من آداب الإسلام وكل الثقافات، شكر الناس!!!

June 6th, 2013, 06:12 AM

هذه مشاركة للاخ almmasy911 يتحدث فيها عن بعض الناس الذين يتلقون مساعدة ولايشكرون الناس الذين ساعدوهم، حقيقةً مشاركة الاخ لامستني كثيراً.
واليكم المشاركة بعد إذن الاخ almmasy911 :

وعليكم السلام والرحمة والإكرام .... اختي الغاليه قبل ان اجيبك على سؤالك ...

ابي اسألك انا سؤال ... افترضي انك تطوعتي في مساعدة جارتكم في رعاية ابناءها اثناء غيابها او مساعدتها في ترتيب منزلها .... وبعد ماخلصتي انتهى الموضوع بينك وبينها لا حمدا ولا شكورا ولا كأنك سويتي شيء لها ... وبعدين جات وطلبت مساعدتك مره ثانيه .... هل راح تساعدينها ؟؟؟؟؟

ماعتقد انك راح تساعدينها ويمكن تصير عندك ردة فعل سلبية انك تساعدين الناس الآخرين .... وتخيلي ان نفس الموقف صار لصاحباتك مع جاراتهم ..... ايش اصبح عندنا بالمجتمع ؟؟؟
اصبح عندنا مجتمع كاف يده عن عمل الخير وللأسف ان السبب هو صاحب الحاجه نفسه وهي هنا الجاره ؟؟؟؟ بمعنى آخر جنت على نفسها براقش

نفس السيناريو هنا يصير بالمنتدى للأسف تجي ناس تفتح مواضيع طلب فزعه او خدمه او قبول ,,, وبعدين بس تحصل مصلحتها تقوم تسحب على الشخص اللي ساعدها او حاول يساعدها ( عدا القله الله يجزاهم خير )
بالأخير ايش اللي يحصل ؟؟

الناس هاذي تسحب على المنتدى بحكم ان هو منتدى فاشل يخلو من الناس الواقعين وكأنما هو اشبه بغرف الشات لتقزرة وتضييع الوقت ... ترا الناس اللي تعرض مساعدتها ( الله يجزاهم خير يارب ) هم ناس عندهم دراستهم واشغالهم وحاسين بالبهدله اللي ييتبهدلها الطالب لما يجي يبي قبول او مساعده وبرض مايبونه يتبهدل مع نصب واحتيال المكاتب ... فلما يشوفون ان الناس اللي يساعدونها اصلا تسحب عليهم ولا تقدرهم ,,, راح يسحبون على المنتدى ( كما حدث مع ناس اعرفها ) بالتالي الطلاب المستقبليين يكونون خسروا شخص ذو خبره كان بإمكانه يساعدهم ويفك ازمات في جلب القبول .

وترا الاشخاص اللي هنا مايترجون من ورا الطلاب فلوس او خير لكن بس يبون يحسون ان الشخص اللي في الطرف الآخر يقدر وقتهم اللي هم جالسين يستهلكونه في خدمته .

على سبيل المثال ... المشرف الله يجزاه خير فيه موضوع له تحذيري عن مكتب ان هو نصاب ومحتال ... طبعا عرف ان المكتب نصاب لما تواصل مع المكتب على اساس ان هو طالب غشيم ولا يعرف شي ويبي يجي كندا ... فقام المكتب وعطاه سعر خرافي ... بعدها المشرف نزل تحذير عن صاحب المكتب ... وهو على فكره مش مترجي خير من أحد بس يبي خايف على الطلاب من النصابين.

المهم شاهدنا ان بما ان عندك موضوع طالبه فيه مساعده حصول علىxxxxxxxx

يفترض بك من باب الأدب تكتبين بموضوعك ( حصلت من يخدمني )
ترا ماعليك كلافه لو كتبتيها ... التعب على الكيبورد تراه

• نشر عبر تويتر
• نشر عبر فيسبوك
• نشر عبر جوجل