جامعة كيب بريتون ..

شدعوه محد رد على موضوعي ..

الله يرحم والديكم اللي عنده فكره عن هالمدينه و الجامعه يرد علي ..

محتاجه فزعتكم ..

السلام عليكم

ان شاء الله تكونين باحسن حال اختي

أولن الجامعه سمعت ومو متاكد انها موقفه عن الابتعاث ومادري سئلي بعد

انا راح اقولك من ناحية المعهد

المعهد 8 مستويات طبعن المستوى الاول حق الحروف فقط

وكل المستويات شهرين الا السابع والثامن شهر كل واحد

بعد ماتخلصين من المعهد ماتدخلين الجامعه يسون لكم اختبار تختبرين تعدين 70 من 100 تدخلين الجامعه وخمسين بالميه يعدونه على حسب الاداره يعني حقين فلوس لاتستغربين اذا مانجحوك لانك اذا مانجحتي يخلونك تعيدين السابع والثامن كلها واذا خلصتيها ترجعين تختبرين واذا مانجحتي يردونك تدرسين السابع والثامن اللين تنجحين معا العلم ان المستوى السابع والثامن مايؤهل للاختبار النهائي يخلونك تعيدين ليه مادري ان شاء الله لو تعيدين السابع والثامن سنه اللين تعدين او انكم تضبطون علاقتكم معهم عشان يمشونكم المعهد تجاري مو تابع للجامعه بس بينهم عقد او زي كذا ؟؟؟

المهم كل مستوى حوالي 3000 الاف دولار او 2900 دولار ناسي بس حول هالمبلغ لان السمستر يكون شهرين

الديره فيها باصين الظاهر بس لانها تكون بأوقات مو على طول يعني تحتاجون سياره والتاكسي غالي يمكن ياخذك بحوالي 20 دولار رايح و 20 دولار راجع حوالي تسكنين قريب من المعهد احيانا يمكن تحصلون قريب من المعهد بيت

الاجارات تبدء من 600 دولار بدون الكهرباء والنت

يعني سمستر واحد انتي وزوجك حوالي 6000 الاف دولار والاجارات بالكهرباء حوالي الفين دولار بالشهرين انا حاسبها والمولود يبي له حضانه ويمكن تكلفك من 700 دولار الى 1000 دولار بالشهر

واذا ماتبغون سياره تاكسي يمكن يكلفكم 1000 دولار بالشهر رايح جاي

يعني نحسبها 6000 الاف دولار للمعهد والكتب و 700 للطفل حضانه وتراه اكثر وتاكسي 1000 دولار والسكن حوالي 2000 دولار شهريا بالنت والكهرباء

6000+2000 هذا حضانة الولد لشهرين+2000 تاكسي حول هالقيمه حق شهرين لو تحسبينها رايح جاي 40 دولار او يمكن اكثر اذا سكنتو بسط المدينه لان المعهد بعيد صار اللحين بس هو في مكان اسمه كلاص باي+2000= تقريبا 12الف دولار بدون الاكل والشرب واغراضكم

يعني شهرين تكلفكم حوالي 40 الف ريال سعودي بدون اكل وشرب واغراضكم

غالي لانكم ثلاثه والطفل يبيله حضانه

وباقي اول ماتجون تدفعون خدمة الطلاب كل واحد 230 دولار هالخدمه يوفرون لكم سكن قريب واي شي تبغونه اسئله من عندهم بس انصحك بالنادي السعودي وفيه عضو هنا اسمه نفل هو بالنادي السعودي وادخلي ولاية نوفا سكوشا بكندا من نفس الموقع هذا يدلك على كل شي انا بجيب الرابط لك

الديره حلوه وصغيرونه وخاصه بالصيف حلووه مره برى المدينه جزر حلووه

ولكن نصيحه لاتجون اللحين لان فيها برد مو بصاحي يوصل الى 26 تحت الصفر وخلو ملابسكم 70% منها شتويه لان غلبا يكون الجو بارد الظاهر بس اربع شهور بالسنه يكون الجو حلو

عندكم اقرب مدينه لها هاليفاكس

واذا تبغون احد يساعدكم عندكم النادي السعودي بسدني حوالي تبحثين عنهم بالفيز بوك او بقوقل لاني ماعرف لهم شي وترى اسم المدينه سدني بس سدني في جزيره كبيره اسمها كاب بريتون

واي اسئله انا حاظر

الديره انا ساكن فيها والكلام اللي فوق مكتوب انا المسئول عنه قدام الله

لاني مبغاكم تنصدمون تجون وتحصلون كل شي غالي

يقول مفوض ولا محتاج يعني خلو معكم فلوس فايضه عشان ماتحتاجون شي

بالنسبه للجامعه ماعرف فيها كثير بس يقولون كويسه وتمشين امورك فيها على حسب كلامهم لاني اللحين بالسعوديه وراح ارجع بعد ثلاث شهور موقف بعثه لضروف خاصه



بالتوفيق اختي

هذا الرابط حق مدينة سدني جامعة كيب بريتون والجزيره اسمها كيب بريتون في مقاطعة نوفا سكوشا في كندا وعاصمة هالمقاطعه هاليفاكس تبعد عن سدني اربع ساعات سياره او خمس ساعات

http://www.mbt3th.us/vb/forum93/thread204443.html


فيه عضو اسمه نفل لو تتواصلين معاه يعطيك كل شي لانه بالنادي السعودي اللي هنا ورجال طيب وخدوم


وبالتوفيق وادعي لأمي ان الله يرزقها بالعافيه

اخوي مشكور على الرد الواضح و المفصل بصراحه ما قصرت ..

بس للاسف حسيت المدينه و الجامعه مره غاليه .. عشان كذا شكلي راح اغير رأيي .. و ابدأ من جديد بالبحث عن جامعه ثانيه

ملاحظه / انا ابي ادرس ادارة اعمال و بس انا اللي راح ادرس انشاء الله و زوجي راح يكون مرافق لي مع البيبي اللي جاي بالطريق انشاء الله

و اذا الله سهل و رحنا ماراح احط البيبي في حضانه .. يعني ياليت اذا تعرفون مدينه حلوه و تكون رخيصه شوي تعطوني فكره عنها و عن التكاليف اللي احتاجها ..

أختي بما ان المدينه صغيره معا هذا كله غاليه لان مافيه خدمات مثل اميترو بتورنتو وسكاي ترين بفانكوفر

انا كنت في فانكوفر صحيح اها مدينه كبيره بس اشوف انها ارخص لان كل ماكبرت المدينه زادت الفرص والمنافسات على الاسعار

عندك سكاي ترين يوديك كل يوم رايح جاي وتركبين الباصات على طول كلها تذكره بــ 80 دولار بالشهر كامل

والسكن من 900 الى 1500 دولار بس راح تحصلين بالف دولار وتكون كويسه

وفيه معاهد هناك تكون ارخص من جامعة كيب بريتون

بالنسبه للجامعات فيه اكثر من جامعه وبالنسبه لتخصصك ادارة اعمال كل الجامعات فءها هالتخصص يعني لاتقلقين

واذا توك تبين تبدين بالتخصص نصيحه لك غيري تخصصك انا بكالريوس فيه ولا حصلت اي وظيفه الى الان وشكلي مبطي بس الله يزينها وانا ابي احاول ادرس بكيب بريتون بتخصص غير هالتخصص

لان الناس كلهم على هالتخصص واخر شي راح يصفطون اذا حنا اللحين ماحصلنا شي مبالك بعد خمس سنوات ............ بس الله كريم يعني الاقسام الثانيه تبي واحد يذاكر صح ..

بالتوفيق اختي وشوفي تورنتو ولا فانكوفر ارخص لك ماتحتاجين تكاسي لان الباصات والميترو يكفونك وكلها 80 دولار شهريا وتحصلينن شقق وتحصلين اكثر من معهد يدرسك


بالتوفيق

اختي فيه ناس فاهمين غلط يحسبون المدينه الصغيره تكون ارخص وتراه العكس لانه صعب تلقين سكن وصعب تلقين عوايل تسكنين عندهم


ثانيا اختي نصيحه لك

اذا انتي جايه وقد الجيه الى هنا ترى تقابلون غربه ودراسه واجواء وكل شي غالي دامكم على حسابكم وتحصلين ناس غير نفسي يانفسي .... ودراسه صح يعني لاتجين الا وانتي صامله ترى احيانا ودك ترجعين لديرتك

يعني اقول هالكلام نصيحه لك وصدقيني راح تتذكرين كلامي هذا اللي اقوله وترى فيه غلا

يعني لاتجين الا وانتي مستعده حتى نفسيا لان يمكن اول اسبوع راح تكونين مبسوطه لانه كل شي غريب عليش ....... بعدها راح تشوفين اشياء غير

بالتوفيق اختي والله مابي لك الا كل خير بسس كنت صريح معك عشان تكونين مستعده

اتفق معك على نقطة المواصلات بس الواحد لو كان اعزب ولوحده هذه المدن راح تكون ارخص
التكاليف في كندا من مواصبلات واكل ودراسة تقريبا متقاربة بس الاختلاف يكون في السكن فنصيحتي ان بحثك يكون بناءا على الجامعة والجو مع الابتعاد قدر المستطاع عن تورنتو وفانكوفر لغلاء السكن في تلك المناطق

اخوي nasa صباحــ/مساء الخير اخوي

اولن بالله لو الواحد يفكر شوي لايكون تابع لأقوال يسمعها من الناس يعني يكون الواحد مخير احسن من مسير مثال

ناس كثير تقول المدينه الكبيره غاليه مفهوم خاطأوبقوه بعد اخوي انا سكنت في فانكوفر وكنت اعرف واحد متزوج عرفته لان جامعتنا كانت كلنا في كيب بريتون في سدني بالضبط في نوفا سكوشا مدينه صغيره

كان ساكن بالف دولار في فانكوفر وكانت شقه كويسه على قده حليووه ..

وكان يشتري قال اغراض من اسواق صينيه واجنبيه من غير الاسواق سواء خضار او رز او اغراض البيت قال كانت رخيصه والتاكس هنا 12 % في فانكوفر

وكان معه تذكرة باص 80 دولار وكنا في معهد رخيص يعني اذا كثرة المعاهد راح يكون هناك منافسه في الاسعار

يعني هو اللحين معاي بهالمدينه وباقي على حسابه لانه مسكين حظه الله لايوريك شين بس ابشرك ان شاء الله قرب تحويله المهم

هنا ساكن 850 دولار بدون الكهرباء والنت ولا معاه سياره تكسي رايح جاي والله بخمسين دولار رايح 25 دولار وراجع 25 دولار هو واهله لان الباص بعيد منه الموقف والباص يجي بوقت محدد ولا يوصلك للمعهد الا بعد ساعه هذا اذا لحقت عليه يعني لازم لك سياره او تاكسي

المهم يصرف تكسي خمسين دولار يوميا وانت احسبها كم بالشهر بدون هذا بس للجامعه من غير الاسواق اذا يبي يتقضى ...... بس اخذ له سياره اللحين لانه كان يصرف صرف مو صاحي

انا كنت اخذ ملابس بفانكوفر وصل الى 80 دولار 60 دولار ومرات 30 دولا ومرات 100 دولار للجينز

هنا اقل من 80 دولار تعال علمني وينه اروح اشتريه

اسعارهم غاليه

التاكس غالي 15%

بما اني مدخن اخذ الدخان بسدني 12.45 وبفانكوفر نفس الدخان قيمته 7.40 دولار

كل شي غالي بالمدن الصغار اسئل مجرب ولا تسئل طبيب والواحد يكون مجرب احسن مايكون مسير على كلام يردده الجميع


كل ما كان الشي اكبر واكثر يكون فيه فرصه ورخص ومنافسه

وكل ما كان الشي صغير ومحتكر يكون غالي ويكون عليك ضغوطات

اكثر من معهد تلقى فيه رخيص

ولا معهد واحد وتلقاه غالي

المدن الكبار ارخص بكثيييييييييييير

بالتوفيق

أهم نقطه عندي نسيتها

البرد .. البرد في نوفا سكوشا وفي تورنتو واللي حولها اعوذ بالله يوصل الى 30 تحت الصفر وعواصف

فانكوفر ديره جوها حلوووو ... اجمل مدينه .... مدينه حقت تمشيه ودراسه ..

ياخوي حتى الانقليزي بفانكوفر تعلمته بسرعه تختلط بالاجانب برازيلين ومكسيك وشرق اسيا يعني تتعلم لغه

عندنا هنا بالموت تحصل عايله واذا حصلت ما تشوفهم كثير ولا بشقه معا اخوياك ومعهد فاشل كاني ادرس بمنطقة بالسعوديه ..

دائما المدن الكبار تتعلم فيها لغه اسرع لان الاجانب كثير فيها وتختلط معهم

بالتوفيق