زوجتي والبعثه والعمل والغربة والتاجيل والالحاق وووو,,,

April 18th, 2011, 08:11 PM

السلام عليكم ورحمة الله وبركاته

بدون مقدمات لني تعبت من المقدمات من كثر التفحيط في المنتدى

اراد الله وخليت زوجتي تقدم على البعثه مع انها ماتبيها وماالومها دام انها ماشاء الله لها ترم تدرس ماجستير في ام القرى عسى الله يوفقها وويفق الجميع لكل خير ,,

المشكلة اني موظف حكومي ومدير في عملي مع ان العمل بعيد عن البيت يعني اصكها كل اسبوع 1000 كيلوا رايح جاي يعني غربة غربة حتى وانا في بلدي ,,,

المهم كل مااجي ارقعها يمين تقفل شمال حتى وانا قاعد اكتب الموضوع ماني عارف ايش اكتب لكن على الله وفزعتكم الي عنده حل يقولي ,,

الموضوع ومافيه زوجتي ماتبي تفرط في الدراسة هنا وكلامها عين العقل وماالومها ولااقدر اغصبها وهذا حق من حقوقها لكن التخطيط كان من بداية ماقدمنا اننا نشوف الوضع ونناجل قد مانقدر لين نوصل لحل ,,,

التفكير كان انها تتطلع معايا وتستفيد من اللغه وادرس انا بعد لغه واحاول اجيب قبول جامعه والتحق بالبعثه وترجع هيا هنا وتكمل دراستها وانا اكمل دراستي ودام الواحد متغرب متغرب والتعب حاصل قولت استفيد لاني بصراحه ,,ماني مستفيد من وجودي في العمل بحكم ان المنطقة الي انا فيها لااقدر ادرس فيها واكمل الماجستير ولا اقدر اخذ دورات مافي معاهد خير شر وغير ضارب في هالخطوط والله العالم بالحال وهو المستعان قبل كل شي ,,

عموما ومااطول عليكم لان قصتي طويله عريضه الكلام كثير في المنتدى وكل يدلي بدلوه ومحد عارف مين الصح ومين الغلط حسبي الله على الوزارة الي انظمتها مي واضحه قررنا نطلع ونتوكل على الله دام اننا اجلنا بما فيه الكفاية وقرب الوقت ودراسة المعهد في فانكوفر باقيلها شهرين وتبدا وبديت في اجراءات الفيزا لكن ماني عارف كيف راح يكون الوضع وهل حساباتي صح ولا اتهورت اذا عملي مارضي يعطيني اجازه وهذا الي متوقعه حسبي الله عليهم لاني ماذيهم بطلبات النقل الي مادري الخيره فيه ولا في الدراسه بره احكموها انتم استقيل واطلع واتوكل على الله حتى لو اخذ لغه وارجع وادور من جديد عمل اذا لم تشاء الاراده الالهية ان اكمل تعليمي ..

واش رايكم في فكرة اني اخلي زوجتي تبلغ الوزارة وتقول ان مافيه مرافق هل يوافقون انهم ياجلولها بحكم ان مافيه مرافق الين تخلص على الاقل سنه ونصف من دراستها وبعدين نطلع مادري هذي الفكره تصير ولا من المستحيلات الي اتكاثرت علي هالايام عسى الله يصلح الحال لي ولكم ,, ماتدرون اخوكم يقدم صار له ثلاث سنين على البعثه وحاول يطلع على حسابه لكن ظروفه قهرته الله لا يقهر مسلم ,,

هذا العلم وسلامتكم ارجوا اني ماثقلت عليكم

• نشر عبر تويتر
• نشر عبر فيسبوك
• نشر عبر جوجل