أي بنت او رجال اختارو كندا رغبه اولى للماستر يتفضلو معانا هنا لاجل نعرف وين رايحين؟؟؟

سود الهدب فاهمه عليكي وعارفه سالفه الجداول
بس حبيبتي فالمنتدى ذاكرين ان هالتوصيات اللي ع شكل جداول مومطلوبه
>> تاكدي ولاتعتمدين ع كلامي
الجامعات الاجنبيه تعتمد ع التوصيات المقاليه

انا جامعتي ماتعطي توصيات الا ع شكل جداول ونشبت فحلللللللللقهم لين سووها لي مقاليه

حبيبتي ولايف لاتقولي والله العظيم حاولت فيهم بس قالولي ماعندنا الا هذه التوصيات مافي توصيه علىشكل مقاله

انا شوفت بالمنتدى نفس كلامك وقلت لهم هذا الكلام بس هما قالو كل البنات الي قدمو على البعثات الخارجيه اخذو من هذه التوصيات وقعدت تضحك تقول
ماقد مر عليا احد يطلب توصيه مقاليه .وكمان نفس الدكتورات الي رحتلهم قالو نفس الكلام قالو ان كثير بنات قدموا على كندا ونفس التوصيات اخذو .

طيب قوليلي ايش اعمل دحين اروحلهم ولا ايش اسوي ؟؟
بس اتوقع يعني مثل جامعة الملك عبدالعزيز يعني من أكبر الجامعات بالمملكه اكيد عارفين نظام الابتعاث ولا ايش رأيك ياولايف <<< تسأل وتجاوب

بجد بجد قوليلي رأيك اروحلهم تاني ولا خلاص الي عندي كفايه !!!!!

والله ياقلبي كلامهم لك نفس كلامههههههم لي بالضبببببببببط
قالولي جايين لنا بنات رايحين امريكا واخذو توصيه جداول ليه انتي تطلبي هالتوصيه
ومدري ايش وسوو لي قلق

نشبت لهم قلت ماابي
الاهي واتوقع سووها لي عشان يفتكون مني

حطي استفسار بالمنتدى العام وماراح يقصرون
مع اني سالت اكثر من مره قالو المقاليه

واذا انتي من جامعه الملك عبدالعزيز شفت كذا وحده منكم
منزله النموذج لتوصيه المقاليه تاخذينها من مشرفه اوشي كذا
تكون جاهزه مجرد الدكتوره توقعها

انا قرأت في احد المواضيع التوصيات لازم تكون مقالية ..اما الجدول ما يعترفون فيه
انا لما اخذت توصيات من جامعة عزوز..اللي بالعربي كانت جدول اما اللي بالانجلش كانت مقالية ..

مشكورين ولايف ودلال ,, يلا الله يعيني بروحلهم وانشب لهم واشووووف النهايه معاهم دعواتكم ليا.

الله ييسر لك
طمنينا وش بيصير معك
انا بعد باقي لي توصيه وحده
واحط اوراقي باظرف يختموها واخلص

ان شاء الله من عيوني اكيد بطمنكم عن كل جديدي وانتم كماااااااااان طمنوني عنكم أول بأول .. ويلا يااارب تتيسر امورك ولايف .

ماشاء الله بتختميها من الان الله يحميك يااارب ان لسى ماختمتها خوفت اختمها ويطلعولي بشيء تاااني !! كم ظرف بتختمي ؟؟<< بقلدك

يعطيكم العافية صبايا عن جد مرا تحمسووو

أنا حاقلكم انا افكر في ايش حاليا

انا ماابغا اسوي ولا شي الين مايطلع اسمي في الترشيح مو لاني خايفة انو مايطلع اسمي (متفائلة )

بس لانو ابغا اعرف حيختارولي اي رغبة

انا طبعا حاطة رغبتي الاولى كندا واعرف ناس في فانكوفر واعرف ناس في تورينتو

سالت كتير وسويت بحث عن الجامعات والمعاهد

حبيت تورينتو اكتر

ومرا عجبتني جامعة يورك ومعهدها والحلو فيها انها تعطي قبول مشروط

بس بما اني مو داك الشي في الانجليزي فقلت حاروح المعهد اللي الوزارة حتجبلي قبول فيه وحابدا ادرس فيه

بس اول ماحوصل كندا ان شاءالله حاحاول اقدم في جامعة يورك والين مايجيني القبول اكون شوية اتقويت في الانجليزي لانو معهدها قوي وماينفع ادخلو وانا ميح يعني لازم تكون عندي شوية لغة

في هادا الرابط http://www.mbt3th.us/vb/forum92/thread157237.html الاخ TorontoYork ماقصر جاب معلومات جيدة ومفيدة عن المعهد

وفي هادا الرابط http://www.mbt3th.us/vb/forum92/thread310551.html الاخ m1ww برضو ماقصر اتكلم عن المعهد والجامعة وحط ايميل المعهد للي يحبو يتواصل مع المعهد مباشرة

وهادا رابط جامعة يورك York University
وفي هادا الرابط http://www.mbt3th.us/vb/forum14/thread21924.html الاخ م.حسن جزاه الله خير حط نموذجين لخطاب القبول المشروط بالانجليزي يعني بس سوي نسخ ولصق وعدلي فيه الاشاء اللي يبغالها تعديل زي اسمك واسم الجامعة و.... الخ وارسليه للجامعة اللي تبغيها وطبعا انتو عارفين انو الجامعة اللي تعطي قبول مشروط افضل من اللي تعطي قبول مو مشروط بس طبعا هادي الخطوة لاتتهورو وتسوها قبل الترشيح لانو محد يعرف فين حيروح الا بعد الترشيح

وانا متفائلة انو ان شاءالله كلنا حننقبل

والخوف والقلق اللي عندنا هوا لاننا داخلين على مرحلة جديدة نفس خوفنا اول مادخلنا المدرسة واول مادخلنا الجامعة بس زي مانجحنا فيهم حننجح في الماستر ان شاءالله ونرفع راس بابا عبدالله واحنا قدها

والله يكتبلي ويكتبلكم اللي فيه الخير

الله يوفقكم يارب ويحقق مرادكم

رونا مره شكرن ع المعلومات عن المعهد

بس تعرفي جامعه يورك عندهم ماستر تقنية النانو ولا لا ..؟