ارجوا من لديه خبره في موضوع الفيرا تكفون انقضوني

وعليكم السلام ورحمة الله وبركاته ،، هلا بك يالغالي .

وناخوك أهدى شوي ولاتتوتر ان شاء الله امورك بالسليم ،، وياليت تركز معاي زين .

الفيزا وظيفتها تدخلك داخل الارضي الكندية وينتهي مفعولها ،، وتصريح الدراسة هو الاهم فأذا انتهى وماجددته ممكن يطردونك من البلد او يدفعونك غرامة ،، وبكلا الحالتين خلك نظامي ولا تخلي لا الفيزا ولا تصريح الدراسة ينتهون أبد ،، يعني دائما جددهم قبل ماتنتهي بفترة كافية ماتقل عن الـشهرين ،، فأعطو زوجتك تصريح الدراسة لان معاها فيزا دراسية وأنت لم يعطونك لان معاك فيزا سياحية .

فهم عندهم طريقتين في نظام الفيزا السياحية والله أعلم ،،، دور في جوازك على هالصورة :
http://t1.gstatic.com/images?q=tbn:A...MHPSjbjv9Ip2vg

هذا الختم هو تاريخ دخولك لكندا ،، فأذا لم تكن مرافق معناها فيزتك تنتهي بعد ست أشهر ،، أما اذا كنت مرافق فراح يكتبون تحت ختم الدخول التاريخ الذي تنتهي فيه فيزتك ( غالبا يكون نفس تاريخ الشخص المرافق له) أو يعطونك ورقة مع الجواز مكتوب فيها تاريخ نهاية فيزتك ،، فخلك نظامي ولا تخلي شي ينتهي عليك أبد .

فاللي فهمته منك أنك داخل كندا بفيزة سياحية كمرافق لزوجتك وان فيزتك راح تنتهي بتاريخ 07/30/2012 معناها أنهم اعطوك تقريبا سنة و ثلاثة أشهر ،، فأنت لاتشيل هم ان شاء الله وقبل ماتنتهي فيزتك جددها وانت داخل كندا مع زوجتك عن طريق ارسال الجواز لسفارة كندية خارج كندا بالبريد ،، يعني قبل ماتنتهي فيزتك بأكثر من شهرين مباشر جددها .


بالتوفيق

تسلملي يالغالي ... تلقاها انشالله في موازين حسناتك الله يوفقك في الدنيا والاخره

من ناحيت الفيزا هي الختم الاول بس بدون تاريخ تحته ...

لان المدام تسمع كلامة صديقاتها ان السائح يطلع من الديره مدة ستة شهور ويرجع ثانيه عشان يجدد مدة الاقامة

يعني فيزتي سنه وثلاث شهور يعني اطلع مرتين من الديره ورجع الحرمه انهبلت ...

بس كلامك ريحني الله يريحك في الدنيا والاخره ..

اذا انت متزوج الله يرزقك الذريه الصالحه وخليك لهم واذا ما تزوجت الله يرزقك بنت الحلال تسعدك وتهنيك

الله يخليك لاهلك ...

وهذا رابط الختم شفه وعطني ردك

.
كل هذا ابي اريحه الحرمه وانا ارتاح

هلا بك يالغالي .

أبو عبدالرحمن وناخوك التاريخ اللي انت اعطيتني اياهـ وهو من 17\4\2011 الى 30\7\2012
هذا ماله دخل بفترة أقامتك في كندا ،، هذا التاريخ معناهـ انك لابد أنك تدخل كندا قبل ماينتهى مفعول الفيزا حقتك ،، واذا انتهى بتاريخ 30/07/2012 ماراح تقدر تدخل كندا،، فهذا ماله دخل بفترة اقامتك في كندا ،، فنهاية فترة اقامتك هي اللي تجي تحت الختم اللي بالصورة وأوقات يعطونك اياهـ بورقة خارجية ،، وأذا ماوضحوا لك تاريخ نهاية اقامتك معناها ان أقامتك تنتهي عقب ست أشهر ولازم تجددها قبل ماتنتهي .

أنت يوم استلمت مرتك تصريح الدراسة وقلت لهم انك مرافق ما أعطوك ورقة خارجيه مع الجواز ؟؟

علعموم وناخوك لاتقلق ولا تشيل هم حتى لو ما أعطوك مدة مثل مدة زوجتك بأمكانك تجدد فيزتك من داخل الاراضي الكندية ،، وذلك عن طريق ارسال الطلب إلى أقرب سفارة كندية خارج كندا ( في امريكا ) .

فبأختصار أنت شيك هل أعطوك ورقة مع الجواز في المطار مكتوب فيها نهاية أقامتك ؟؟ اذا كانت الاجابة بنعم ياليت تعطينا التاريخ
واذا كانت الاجابة بـ لا ،، فمعناها أنك دخلت الاراضي الكندية في ( 7 MAY) وراح تنتهي فيزتك في ( 7 NOV ) ،، فمعناها خذ صورة الاستدي بيرمت تبع زوجتك وجدد فيزتك السياحية وان شاء الله يعطونك نفس مدة زوجتك ،،، فبكلا الحالتين لا تشيل هم ،، أهم شي تركز على الكلام اللي قلته لك .

(( الفيزا الكندية عند تجديدها لا يشترط عليك مغادرة الاراضي الكندية ،، بأمكانك تجديدها من داخل كندا حتى لو كانت سياحية وذلك عن طريق ارسال الطلب إلى اقرب سفارة كندية في الخارج عن طريق البريد ،، وحتى لو انتهت فترة اقامتك ونت راسل طلبك عند التجديد ماعليك خوف أبد ،، أهم شي جدد فيزتك قبل لاتنتهي )) .

علفكرة شيل الرابط اللي وضعته وناخوك اللي فيه صورة الفيزا .

بالتوفيق

أخوي قوطي فاضي معليش بس تراك وهقت الرجال ..

أخوي اذا انت معاك فيزا ولا راح تخلص الا السنه الجايه فا وضعك بالسليم بس اهم شي انك ماتدرس ..!! واذا درست لا تكمل اكثر من 6 شهور دراسه ولا راح تصير عليك مشكله ..

اما بالنسبه للورقه اللي يتكلم عنها اخوي قوطي يقصد الستدي بيرمت وهي ماتجي اساسا للمرافق اللي مو ناوي دراسه بس ناوي يجلس هنا ..

فا اذا ما عندك ستدي بيرمت مو مشكلة ابدا تجلس هنا لين قبل ما تخلص الفيزا حقتك بـ 6 شهور وترسل وتجددها وخلآص الوضع بالسليم ..

هلا والله اخوي قوطي فاضي ... يعطيك الف عافيه

في المطار ما اعطوني اي شي اللهم ختم على على الجواز قلت ميده ابي مثل زوجتي رفض وعندي الزوجه شوي انجليزي

حتى ورقه ما اعطوني كلامك صحيح زوجتي قالت ميده ان هذا مرافق ... الي قاله موظف المطار ستة شهور وانا ما فهمت وش يقصد بها هل هي مدة الدراسية ستة شهور بس او الاقامة

والحرمه تتكلم معه ما عرفنا وش يقول ختم على جوزاتنا واعطاها التصريح وانا لا ... وبعدها مشين من المطار

بعطيك معلومة فيزتي انا سائح وزوجتي طالب وكلها تنتهي نفس الوقت

هلا اخوي لحن المطر

لا تخاف انا الدرس لغة الحين لي تقريباً شهر ... والمده هذي ماخذها نقاه راحه جسديه ..

الي فهمت من كلامك انه اجلس هنا ما علي خوف قبل لا تخلص الفيزا 6 شهور اروح اجددها لان ... ومدة الدراسة لا تزيد عن 6 شهور

مشكروين على مروكم .... الله يوفقكم في الدنيا والاخره

ايه نعم أخوي ..

لأن انت تعتبر زائر والقانون يجيز لك تجلس طول مدة الفيزا حقتك في كندا بس بدون دراسة او شغل ..

بحكم ان الاثنين هذولي لازم بيرمت لهم ..

اما بس تبي تجلس وتدرس مثلآ شهرين ولا 3 ولا حتى 6 شهور ما عليك خوف ..

اخوي لحن المطر

ما قصرت يعطيك الف عافيه ... ريحت قلبي الله يرح قلبك في الدنيا والاخر

ندعيلك بتوفيق ونجاح انشالله ربي تسهل امروك ودراستك يا رب

وربي يرزقك بنت الحلال

ابو عبدالرحمن ان شاء الله تتيسر امور الفيزااااا
معليش عندي سؤال خارج عن الموضوع اذا ممكن
السؤال
لفتح حساب في بنك كندي عشان ينزل راتب المبتعث والمرافق
هل يلزم فتح حسابين ولا حساب واحد يكفي؟
السؤال الثاني اذا كان فتح حسابينً يكون افضل لكن المشكله انه بس المبتعث يقدر ياخذ تعريف من المعهد. عشان البنك ولكن المرافق من وين له تعريف للبنك ؟ ولا لازم اسوي مشاوريين لل اوتاوً. عشان أخذ التعريف

شكراااا