ادارة اعمال ..

اهلين اختي
المدينة هاليفاكس والجامعة سينت ماريز وجامعة دالهاوسي معروفة بقوتها في ادارة الاعمال وافضل واقوى معهد الايست كوست ومعترف من الجامعتين والاقوى في ادارة الاعمال جامعة السينت ماريز ومن ناحية الفيزا انا انصحك تروحي لمكتب الفيفا تعاملهم مع السفارة كويس من ناحية الفيزا ولا يحتاج للفحص الطبي هذا الشرط ملغى له سنتين تقريبا وبالتوفيق

هلا فيك اخوي .. اولا مشكور و ما قصرت ..
بس بالنسبه للمدينه و الجامعه و المعهد .. اللي ذكرتهم .. كيف تكاليفهم ؟؟ لأني زي ما ذكرت راح اطلع على حسابي الخاص و تقريبا حاطين مبلغ معين ما نقدر نتعداه ..
يعني مثلا لو رحت سمستر كامل كم المبلغ اللي احتاجه من ناحية سكن و دراسه و معيشه انا و زوجي و المولود اللي جاي بالطريق .. مع العلم ان زوجي ماراح يدرس ..
و عندي استفسار بسيط ياليت تفيدني .. لو درست سمستر كامل و خلصت فلوسنا و رجعنا هل يحق لي الانضمام للبعثه و الا لازم اكون هناك ؟؟
اتمنى ما اكون طولت عليك .. و اكون شاكره و داعيه لك ..
و اي احد يشوف الموضوع و عنده فكره عن اسألتي ياليت ما يبخل علي الله يجزاكم خير ..

تكاليف الدراسة في الجامعة لسيمستر واحد (4 اشهر) حوالي 6000- دولار اي 22 الف ريال
الايجار في هاليفاكس غرفة واحد حوالي 800 دولار شهريا
كهربا وهاتف وتدفئة 100-400 شهريا
مصاريف 2000 دولار على الاقل + مصاريف حضانة للطفل اذا قررتو تحطوه في حضانة

تسسلم اخوي ..
ما اعتقد اني راح احط الطفل في حضانه على الاقل لين اتحول عالبعثه .. لاني سمعت ان اسعار الحضانات غاليه هناك ..
و بالنسبه اذا خلصت فلوسنا في سمستر و رجعنا ايش راح يكون وضعي ؟؟ هل يتم الحاقي بالبعثه اذا كنت في السعوديه .. ؟؟ و الا لازم اكون في كندا ؟؟
بالتوفيق للجميع يارب ...

السلام عليكم .. انصحك تروحين كبداية لمدينة صغيره او شبه قرية .. فيه جامعة اسمها كـــاب برتـ ن في قرية سدني في نافا سكوشا فيها تخصص ادارة اعمال ويتعبر حلو مستوى الجامعة حلو والقرية يتراوح اجار السكن فيها على حسب من 500 دولار الى 1000 دولار والجامعة معترف فيها اذا ابتعثتو فيها ان شاءالله وحبيتو تغيرون المكان تجيبون لكم قبول لمكان ثاني وتنقولون بس كبداية انصحكم في المكان هاذا والله يوفقك الجميع ..

لمراعاة المصاريف
انصح بالتوجه للمدن الصغيرة ( Sydny,NS .. Princ Goerge, BC ..Sault Ste Marie, ON )
هذول مدن مرة صغيرة والتكاليف فيها قليلة مقارنة بالمدن الكبيرة وفيهم جامعات معترف فيهم من الملحقية والتكدس فيهم اقل من غيرهم

وبالنسبة لو قدمتي اوراقك والفلوس خلصت بامكانك العودة بس اهم شي تتاكدي ان اوراقك ارتفعت للملحقية كاملة علشان لو ان شاء الله صارت مكرمة تضمنوا الحاقكم
بالتوفيق

تسسلم اخوي .. بس ممكن تعطوني اسم جامعه معترف و معهد معترف فيهم لتخصص ادارة الاعمال .. و كم يكلف القبول ؟؟

و هل تنصحوني اخلص اموري عن طريق مكتب ؟؟ مع اني بصراحه تعقدت من المكاتب صار لنا سنه تعاملنا مع مكتب على اساس بنروح امريكا بس خسرنا ٧ الاف و شوويات و لا استفدنا شي

و الحين خلاص قررنا على كندا و الله يقدم لنا اللي فيه الخير

بالتوفيق للجميع

لا حول ولا قوه الابالله
7 الاف ريال على مكاتب!!!
صدقوني المكاتب لاعندهم علاقات خاصة مع الجامعات ولاشي كل الي يسوه هو ارسال الاوراق وتعبئتة استمارات وبأمكانكم فعل ذلك بسهولة بزيارة مواقع تلك الجامعات

لا و ازيدك من الشعر بيت بعد .. 7500 ريال و انتظار من شهر ربيع الاول الى شهر ذي الحجه و اخر شي طلع كل شي ملفق و القبول منتهي و يوم يجيب لنا قبول من جامعه مو معتمده

و كم مقابله بالسفاره تنلغي و السبب القبول اللي ما وصل و كل هذا و ماخذ منا فلوس حق السي فيز يالله كل واحد و ضميره ..

و انتوا ادرى اذا تنصحوني ابتعد عن المكاتب ساعدوني انتم و في ميزان اعمالكم انشاء الله ..

انا ما ابغى شي بس ابغى معلومات عن جامعة كيب بريتون في سيدني

كم راح احتاج لو قررت ادرس فيها .. كم رسوم القبول ؟؟ و تكاليف المعهد لمدة سمستر كامل .. مصاريفنا انا و زوجي و المولود ،، يعني كم نحتاج مبلغ لسمستر كامل في هالمدينه

و الله يوفقنا و اياكم لكل ما يحب و يرضى ..