اخوكم على راس العمل ومحتاج رايكم... رأيكم جدا جدا مهم

وعليكم السلام
جميل جدا وجود طموح لك يتجاوز وضعك الحالي
وبإذن الله ربي بيسهل لك امورك وين ماكنت
تركك للوظيفة واتجاهك للبعثة يتعمد على اهدافك الي تبغى تحققها من البعثه
الناس زي ما انت عارف يختلفون بقدراتهم واهدافهم و طرق اختيارهم
بشكل عام مافيه مقارنه بين البعثة والاستمرار على الوضع الحالي في السعودية
البعثة افضل بكثير (لمن عرف كيف يستغل البعثه)
لاتشيل هم الوظيفه لان هذا رزق من الله لك تكفل فيه لك ولايستطيع احد ان يأخذه منه
عليك انك تجهز نفسك بشكل صحيح وبعدها بإذن الله يبارك لك ربي بالوظيفه الانسب
اذا لك هدف معين تبغى توصل له وتشوف ان البعثه راح توصلك له وتعينك عليك فتوكل الله
بشرط ان تقرر ذلك بشكل عقلي وليس عاطفي
اتوقع الي ترك وظيفته ثم راح بعثه وبعدها تندم فالمشكلة فيه وفي اختياراته
البعثة لما تكون لثلاث او خمس سنوات هذا يعني ان الواحد مننا يحقق مكاسب كثيرة في هذي المده وليس فقط شهاده ولغه!
اعرف اثنين شخصيا واحد منهم كان معروض عليه وظيفه بـ20 الف عام 2008 و تركها وجاء على حسابه الخاص مع زوجته وطفلين وتخرج من كندا والان في السعودية مبسوط زي ما يذكر لي
والثاني كان يشتغل خمس سنوات في الرياض لشركه العيسى وراتبه 15 الف ومامعه الا ثانوي ومع ذلك تركها وجاء يدرس بكالوريوس بكندا والان على وشك تخرج
رزقك من ربك، الي عليك تجهز نفسك بشكل مناسب وراح تجيك الوظيفة الى عندك تتشرف فيك

عسى ربي يسهل امورك ويختار لك الي فيه الخيره لك الان ومستقبلا

وجهة نظري الابتعاث لكن خلي في بالك احتمال تجلس وقت طويل لين ماتحصل الوظيفة ( وكلها ارزاق من الله ) وهذا صار لواحد اعرفه قدم استقالته من الهاتف ورجع بالماجستير وجلس حول السنة عاطل لكن الان ماشاء الله بيه كبير زي مايقولوا

بالتوفيق

نصيحتي اذا كنت مصر عالمجازفة، اعمل لك اجازة 6 شهور بدون راتب و اطلع كندا و ان جتك البعثة كان بها و ان ماجتك اسمك ماخسرت وظيفتك
و تذكر ان حتى لو جتك البعثة ممكن اطير منك اذا ما اجتهدت على نفسك، يعني راح يكون بعد عقبة البعثة عقبة اللغة مباشرة و اعرف طلاب كثيرين بنشروا في اللغة (مع انها مو صعبة)

الله يعطيكم العافية يا اخوان
وربي كلامكم يبرد القلب
الطموح موجود وفي اعلى درجاته, و يارب على طول.

يا اخوان كنت طالب مجتهد من الشقة الى الجامعة الى مزدلفة ( ملاعب كورة القدم في مكه ) اكيد شباب مكة يعرفون الشئ هذا.
يعني كنت احس اني ادمي مثقف مفيد ويستفيد.
الان انسان يقوم من النوم ويكره القومه والدوام والسياره والناس في الشارع
الوزن من ٨٠ الى ٩٧ كيلو والسبب بس انترنت ونوم ( نوم في العمل ونوم في البيت ) ويجي الراتب ويخلص في يومين في دبي وتركيا وغيرها من الطفش .
ولكم ان تقيسوا على هذا الكلام ..

يعني انا شبهه مقتنع ان البعثه اكيد افضل لي من جانب .. وخطيره من جانب اخر.
بالنسبة للتخصص ان شاء الله يكون في اي قسم تابع لذوي الاحتياجات الخاصه.(اعاقة عقلية, اعاقة فكرية, توحد الخ )

انا بقول لكم ايش الاشياء اللي تدور في بالي هذي اللحظة :- من ناحية سلبية او ايجابية

انا ارى من السلبيات (واكيد ليس المشاهد كالمعاينه)

١- بتاخر في بناء مستقبلي.
٢- بتاخر في الزواج.
٣-الانضمام غير معروف الوقت.
٤- التخصص يمكن يكون غير مرغوب فيه بعد ٣ او ٤ سنوات.
ايش الاشياء اللي تشوفون انها سلبيه لما اطلع.

------

الايجابيات :
١- خبره وحياه جديده وعلم .
٢- لغة او اكثر باذن الله.
٣- شهاده وتطور.
٤- عمل اريح مستقبلا واهم.( مقارنة مع الكلاب(اكرمكم الله ) ).

هذا اللي يدور في بالي مؤقتا
يارب انكم تشاركون باي شئ

اي شئ,, اي شئ

مره اخرى اشكر اخواني المشااركين والله يوفقكم ويكتب لك الاجر.

السلام عليكم .. أولاً ما خاب من استخار .. استخير و اسأل اصحاب الخبرة و شاورهم .. الشي الثاني انه الابتعاث زي ما انه له ايجابيات ايضاً له سلبيات و تأثر على حياة كثير من الاشخاص .. اذا تقدر تاخذ اجازة مفتوحة بدون راتب اتوقع يكون افضل خيار لك. و اذا انك كاره وظيفتك اقترح عليك انك تطلع منها و تكمل مستقبلك. أسوء شعور انك تندم على شي ما قدرت تسويه في شبابك، و صدقني الارزاق على الله ثم على اجتهادك، و ربي ما راح يضيع جهدك و تعبك. القرار صعب بالذات اذا كان الشخص على رأس العمل. حدث معي شي مشابه لك، حيث اني تخرجت من جامعة الملك عبدالعزيز و قدمت على وظائف عدة، من ضمنهم انقبلت في شركة دلة، و لكن قررت اني اواصل تعليمي، و الحمد لله ما ندمت على شيء ابد، يمكن لو اني جلست في الوظيفة لندمت اكثر من فكرة اني اواصل تعليمي. أسأل الله التوفيق لك و لكل الطلاب، بالتوفيق .. تحياتي