استفسار عن دراسه اللغه في كندا

ياخوي ماتصلح كندا.. رح امريكا افضل لك.. كندا غرقانه معاهدها سعوديين .. يعني مافيه فايده من الدراسه ..

رح امريكا .. شف لك ولايه كويسه مافيها عرب كثيرين.... رح للاسكاا.. شعبها مره حبوب ..

امريكا اكثر من نايحة السعوديين. بشكل عام كل الدول متكدسه سعوديين فاختر اللي تبي

وعليكم السلام ورحمة الله وبركاته ،، هلا بك اخوي

يالاخوان الرجال نوى واختار البلد خلاص لاتلخبطون حساباته ، ونا انصحه بكندا صراحة لكن اذا كان يكرهـ البرد يحول على بلد ثاني .

وبعدين اللي يبي يدرس لايلتفت للكم يلتفت للكيف ،، يعني ماعليك بكم طالب عربي او سعودي معاك ، عليك بكيف استغل وقتي وكيف اقوى لغتي وكيف اتعرف على اصحاب اجانب جديد وهكذا .

والله يالغالي شوف وناخوك ، اصعب سؤال انك توصي واحد على معهد ،، لانه ممكن يعجبني جدا وممكن مايعجبك ابد فالناس اذواق وناخوك ،، فأما ان الواحد يروح بنفسه ويطالع المعاهد ويسجل مباشرة باللي يعجبه ،، واما انه يختار معهد قبل مايوصل كندا ومباشرة يتوكل على الله ويدرس فيه عشان مايضيع وقت اجازته البسيطه .

فدامك تبي تدرس شهرين يالغالي ، انصحك تضبط امورك بنفسك لانك ماتحتاج قبول معهد ولا غيرهـ ، قدم على الفيزة السياحية ورح ادرس الشهرين وان شاء الله تجيك في اقل من شهر . وطريقة التقديم على الفيزا السياحية راح تلاقيها في هالموضوع :
http://www.mbt3th.us/vb/forum108/thread278776-3.html

فأنا اشوف انك تتوكل على الله وتقدم على الفيزا السياحية من الآن ،، والوقت اللي راح تنتظر فيه الفيزا دور فيه على معاهد مناسبة لك والمنتديات متروسة اسامي واذا وصلت فيزتك وماتوصلت للمعهد المناسب ، توكل على الله ورح شف المعاهد بنفسك وسجل مباشرة .

بالتوفيق يالغالي واتمنى هالموضوع يفيدك :
http://www.mbt3th.us/vb/forum107/thread279813.html