المفروض انه يكون قلبك على اخوانك اليوم انت عزابي بكرة تخلف وتتزوج
اليوم ما عندك مشكله بكرة يمكن تجي للانسان المتزوج والي خلص لغه من زمان ممكن تقول له محتاجك في شي في الانجليزي ترا مو عيب ولا حرام
لو كل واحد مع نفسه لا هو بيساعدك ولا انت بتساعده ولا احد فاضي لاحد
والحمد لله الناس فزيعه وبتخدم الي يزبط سكن لناس ما يعرفهم والي يزبط عفش والي يزبط قبول والي والي الحمد لله الناس لبعضها ليش قررت قرار ضد الناس ايش يسوي باولاده لو يبغا يدرس يبيعهم ولا ياجرهم ولا يدفنهم زي ايام الجاهليه*
الله يهديك وسامحني ترازما في قلبي شي عليك بس حس بالناس
وترا انا لا عندي اولاد ولاني متزوج اصلا عشان لاتقول هذا يبغا حضانه ولا شي بس والله الكلام من القلب
اسال الله الكريم رب العرش العظيم ان يفرج هموم اخواننا المبتعثين كلها ويهون عليهم ويعطيهم اكثر من ما يتمنوا
زحلطن March 15th, 2011, 12:18 PM
7 "
March 15th, 2011, 05:37 AM
أخي الكريم قرأنا لك عن فكرة أقامة مشروع أستئجار مبني واستخدامه لمنفعة المبتعثين , ك مدرسة و ك حضانة للأطفال , وهذا قد يبعث تساؤل شريحة واسعة من المبتعثين حول عدم الأستجابة للمطالب الملحة اللتي سلمت خطياً لرئيس المراسم الملكية أبان حضور خادم الحرمين الشريفين لقمة العشرين . من وجهة نظر الكثير من الأسر ذوي الاطفال أن هذا ليس بالحل المثالي وإن نجح في فانكوفر فلن يستفيد منه الكل وربما فتح الباب لفكرة البحث عن الحلول من لدن ألأسر المتضررة من ايقاف زيادة المرافقين والاطفال وتمييع الموضوع .
لدي وجهة نظر أتمنى أن تتبناها
1: عمل استبيان جديد عن طريق الأندية السعودية لعدد المرافقين والأطفال وتعميم هذا الاستبيان على جميع الدول .
2-ارسال خطاب للملحقية الثقافية كونها المرجع لطلب الدعم لخطاب المطالبة الأول مرفقاً به هذا الأستبيان ورفعه للوزارة .
3-التنبيه على الأخوان في الدول الأخرى لعمل الخطوه(2).
4- ارسال نسخة لمعالي رئيس الديوان الملكي والاتصال به مباشرة مع العلم أنه يرد على الاتصالات القادمة من المواطنين بالخارج بشكل اسرع.
دكتور محمد الكثير هنا في كندا يرون فيك الأخ الكبير القادر على هذه المهمة وكلنا في الخدمة . أخي الكريم اسعار الحضانات لا تطاق لاتطاق .