مساعدة ساعدوووني ضروري محتار وضايع :(

اخوي عزوز في كتاب اسمه Azar/understanding and using english grammar

هذا الكتاب بيفيدك لو استمريت تقرا فيه وفهمت القواعد إللي في الكتاب ..+ تطبقها وتستخدمها دائماً ..

بالنسبه لـ كندا هي افضل دولة بنظري لتعلم اللغه الانجليزيه .. لكن مكلفه ..

بالنسبـه لـ كيف تدرس في المعاهـد .. تراسل المعهد مباشره وتطلب منهم قبول لمدة لاتقل عن سنه, وتقدم القبول للسفاره مع الجواز على اساس يطلعوا لك فيزا دراسيه

بعد ماتوصل كندا حط في بالك انه ماتغيب ولا يوم عن المعهد لأن هالشي ممكن يسبب لك مشاكل مع الجوازات ..

تكلفة الدراسه الشهريه بمتوسط 1000 دولار = 4000 ريال تقريباً لمدة 8 ساعات باليوم .. ولكن لو اخذت بالشهر ساعتين باليوم بتكلفك 200دولار = 800 ريال

طيب يالغالي ..
اي معهد الي اراسله ؟ واذا راسلته ايش المتطلبات الي يطلبوها مني عشان احضرها من الحين
ووش رأيك بمعهد LCS .. وهل ادفع لهم كاش 78 الف مثلا ؟ مافي تقسيط او معاهد تقبل بالتقسيط او ادفع كل 3 شهور الكاش شوي صعب علي ..
هل مع عائلة افضل الدراسه ولا لوحدك ؟
وهل الدراسة ساعتين باليوم تشوف انها مفيده وتستفيد مثل الي يستفيد ابو 8 ساعات ؟
او دراسة مشي حالك وماراح تستفيد ؟
وتقريبا كمجمل عام الدراسة بكندا سنه كامله كم تكلفك عشان اكلم اهلي
ياليت تساعدني والسموحه لو طولت عليك بالاسئلة

انتبه انتبه انتبه انك تطلب من اي شخص يدفع عنك رسوم اي شي مهما كان ..

اجل يقول لك 70 ألف مدري وش من جدك انت !!

انت روح هناك وادفع بنفسك وتاخذ فواتير على كل شي تدفـعه وفتّح مخك لاتخلي الناس تقول( المال السايب يعلـّم السرقه )

ياعمي وش تدفع انت من جدك !!

لاتدفع ولا ريال مقدماً ..

فيه معاهد تجيب لك قبول وبمجرد ما انك تطلع فيزا وتروح كندا انت اختار المعهد إللي يناسبك ..

انا بس بقول لك شغله

انت لو دفعت المبلغ هذا وطلع العرض منصوب عليك فيه وش بتسوي ؟؟

والشي الثاني إللي قال لك العرض اقل شي كسبان فيه 10 الآف ريال من وراك لأنه ياخذ مقابل من المعهد لو دفعت مقدم .. يوصل إلى 10% من قيمة العقد

بالنسبه للمعهد فيه معهد اسمه CCEL, canadian college Of English Langauge

هذا المعهد يعطيك قبول مجاناً طبعاً وفيه واحد سعودي يشتغل عندهم اسمه سامر من جده .. ممكن انك تراسله وتطلب منه قبول مباشره ..

اكتب في قوقل اسم المعهد وتشوف تفاصيله ..

بالنسبه للسكن انا انصحك تسكن مع عائله علشان تضطر انك تتكلم انجليزي طول الوقت لا اكثر وبنفس الوقت تتعود انك تتكلم انجليزي وما يجيك بلاده او خوف من اللغه او انك تكون انطاوئي ومع الوقت يجيك اكتئاب واحسااس بعدم الاهتمام او التجاهل من الجميع بسبب اللغه ..

بالنسبه للسفاره الكنديه راح تشترط عليك دوام كامل وهو من الساعه 8 الصباح حتى 2 الظهر اقل شي .. وهو يعتبر دوام كامل ..6 ساعات يعتبر دوام كامل ..

تقدر تدرس ساعتين باليوم بس اهم شي اذا عطوك فيزا مدة سنه لازم 6 اشهر متتاليه تدرس 6 ساعات باليوم وانصحك انك تدرس 6 ساعات بشكل دائم علشان ماتتغير الانظمه وتكون ضدك ..

الدراسه تعتمد عليك تقريباً انت ضبطت علاقاتك مع الاجانب وشيل العرب من قائمتك في اول 12 شهر .. وبعدها خلاص كل شي بيكون تمام ان شاء الله

الدراسه مجمل قول 12 ألف دولار مدة سنه يعني 48 ألف ريال كـ حد اقصى .. بالنسبه للغه

إذآ بتدرس بـ معهد تجاري فـ هم يدفعونك كل شهر 1000 إلى 1200 دولار .. اما اذا كنت في معهد حكومي فـ كل 4 شهور تدفع حوالي 4500 دولار .. يعني 18 ألف ريال كل 4 شهور .. ماتدفع حق سنه كامله نهائياً

تدفع كل شهر بشهر او كل 4 شهور ..

على سبيل المثال شوف اسعار الساعات اسبوعياً في هذا المعهد
http://www.canada-english.com/ar/fees

المتطلبات اي شي تقدر تقدمـه ..

طبعاً اذا كنت توك متخرج .. شهادتك تسوي لها ترجمه معتمده .. تكلفك 40 ريال بالكثير ترجمتها وتسوي نسخ لها كل نسخه بالكثير 10 ريال ..

جواز السفر .. وشهادة اول وثاني ثانوي تحتاجها اذا بتدرس جامعه بعد اللغه .. اذا كنت من زمان متخرج تجيب لهم مايثبت انك اشتغلت او شي من هالقبيل بعد دراستك ..

علشان تروح كندا تحتاج فيزا ..

وعلشان تطلّع فيزا تحتاج ..

شهادة 3 ثانوي ..
قبول معهد لغه لمدة سنه ..
شيك مصدق بإسم السفاره الكنديه بملغ 150 دولار ..
كشف حساب بنكي للشخص اللي سوف يتكفل بـ مصاريفك وحاول ان المبلغ بحسابه يتعدى 200 ألف .. علشان ماترفض ..
ورقه إقرار براتب الشخص إللي راح يدعمك دراسياً سواءاً والدك او اي شخص من العائله او صديق .. إلخ ..
صور شخصيه بدون ثوب وبدون ماتحط شي على راسك والخلفيه ابيض ..

لاتنسى وانت تعبي الابليكيشن حق الفيزا انك تكتب متى بتروح كندا ومتى بترجع فـ اذا انت بتدرس سنه لغه اكتب انك بترجع بعد سنه لاتخليه فاضي ..

وبعد ماتطلع الفيـزا ,, بيكون مع الجواز ورقـه .. الورقه هذي لاتضيع لأن بدونها ماتقدر تدخل كندا ..

وبعد ماتقدم على الفيزا تحجز تذكرهـ .. إنتبه لاتحجز قبل ماتطلع الفيزا لأن ممكن ترفض أو ممكن تتأخر وبالتالي تدفع فلوس على التذكره ع الفاضي ..

اوصل ماتوصل كندا بيعطونك ورقه استفسار عن اغراضك .. اذا معك اسلحه او اكل في العفش إلخ .. وتكتب فيها رقم رحلتك وانك دلخت كندا عن طريق الجـو ..

افضل مكتب خدمات يفيدك بالفيزا هـو مكتب الفيفا على طريق مكه مع التخصصي ..

إذا جاتك اشارة مكه وانت بالتخصصي صار يمينك بنده .. تروح يمين ويكون السريع يسارك وانت بالخدمه .. تمشي وتتعدى هرفي والشغلات هذي خلك في الخدمه لي يجي على يمينك بعد تقريباً كيلو قبل الاشاره ..

قبول المعهد راسل سامر على ايميلـه أو هذا الابليكيشن تقدر تعبيه اونلاين ..
Application Form - Your Details, Your Current Education, Course Selection, Accommodation Selection, Optional Information

نسيت موضوع إللي هو المعيشه في كنـدا ..

طبعاً بما انك على حسابك .. فـ راح تقتصد بشكل كبير مقارنه للمبتعثين ..

بالنسبه للسكن العائلـه مع اكل بـ750 او بدون اكل بـ500 والسعر يزيد وينقص لكن اذا زاد عن 750 فـ معناه غير طبيعي يـآ مضحوك عليك أو بطبيعة الحال هم نصابين ,,

بالنسبـه للمصاريف اليوميـه .. تحتاج جـوال ,, ماانصحك تسوي عقتد مع الشركات المعروفـه .. فيه شركه كويسه اسمها موبايلي سيتي .. مره ممتازه لا تاخذ غيرها صدقني ..

بالنسبـه للقهوه اتوقع افضل مكان من ناحية الطعم والسعر تيم هورتنز ..

بالنسبـه للـ النقل العـآم من skytrain أو bus أو seabus فـ إنك تدفع مبلغ 100 دولار شهري لهم كلهم أو انك تدفع 80 دولار تقريباً لجزء منهـم ..

بالنسبـه للـ اكل والشرب فـ غالباً العائله تعطيك عشاء .. بشكل يومي اما الغداء والفطور يتناسون او ينسون وكلهم نفس المعنى احياناً ..فـ تضطر احياناً انك تتغدى او تتعشى او تفطر برا البيت ..

العائلـه حاول مايكونوا آسيويين لأنه اللغه عندهم مضروبه احياناً, الكنديين من اصول اوربيه يكونوا بعدين عن وسط المدينه ويتمركزون في الشمال والغرب .. وباقي الاتجاهات كلها آسيويين 90%

مصروفك الشهري دراسه + مصروف يومي + اي شي اضافي .. ماراح يتعدى 3000 دولار بالشهر .. يعني 12 ريال شهرياً كـ حد اقصى .. وتقدر انك تصرف اقل من كذا بكثير ..

تقدر انك تصرف 1000 دولار للمعهد و750 للعائله و250 مصروفك الشهري ويكون المجموع 2000 دولار يعني 8000 ريال ..

وتقدر انك تدفع 1000 للمعهد و500 للعائله ومصروفك يكون 500 لوووووووووووووول

وقسم انك ماقصرت معاي
بيض الله وجهك يالغالي وعسى الله يجزاك الجنه يارب ..
انا بأبدء باخذها على خطوات وبأبدء فيها ..
وان شاء الله اني ما اضيع بالخطوات

لا ان شاء الله ماراح تضيع بالخطـوات ..

وإذآ احتجت شي ارسل لي رساله .. بالموضوع إللي تحتاج فيه مساعده وانا راح اساعدك بإذن الله ..