How can I get a foriegn people

هههههه .. الموضوع هين و بسيط .. اذا انك حالياً في مستوى معين من اللغة خليك على اللي معاك في الكلاس .. يمكن لو تعرفتي على زميلات كنديات يكون التواصل معهم فيه نوع من الصعوبة .. من اسهل الطرق انك تضيفينهم عندك عالفيس .. الشي الثاني اقترحي عليهم انكم تخرجون مكان معين او تتغدون في المطعم الفلاني .. و شوي شوي لين تصيرون صديقات .. >> مجرد وجهة نظر .. يعني لاحد يجي و يكفرني بلييييز .. تحياتي

ههههههههههههههه يا حليك يا دودي تبي الصراحه انا مخلصه معهد وكل ابو الكلاس كان فيه المنتخب السعودي مع نظيره الصيني فعشان كدا محلك سر يادوب اوصل جمله بسيطه مو مركبه هع
انا راح اسجل بمعهد تجاري الحين حق الاميقراشن بس فيه دوره الكونفيرزاشن بس راح يكون الي فيه ميح لانهم مهاجرين بالعكس ابي كنديات ويفضل كنديين لحد يفهم غلط لان الشباب لهم طوله بال مو زي البنات اكيد راح يسحبون علي

وبيني وبينك العماره الي انا فيها فرنسيين بس مايمنع اني اشبك معهم بس انت اخبر ماينعطون وجهه

هذا التفكير السليم
يجب على الطالب التعرف على كندية،، والطالبة تتعرف على كندي عشان يمارسون اللغة ويتبادلون الثقافات

ملك العالم ترى وجودك ماله داعي في ذا الموقع روح ذاكر

يابنت اوتاوا اذا انتي في جامعة روحي الى الجمعية الطلابية واكيد عندهم مكتب شؤون المرأة وبامكانك ان تتعرفي على بنات كنديات وتتكلمي معهم وايضا في الجامعة في دائما نشاطات خاصة بالطلاب شوي الشي المناسب لك وانضمي

ملك العالم راح فكرك لبعييييييد

اخوي ناسا مشكور ماقصرت لاني للان مالقيت قبول لانو لسه احس ابي اطور شوي من السبيكنق وانا ان شاء الله راح اروح للشؤون المراه الي قلت عنه وادا عندك اي شي يفيدني في اكتساب اللغه ياليت تنورني

لاني احس اني ضايعععه بس ايش اقلهم لو رحت هناك اقلهم انو ابي اتعرف ولا اعمل براكتس ولا ايش بالزبطط ومشكله الخجل عندي حتدمرني

الخجل هو العدو الاول في تعلم لغة جديدة حتى انا كنت اعاني من هذه المشكلة في البداية وكنت احسب برعب اذا الواحد حاول يتكلم معي لضعف لغتي هههه
ولكن الرغبة في التعلم والاندماج في المجتمع تجبرك على تخطي هذه المشكلة

اذا رحتي هناك عرفي عن نفسك استفسري عن الجامعة وعن الجمعية الطلابية والخدمات الي يقدموها وهم بالاخر طلاب وفرندلي وهذا الشي طبقيه في كل مكان يعني مثلا اذا رحتي لمحل تشتري شي يعني لا تتركي مناسبة الا وتحاولي تتكلمي مع احد ادري ان الامر صعب شوي اذا انت من النوع الخجول بس شوي شوي وتتعودي واذ سمعتي احد يتكلم او يحاور احد اخر افتحي اذانيك واسمعي كيف يتكلمو

اهم شي حاولي تكسري حاجز الخجل

بنت اتوا

عندي اقتراح لك .. دوري على الشيبان او العجايز الي حول المكان الي انت ساكنه فيه هذول غالبا عيالهم تاركينهم ولا احد يبغاهم ودايم تلاقينهم جالسين لوحدهم يدورو على احد يكلمهم.. انت يبغالك تتخلصي في البداية من الخجل زي ماقال ناسا .. وبطريقتك تتعرفي على هذول الشيبان بداية من القاء التحية عليهم كل يوم ومن ثم تسألي عن اي شي لمجرد فتح حوار حتى ولو كان بسيط تدريجيا تتكون الصداقة بينك وانا اشوف انها اسلم واسهل طريقة لتكوين صداقة مع الكنديين ... للان الشيبان هرجهم كثير وما يصدقو يلاقو احد يتكلم معاهم... هذي الطريقة انا جربتها في امريكا ونفعت معايا كثير وخاصة لما يكونو قريبين منك في السكن تلاقينهم كل يوم هما يدورو عليك يدوروو على السلا والوناسة
الله يوفقك ويسعدك

أفضل شي في نظري هي المساجد , خاصة الكبيرة , دايم تحصل شباب وشيبان وأحيانا أطفال , ما عندهم مشكلة يجلسون معك لوقت طويل , وناس جدا طيبين وصبورين , ومتى ما خلصت من واحد رح للثاني , بالإضافة إلى الكلاسميت وإلى طلاب الجامعة إذا كان المعهد جامعي .

وهذا مقطع هدية :

مشكورين عالردوود ماقصرتوو وان شاء الله راح احاول اطبق الي قلتوه واقلكم ايش صار معي حتى لو بعد شهر راح ارفع الموضوع

القانوني المقطع جدا رائع وماتخيلت انو كمان تفكيرهم زي الي عندنا