ساعدوني الله يجزاكم خير

مشاهدات من غير افادة ؟ !

فيدوني يا جماعة

أخوي والله ودنا نفيدك.....سدني في كندا؟ أتو قع تقصد مدينة ثانية لأن اللي أعرفه ان سيدني في أستراليا

نصيحتي طالما انك بتطلع على حسابك إنك تتوكل على الله وتجيب قبول لغة (أسأل عن أرخص الولايات في كندا) وبإذن الله تتيسر أمورك وتحصل على قبول وتنضم للبعثة

بصراحة ماعندي خبرة في التخصصات الهندسية أبدا ولكن طالما بتكمل بكالوريوس فأتوقع الأمور أسهل إن شاء الله

ربنا يوفقك وإن شاء الله يفيدوك الإخوة الخبراء بالأراضي الكندية

اي والله

ابي من يفيدني

و ابي من يفهمني كيف يعادلون الساعات

طيب و كندا !

ابي معلومات عنها

و امريكا مش حلوه حيل بالعايله يقولون

إلى الأن

ما أحد فادني ؟ !

شوف يالغالي ،، اذا بتعتمد على وكالة يقولون صدقني ماراح تتقدم ولا خطوة للامام .
ياحبيبي انا ممكن اروح كندا وتعجبني وامدحها لك موت وممكن تروح لها انت وماتعجبك وتحقد علي موت هههه ، لذلك أنت ماعليك بكلام الناس ،، فقط ادرس وضعك وزهب ااغراضك وتوكل على الله وعندي لك بعض النقاط :
1- تفائل بالخير ياصديقي ولاتقعد تحطم نفسك وتقول ابتخرج وعمري بيكون كيت وكيت ،، هذا اكبر غلط ،، فقط اعقلها وتوكل ، فأنت مهما تخرجت راح يكون عمرك مثل ماتقول 33 لكن راح يكون معاك ميز افضل من غيرك ،، راح تكون معاك شهادة خارجية ولغة انجليزية ،، فلاتقعد تحطم نفسك وناخوك وتفائل بالخير تجدهـ وانت فقط اعزم وتوكل على الله ، ومن توكل على الله ماخاب رجاهـ .

2- لاتعتمد وتحط املك كله على الانضمام بالبعثة لان هذا غلط كبير بصراحة ،، فيه طلاب يسافرون للخارج ومامعه غير مصروف شهرين او ثلاث شهور وكأنه ضامن البعثة خلال هالوقت ،، وينصدم بعدين ان دراهمه انتهت وانتهت الثلاث شهور وهو مابعد انضم ،، وتعال شوف الاحباط اللي يجيه والضيقه والقلق والاكتاب ،، فالواحد اذا يبي يسافر للخارج وماعندهـ قدرة مادية جيدة نصيحتي له لايسافر الا ان كان ضامن مئة بالمئة بأن البعثة بتقبله سواء كانت بواسطة او عن طريق برنامج خادم الحرمين ، او اذا كان مخلص مرحلة اللغة وناوي يدخل جامعه مباشرة .

3- اللي أعرفه والله اعلم ان المبتعث في كندا يستلم 2700 $ والمرافق أعتقد 1200 $ والاخوان يصححون لنا اذا كنت غلطان والعملة الكندية الان تساوي تقريبا تقريبا اربعة ريال .

4- كندا يمتاز بنظام قوي جدا جدا بصراحة وشعب مميز ولطيف جدا جدا لكن جوهـ كئيب بصراحة ،، يعني تقعد تقريبا من 9 -8 شهور ثلوج وبرد وماتجي الساعه سبع بالليل الا والدنيا كلها فاضيه ،، واسعارها مرتفعة شوي وخاصة التاكس ( الضرائب ) تقريبا 13 $ من مئة ،، والتعليم فيها مميز خاصة الطب ،، والطلاب السعوديين زادو فيها بشكل كبير .

5- امريكا تمتاز بتنوع طقسها يعني بالشمال يميل للبرودة لانك بتكون قريب من كندا وكل مانزلت تحت كل مانخفضت درجة البرودة ،، والشعب بصراحة لطيف ( كلامي عن الشعب وليس الحكومة والشرطة ) وولاياتها كثيرة فيها الولاية الغالية والولاية الرخيصة فيها الولاية الحارة والولاية الباردة والولاية المعتدلة ميزتها بتنوعها ،، والتاكس عندها افضل من كندا بكثير ، تقريبا 2$ من مئة ، ومدري ان زاد التاكس هالحين او لا ،، والتعليم فيها مايبيله كلام من حيث القوة وكثرة الجامعات المعتمدة والمعترفة ،، والدراسة فيها ابسط من كندا والبعض يقول ان سنوات الدراسة فيها ايضا اقل من كندا ،، واسعار السكن والمعيشة فيها ارخص من كندا ايضا والله اعلم .

6- فأنت ورأيك يالغالي ، الثنتين كلها تنفع للعوائل ،، ولو اني أفضل كندا وبالاخص تورنتو للعوائل لان فيها جالية اسلامية كبيرة جدا بصراحة ومساجدها كثيرة وماتمشي بشارع الا وفيها مسلم او مسلمة ماشاء الله والامن فيها مميز ،، ولكن مثل ماذكرت لك جوها كئيب فاذا كنت ماتحب البرد لاتقبل على كندا ابد ،،، وعلفكرة المكافأة في أمريكا اقل من كندا ،، اعتقد المبتعث يستلم 1700 $ امريكي ، لان المعيشة فيها ارخص من كندا .

فيالغالي اترك عنك وكالة يقولون واستخير الله وتوكل على الله ،، وانتبه تسافر والمادة عندك ضعيفه او حقت شهر او شهرين وتحط براسك ان البعثة مضمونة ،، لان نقص المال راح يسبب لك ضيقة وكئبة فضيعه في الغربة .

واي استفسار ان شاء الله نفيدك ويفيدونك الاخوان .

وعليكم السلآإم والرحمة ،
هلآإ فيك آإخوي ،
الجآإمعة الي قبلتك ، اسمهآإ كيب بريتون ، مدينة سدني ، مقاطعة نوفا سكوشا

نفس الي قبلتني ، وآإنآإ نفس التخصص ،
عمومآإ تقبلك ،
وبسئلك كم معدلك من 5 ومن 100%
وهل شهادتك ، تعتبر دبلوم ، وتعادل ثانوية عآإمة ، لان مادري عن النظآإم القديم للمؤسسة ، لكن الي اعرفه ، ىإحنىإ شملنىإ من 2009 هذآإ النظام

إذآ كان جايب في 90 وفوق مانصحك في هذه الجامعة لان في جامعات كبيره وعريقة راح تقبلك ،

والله يوفقك

وبخصوص ، مدينة سدني ، كئيبة والله جلست افكر فيهآ وصديقي ف كندا قالي ، ان انت رايح لفله ومصخره ودراسه هذه ماتصلح لك
وان رايح تبغا شهادة ولما ترجع يقولون خريج كندا ماراح يهمك الهرج الفاضي

والله تعبت نفسيا وانا افكر وفي الاخير قلت انا رايح ادرس وماني رايح العب ، ضيعت وقت كبير من عمري وهذه ان الله وفقنآ جبنا شهادة هندسه تبيض الوجه وإن شاء الله مستقبل حلو وان لعبت فيهآ الله يعيني ، ويعين الجميع

انا سمعت كلام كبير عن فانكوفر ، وكم مدينة ، مانصحك فيهم
وبالاضافة ان المعاهد في فانكوفر سيئة جداً وفيهآ كم معهد ينعد على الاصابع ان ممتاز

شعب الخليج ف فانكوفر ، ولاعبين بيدهم ورجليهم ،

وعندي نظرية ، كثر المكان الي يكثر فيه الشعب السعودي احس اني اتحطم اكثر واكثر وحاط ف راسي كئابه مثل مالعبنا ف السعودية بنلعب هنآإك ، لصاروآإ معك ، ربعك اضمن انك فاشل ، ~ آإحم هذآ رآيي

قوطي فاضي

اشهد انك مليان منت بفاضي

ردك ونسني و اشعل حماسي اكثر و اكثر

معلوماتك حلوه يالغالي

و عجبتني عن المادة اللي مدتها شهرين الى ثلاث شهور انا بغامر كذا و الان ترددت و شكلي بزهلها و بروح ان الله اراد

شاكر لك

انا و اعوذ بالله من كلمة انا

4.03 من 5

انت بديت ولا لسى دراسة ؟

انا للحين ما بعد اقدم اوراقي بس ابي اخذ معلومات

و متردد بين كندا و بين امريكا

ناس تمدح و ناس تذم


و من ناحية الكآبه الكل قال عنها كذا

اذا انت بديت و رحت قولي وش العلم عندهم

صدق اني رايح ادرس بس برضو ابي انفه عن نفسي شوي