عرض للطباعة
السلام عليكم ورحمة الله وبركاته
لو سمحتوا يانا س اللي يعرف يساعدني وارجوكم لاحد يحبطني بمعلومات سيئة
اللي يعرف كيف التواصل مع النادي السعودي اللي في جامعه ميموريال في نيوفاوند لاند سانت جون كندا
بليييييييييييييييييز يخبرني .
وكمان اللي عنده معلومات حلوه وليست محبطه عن هالمقاطعه وهالمدينه انا اتكرم بقراءة معلوماته ونصائحه
وشكرا
لا اله الا انت سبحانك اني كنت من الظالمين
يا أخواني وين ردودكم الله لايهينكم كذه تعاملون مبتعثه تنتظر المساعده الكلاميه فقط !!!!
هلا اختي
انا كنت ادرس في جامعه ميموريال لكن حولت لاوتاوا،
ما اتذكر ان كان في نادي سعودي في سانت جونز، انا حولت من سنتين يعني ممكن فتحوا نادي سعودي، انا سالت واحد اذا كان فيه نادي ولا لا و برد عليكي قريب ان شاء الله
الجامعه عموما تمام طبعا تعتمد على تخصصك
المعهد مو مره ممتاز
المدينه صغيره و حلوه و شعبها طيب لكنها مرره ممله و عبيها ان السفر ياخذ وقت طويل و غالي كمان
السلام عليكم ورحمة الله وبركاته
أختي الكريمه يعلم الله اني سجلت لما رأيته من حاجتك الملحه للمعلومات عن هذه المدينه
انا متواجد بسانت جونز من سنة 2007 وراح أختصر لك كل شي باذن الله
العيوب/
لايوجد لدينا نادي سعودي مع انه تم الأتفاق مع الملحقيه على انشائه لكن لم يتم انشائه الى الآن
بعدها النسبي عن المدن الكنديه فهي وان كانت اقرب نقطه من اوروبا الى انها تبعد عن تورونتو 3 ساعات طيران وعن هاليفاكس ساعه وربع تقريبا
يوجد مجمعين تجاريين فقط
قلة الخيارات الدراسيه فهناك معهد واحد وجامعه واحده فقط
ضعف مستوى المعهد
عدم توفر رحلات دوليه مباشره الى لندن على مدار السنه فقط من شهر 6 الى 9 ميلادي وفي غير هذه الشهور يجب ان تذهبي الى هاليفاكس او تورنتو
المميزات/
جدا جدا مدينه هادئه ومريحه وآمنه
ممتازه لمن لديه عائله
اهلها طيبين جدا جدا جدا
الجامعه تعتبر قويه على مستوى كندا
يوجد مسجد
أخيرا اختي ارجو انني ما اكون حطمتك واذا كنتي تحتاجين اي معلومه اخرى لاتترددين في الطلب
وارجو منك الدعاء
الله يعطيكم العافيه اللي رديتم علي
الله يسلمك يا ابو فلوه من كل شر ريحتني نسبيا
بما انك هناك من 2007 ياريت تقولي عن الجامعه وعن المعهد
في البدايه انا تخصصي رياضيات وجاني قبول مشروط في جامعه ميموريال وبالتالي لازم احول على المعهد تبع الجامعه لاني اذا انتهيت من المعهد راح ادرس الجامعه عندهم
سؤالي اش يعني المعهد مو قوي؟
هل يوجد سعوديين يدرسون في الجامعه او في المعهد؟
هل يوجد مدرسه للاطفال عربيه او اسلاميه علما بان طفلي عمره 4 سنوات؟
كيـــــــــــــــــــــــــــف الاقي سكن؟
هل يوجد مطاعم حلال؟
هذه الاسئله اللي تدور في راسي وماهي مريحتني من يوم جاني قبول
اذا تقدر تجاوب علي ارجوك لا تتردد فأنا في الانتظار
حياك الله أختي
المعهد مقارنه بالمعاهد الأخرى بكندا يعتبر اقل كفائه لكن مو ذاك الضغيف يعني اذا سويتي اللي عليك بأذن الله تمشين
السعوديين بالمدينه لايتعدون 20 الى 30
بالمعهد الآن تقريبا 4 او 5 طلاب
لايوجد للأسف مدرسه عربيه فقط يوجد حلقه لتحفيظ القران وتعليم اللغه العربيه في المسجد
السكن يكون من خلال المواقع في الأنترنت مثل Kijiji فيه شقق وبيوت للأيجار
من رأيي تستأجرون في شقق اسمها hillview terrace لمدة شهر وخلال هذا الشهر تبحثون عن السكن المناسب
بالنسبه للمطاعم الحلال فنعم يوجد مطعم هندي وأفغاني وعلى العموم مذهب أهل السنه والجماعه يحلل أكل لحوم أهل الكتاب فعلى هذا الأساس جميع اكل المطاعم حلال
يأختي اذا كنتي عاقده العزم على المجيئ هنا فلا تخافي كل الأمور هنا متيسره والمدينه فيها كل شي تتحتاجينه
الله يكون بعونكم
كويس..... الله يعطيك العافيه يارب ما قصرت والله وان شاء الله اني بجيكم وربي يسهل الامور
السلام عليكم .أنا حابب أدرس في جامعو مموريال بس ما عندي نقود كافية و لم يعطوني منحة. أنا حابب أعمل العام الأول (في قهوة أو مطعم ) . لكي أوفر فلوس و بعدين العام الثاني أدرس.
السؤال: هل يوجد مطاعم للعمل أو قهوة.....و طبعا العمل بطريقة غير شرعية .لأنها فيزا دراسة.
و جزاك الله خيرا..
السلام عليكم ورحمة الله وبركاته. أنا مسافر لهذه الجامعة في شهر سبتمبر. أحتاج هناك واحد يساعدني. أبو فلوه إذا ماعندك مشكلة نتواصل مع بعض. او اي شخص ثاني. شكرا لكم.