تجاربكم في تعلم اللغة الانجليزية أول مادخلتوا كندا

وعليكم السلام ورحمة الله وبركاته

مجرد طرحك للإستفسار هذا أكبر دلاله على ان عندك عزيمه و إنسان مجتهد ومنت جاي تلعب

وانا اعتبر العزيمه أهم من كل الأمور

يا أخي انت قلتها لك شهر واحد

يعني فتره قصيره جداً جداً .. فيه ناس لها اكثر من سنه ويستحي يطلب في مطعم

لا تستعجل وبالنسبه لحفظ الكلمات تحتاج لسماع الكلمه مرات عديده ولا تخاف هالشي بتعتاد عليه أثناء ممارستك للغه وحضورك للكلاسات

واذا تبغى نصيحتي الجرأه ثم الجرأه ثم الجرأه حاول وانت تتكلم تستخدم كلمات صعبه او غير متداوله

ولا تنسى الأفلام ترا الترفيه وسيله علميه جيده

أتمنى لك التوفيق وأحييك على السؤال الي يبرد القلب

ان شاء الله اشوفك بعد 6 شهور تغرد بالإنقلش

تجربتي اول مادخلت كندا كنت مفكر ان اسمي راح يتغير بالانجليزي وطلع مثل ماهو بالعربي .
والاسلوب الافضل والامثل بنظري هو القراءه .. عندك جريدتين جريدة :
الاولى : The Globe and Mail
والثانيه: National Post
اختار وحده منهم واشتريها , وابدأ اقراها كل يوم خذ لك ساعه او اكثر حسب قدرتك قراءه بصوت عالي وترجمه معاني, لاتحفظ اقرا بس وافهم
اذا خلصت الجريدة كامله ارميها واشتري ثانيه وهكذا .
بعد شهر من تاريخ هاذي المشاركة راجعني وبتدعي لي بأذن الله .

انا لي اسبوع بكندا ومالي يومين مداوم بصراحه كنت احس ان لغتي زيرو استحي اتكلم استحي اطلب بعض الاحيان اجوع وما اكل استحي ادخل مطعم لكن مع الايام وهي مو ايام بس 5 ايام يمكن مدري احس ان اوكي اضظر اني اروح واطلب من مطعم او اشتري شي مره يمكن رابع يوم لي او 5 يوم كنت بالداون تاون المهم جاني واحد صيني طلب مني ولاعه وعطيته المهم بدا يسولف وانا اقول بنفسي وش يبي ذا ههههههههههه المهم بديت اتجاوب معه لا شعوريا حسيت اني اسولف معاه وندخل في سوالف مع بعض وانا والله لا شعوريا اسولف بالاخير قالي وش تدرس قلت ادرس لغه قال اللغه عندك كويسه المهم حسيت انه يطقطق علي هههههه يوم جا سادس يوم رحت العائله المهم العائله حتى لغتهم حلوه بس مو ذاك الزود بدينا نسولف انا وام العائله ونسولف والله العظيم حسيت اني اغرد لغه هههههههههه المهم قالتلي انت لغتك حلوه المهم نجي اول يوم دراسي طبعا اختبار تحديد مستوى انا القرايه عندي حلوه مره بس الكتابه ضعيفه القرايه اقرا بس ما اترجم المهم بالاختبار ما عرفت الا كم جواب والباقي اقرا بس ما اعرف المهم جتني مدرسه وسوت معي مقابله ونسولف عن السعوديه وعن اشياء عطتنياها وعن كندا اخر شي قالتلي السبيكنق عندك حلو بس ما تعرف تكتب كويس ولا تترجم بحطك بلفل 1 قلت اوكي ومن بعدها احس اني اتكلم مع الناس بس بعض الناس استحي منهم لان الاكسنت حقهم مرره سريع ومرره تحس ما تدري وش يقول مع انه يتكلم شي بسيط بس حبيت انقل تجربتي وانا الحين احاول اقوي الكتابه وحفظ الكلمات والله يوفق الجمميع انشالله ...

الله يستر اجل انا ايش بسوي هناك شكلي بتكلم بالاشاره ,, الله يعين

ربي يسهلك كل امورك وترى اللغه سهله يقولو <<< هما يقولو مو انا .

لا ماعليك توك جديد بتتعلم مع الوقت
يارجال انا يوم جيت كندا من قوة اللغة خلوني ادرس احد المستويات في المعهد

يا اخوان اللغه سهله لا تشيلو همها و الامر مسألة وقت و بعدها راح تنطلقون

اهم شي حفظ الكلمات وطريقة النطق و لاتقول نسيتها لانك مع الوقت راح تسمعها و بعدها راح تثب في ذاكرتك

الله يوفقنا ويوفقكم و و النجاح حليفنا و حليفكم