الأعضاء الإشتراك و التسجيل

الملتقيات
ADs

الوصول إلى كندا

الوصول إلى كندا


NOTICE

تنبيه: هذا الموضوع قديم. تم طرحه قبل 4679 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية H.A.F
    H.A.F

    مبتعث مستجد Freshman Member

    H.A.F السعودية

    H.A.F , ذكر. مبتعث مستجد Freshman Member. من السعودية , مبتعث فى السعودية , تخصصى BMT , بجامعة KSU
    • KSU
    • BMT
    • ذكر
    • RIYADH, Riyadh
    • السعودية
    • Mar 2011
    المزيدl

    June 7th, 2011, 07:40 PM

    بسم الله الرحمن الرحيم
    أمـا بعد ...
    أنا رحلتي في 25 يونيو إلى تورنتو
    وراح أجلس فيها شهرين إن شاء الله ...
    وحاب أسألكمـ عن الأشياء الي مهم اني اجيبها او يعني حبذا اني اجيبها معاي من السعوديه
    ولحد يقولي جيب " بن " لاني ماحب القهوه ...
    المهم بالنسبه للفلوس اهم , ايش الأوفر تكوون بالفيزا حقتي , لان عندي فيزا مسبقة الدفع فالوالد يشحنها وانا استخدمها
    او افتح حساب هناك او ايش رايكم << انتم ادرى
    --
    المطار , انا بجيب لابتوبي الي مكسر شوي و مافيه ستكرز من قدام والوندوز مو اصلي
    ههههههههههههههـ عادي ولا يفتشوووو ونتورط .,
    وشي ثاني بالنسبه للأشياء الي مفترض اسويها اول ماوصل كندا
    وبالنسبه للملابس في كندا هل هي غالية ولا اسعارها عاديه , لاني مابغى اعبي الشنطه
    وشكرا مقدما

    :]
  2. وعليكم السلام ورحمة الله ،، هلا بك يالغالي .

    والله وناخوك أنا احبذ انك تجيب معك سجادتك والقرآن الكريم وكتاب اذكر الصباح والمساء عسى الله يحفظك ،،، ولو تجيب لك ملابس ثقيلة شوي افضل لان جو تورنتو ماتستئمن له ممكن شمس وبعد نص ساعه تنزل لك ثلوج ،، فهات ملابس معك افضل ،، ونا برأيي اشوف الملابس في السعودية ارخص ،، يعني لو تعبي شنطتك ملابس وتسنع امورك من السعودية افضل من انك تشتري من كندا لان الضرائب شغالة عليك ،،، اهم شي لايزود على الوزن المسموح لك .

    واذا تبي تجيب معاك تمر وغيرهـ ان كنت بتقعد رمضان هناك ،، وهات لك دكشنري اذا كانت لغتك ضعيفة عشان يسندك وقت النكبة وهات معك علبة بندول .

    وبالنسبة للفلوس انا انصحك تأخذ لك بطاقة صراف دولية يعني تشتغل خارج السعودية ،، تدق على البنك وتعطيهم رقم البطاقة ويعلمونك هل هي دولية ام لا ،،، فكل ماتخلص فلوسك تروح للصراف وتسحب لك مبلغ محترم مرهـ وحدة ،، مو تسحب لك مبالغ مقطعة شوي شوي لان كل سحبية ياخذون عليك مبلغ حول العشرين دولار ان ماخانتني الذاكرة ،،، فتسحب لك مثلا مبلغ 800 دولار مرة وحدة وكل ماخلصت تسحب لك مبلغ دفعة وحدة ،، ولا تفتح حساب هناك ولا شي لانك بتقعد شهرين فقط .

    بالنسبة للمطار انت حط اللابتوب في الشنطة حقتك وان شاء الله مافيه مشاكل ،،، اهم شي اذا فيه صور جنسية لقصر لاسمح الله أو مقاطع جهادية وغيرهـ حاول تحذفها ، الانسان مايدري وش اللي بيجيه ،، فمن خاف سلم ،،، فقط شيك .

    وبالنسبة للاشياء اللي تسويها اول ماتوصل لكندا ، ابد صل ركعتين شكر لله ورح اقرب فرع لشركة اتصالات فايدو او بل وخذلك عشان تطمن اهلك وتعطيهم رقمك ،، او رح اقرب سوبر ماركت واشتر لك بطاقة مثل بطاقات مرحبا وسلام اللي عندنا وااتصل على اهلك من اقرب هاتف عمومي بالشارع ،، فقط تطمنهم عليك ،، ولا تاخذ معك الشريحه السعودية .
    وخذ معك صور للجواز حقك ووزها بشنطتك ومخباتك ،، بحيث لاسمح الله ان ضاع عليك او شي يكون معاك صورة ،،، وسجل كل الارقام اللي تحتاجها والعناوين بالانجليزي سواء كانت السفارة او المعهد او العائلة او ارقام زملائك او اي ارقام مهمة بورقة خارجية وخلها معك بحيث لاضعت لاسمح الله او توهقت تستخدم لغة الاشارة ههههه ،، ماهب تسجلها بالجوال فقط لان بطارية الجوال ياكثر ماخانتنا .
    وخل معاك مبلغ مالي بسيط مثل خمس مية دولار حولها ،، تمشيك أول ماتوصل هناك بالتاكسي وغيرهـ .

    وختامها وانت بالطيارة وناخوك ومحلق في السماء ادعي لنا وناخوك وأنتبه تهمل او تفرط بصلاتك ،، صلي وانت قاعد بالكراسي وماعليك باللي حولك ،، ووسعي صدرك واستانس صدقني الديره حلوه والشعب طيب وونيس اهم شي التزم بالنظام وابتعد عن المناطق المشبوهه وخاصة بالليل وابتعد عن بعض العرب والسعوديين .

    والله يوفقك ان شاء الله وترجع بالسلامة .

    بالتوفيق
    7 "
  3. المشاركة الأصلية كتبت بواسطة SHAHЯZAD
    اخ قوطي لوسمحت بالنسبه للشريحه السعوديه ،،نخليها بالسعوديه ماناخذها معنا؟؟

    والف شكر لك ولصاحب الموضوع
    تقدري تاخذي الشريحة وتستخدميها .,
    بس هو يقصد سعر المكالمات
    اولا راح تستخدمي شبكة غير , وفي دولة اخرى
    يمكن من تورنتو للسعودية ارخص لان تستخدمي شبكة كنديه ...
    بس صراحة مدري عن التسعيراات والفرق
    7 "
  4. المشاركة الأصلية كتبت بواسطة قوطي فاضي
    - بالنسبة للفلوس انا انصحك تأخذ لك بطاقة صراف دولية يعني تشتغل خارج السعودية ،، تدق على البنك وتعطيهم رقم البطاقة ويعلمونك هل هي دولية ام لا ،،، فكل ماتخلص فلوسك تروح للصراف وتسحب لك مبلغ محترم مرهـ وحدة ،، مو تسحب لك مبالغ مقطعة شوي شوي لان كل سحبية ياخذون عليك مبلغ حول العشرين دولار ان ماخانتني الذاكرة ،،، فتسحب لك مثلا مبلغ 800 دولار مرة وحدة وكل ماخلصت تسحب لك مبلغ دفعة وحدة ،، ولا تفتح حساب هناك ولا شي لانك بتقعد شهرين فقط .
    - ورح اقرب فرع لشركة اتصالات فايدو او بل وخذلك عشان تطمن اهلك وتعطيهم رقمك ،، او رح اقرب سوبر ماركت واشتر لك بطاقة مثل بطاقات مرحبا وسلام اللي عندنا وااتصل على اهلك من اقرب هاتف عمومي بالشارع ،، فقط تطمنهم عليك ،،
    ولا تاخذ معك الشريحه السعودية .
    - سجل كل الارقام اللي تحتاجها والعناوين بالانجليزي سواء كانت السفارة او المعهد او العائلة او ارقام زملائك او اي ارقام مهمة بورقة خارجية وخلها معك بحيث لاضعت لاسمح الله او توهقت تستخدم لغة الاشارة ههههه ،، ماهب تسجلها بالجوال فقط لان بطارية الجوال ياكثر ماخانتنا .
    - خل معاك مبلغ مالي بسيط مثل خمس مية دولار حولها ،، تمشيك أول ماتوصل هناك بالتاكسي وغيرهـ .
    مشكوووووووووووور قوطي فاضي
    انا شخصيا استفدت من دي النصايح
    الله يجزيك الجنة
    بس عندي تساؤل صغنون
    عن الشريحه السعوديه
    انت اش الي قصدته بالزبط
    ناخد معانا شريحه سعوديه ولا ما ناخد؟؟؟؟؟
    7 "
  5. المشاركة الأصلية كتبت بواسطة SHAHЯZAD
    اخ قوطي لوسمحت بالنسبه للشريحه السعوديه ،،نخليها بالسعوديه ماناخذها معنا؟؟

    والف شكر لك ولصاحب الموضوع
    هلا بك يالاخت .

    بالنسبة للشريحة السعودية بأمكانك تاخذينها وتستخدمينها مافيه مشاكل ،،، لكن القصد راح تطلع عليك فواتير مالها أي لزمة وكل من يدق عليك تخسرين معه لانها مكالمة دولية وااذا استخدمتيها بالاتصال داخل كندا بتكلفك كثير ،، فانا افضل فقط ان الواحد يروح هناك ويطلع له شريحه كندية أفضل له وأوفر له بكثير من الشريحه السعودية ،، وانتي واللي يريحك وناخوك .

    وأرجو منك مشاهدة هذا الموضوع لعله يفيدك ان شاء الله :
    http://www.mbt3th.us/vb/forum108/thread282902.html

    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.