أيهم افضل تجديد الفيزا والستدي بيرمنت من كندا او السعودية

اخوي اللي اعرفه ان حسب النظام الكندي العجيب ممنوع تدخل كندا لو باقي على الستدي بيرمت اقل من شهر .. علشان تحل هالمشكله قدم علي تجديد الستدي بيرمت اون لاين وطبعا بتاخذ اقل شي شهرين ولما ترجع لكندا بالمطار اذا قالو لك شي قول انا مقدم تجديد ولسا ماوصلتني الجديده وهم بيشيكون على السستم وبيلقون كلامك سليم وبتقدر تدخل البلد .. وبعد ماتوصلك الستدي بيرمت جدد الفيزا على راحتك من داخل كندا ..

لكن انك تجددها من السعوديه الحين فهو امر خيالي لان حسب موقعهم فانت تحتاج مابين ٣٠ الى ٤٥ يوم ..

بالتوفيق اخوي

انا دخلت كندا والاستدي بيرمت باقي عليه ٥ ايام فقط بس كنت مقدم اونلاين على واحد جديد وماطلع وقتها

ياحبيبي خذ العلم ( انا كان عندي نفس سؤالك وتجربتك)
بالنسبه للفيزا :
اياني واياك تقدم على السفاره بالسعودية , ماراح توصلك قبل موعدك واذا قاعد 3 شهور فاكثر في كندا يمديك تجددها عن طريق امريكا ..
انت قانوني ميه بالميه لدخول كندا دام باقي على فيزتك 20 يوم..

بالنسبه للستدي بيرمت :
نفس الحكايه اياني واياك تقدم على السفاره بالسعودية (ماراح تجيك قبل 10 سبتمبر لو تحفر) ,
الان يبقالك حل التقديم اونلاين على الستدي بيرمت

بالنسبه الستدي بيرمت الاونلاين هنا الاشكاليه :
1. اذا طلبت تجديد الستدي بيرمت وانت بالسعوديه انت مخالف لنظامهم الاونلاين ( لان نظام الاميجريشن الاونلاين يسمحلك بس لما تكون داخل كندا ).
طبعاً كثير شباب يسوونها واخوياهم يرسلونها لهم اول ماتوصل
في حالتك ممكن تقول ارسلها وان شاء الله تجيني بعد مااوصل كندا بشهر , ارجع واقولك انت مخالف لنظامهم ..
انا ماقولك لاتسويها ولا اقولك سوها .. انت بكيفك , انا بالنسبه لي ديني ودين اني العب مع الجماعه ذولا مع انه ماعمري سمعت عن احد قالوله انت مخالف للنظام في انك قدمت اونلاين وانت خارج كندا..

2. انا دخلت قبل ماتنتهي الستدي بيرمت باسبوعين وقلتلهم انا ناوي اقدم على التجديد اول ماوصل البيت .
هذي الحركه احس انها اخطر من انك تقدم من السعوديه اونلاين (مخالفه للنظام بس اشوفها ماشيه)

بختصار لو كنت مكانك (ومانصحك تاخذ برايي) اجي بدون ماسوي اي شي ..

طيب يا إخوان نصيحتكم أني اقدم ع الاونلاين للوتدي بيرمنت

طيب ممكن موقعهم اقدم من خلاله

اتفضل اخوي

Welcome to Citizenship and Immigration Canada

بالنسبة للفيزا لو باقي يوم واحد ممكن تدخل البلد

و كذلك تصريح الدراسة مع العلم انه قانوناً يجب تقدم طلب تجديد التصريح قبل انتهاء الحالي بـ ٣٠ يوم

وحصل لي اني ذهبت أمريكا وفيزتي منتهيه وتصريح الدراسة باقي عليه ٥ أيام عند رجوعي ولم يظهر في النظام اني مقدم على تجديد ودخلني الموظف بدون اي كلمة

قدم على الستدي بيرمت من الحين اون لاين لانه لازم يتقدم على تجديده قبل انتهائه بشهر على الاقل.. و الفيزا نصيحه لا ترسلها للتجديد الا لمن تجي كندا ترى في السعوديه مره تطول و اعرف حاله اخذت 3 شهور و اتورط الطالب في دراسته!
موفق

انا جددت الستدي بيرمت من كندا قبل لاينتهي بشهر ونصف

وجددت الحمدالله الفيزا في السعودية واخذت بالتجديد 33 يووم

الله يجزاك الف خير .. اول محده متفائله وتقول انها جددت من السعوديه .. والله حرام علي اللي جالسين ينشرون الاشاعات وحرمو طلاب كثير من شوفه اهاليهم ولسبب خوفهم من التجديد من السعوديه ..

اختي سؤال مهم ٣٣ يوم من وصول الطلب للقنصليه بالرياض ولا من ارسلولك مسج انهم استلمو طلبك ؟