اتمنى الجميع يجاوبني لاني على وشك ان اغير راي عن الابتعاث

لغتك بسيطه لا تجي نهائي ولا تضيع وقتك خاصه بالدراسات العليا. اذا مصمم تجي طور لغتك واختبر بالسعوديه على التوفل اكثر من مره وهيآ نفسك قبل تجي. الماستر مدته سنتين الدكتوراه ٣ الى ٤ سنوات. فيه بحوث وفيه رساله. القبول للماستر لازم تتخرج من البكالوريوس اولا عشان يطلبونك كشف الدرجات وكذا. في جامعات قويه وفيه جامعات وسط بس المهم عندهم درجه التوفل بالدراسات العليا + معدلك بالبكالوريوس. معاهد اللغه هنا بكندا ما تطورك بالشكل اللي انت متخيله في منها الجامعي وفيه الخاص. ما ابي احطمك بس ما ابيك تغلط غلطاتنا وما تلحقنا عمرنا غير بآخر وقت وفيه ناس كثير رجعت بخفي حنين. ربي يوفقك

الاخ بدوي يعني ما تنصح الي لغته ضعيفه يجي يدرس بكندا ولا كيف ياريت توضحلنا

أخ بندر عجبني سؤالك جدا.. انا باخبركم ليه ننصح ممكن مايجي.. لانه راح يتعب بالاساسسيات.. ولين مايتاسس وياخذ وقت بتاخذه من وقت فعلا بتاخذ وقت.. بالذات اللي حاس نفسه ضعيف وماعنده اساسيات قويه..

وكل واحد عارف قدرات نفسه.. والقرار الاول والاخير يبقى للشخص نفسه.. ولكن الاخ بدوي. طرح فكره جدا رائعه . انك تتطور نفسك وانت في مكانك او في بلدك وتختبر هناك للايلتس او للتوفل حسب مانت حاب. بحيث توفر على نفسك اشياء كثيره واهمها الوقت والمال بنفس الوقت .. وياجماعه كلام اخ بدوي وربي من صصصصصصصصميم القلب جايبه هالانسان. واهنيه واشكرره. لانه يتكلم بكل ذمه وضمير.. وانا معاه قلبا وقالبا. واحيي هالبشر اللي زي كذا تجي تعلمنا من واقع تجربه وخبره ويوفر علينا اهم عاملين وهم المال والوقت..

طيب ايش رايكم انا عندي دبلوم حاسب وافكر اكمل بكندا ولا امريكا وراسلت كدا معهد بس لغتي جدا ضعيفه في القاعدات والمحادثاث بس حافظ كلمات

بايش تنصحوني فديتكم

شوف ياحبيبي يابندر.. اولا حاجه الكلام اللي نقوله. والله من واقع تجربه ومعرفه. وليس تحطيم ابد ولا يمس بالتحطيم من اي ناحيه. لكن وربي للفايده ولاتقع ب اي خطأ وتبدا صح من غير اي ندم. مثل ماتفضل اخوي بدوي..

والانجلش مو بس كلمات. عندك اربع اشياء. قراه وسمع وكتابه وتحدث. وكلها مرتبطه في بعض. وتتطويرهم الاربع الاشياء مطلوب. مثل لو تفضلت يا استاذي عندك الايلتس كل قسم ويشمل له درجه. وضروري انك تركز على الاربع الاشياء في الاوقات كلها.. والتركيز كل التركيز. يكون على الرايتنج والريدينج. لانها تاخذ وقت. وبالذات حنا ك معظم طلاب سعوديين نعاني من هالناحيتين تقريبا.. فلذالك انت شوف واحسبها صح..

اذا انت يعني ناوي خلاص وتبي تبدا لغه.. انا انصحك بصراحه كندا.. .. لان امريكا على ماسمعت تكدس سعوديين وين ماتروح.. ف كندا اشوفها ماشاءالله مره ممتازه للغه. والله يوفقك ياحبيبي. واتمنى اني افدتك باللي باقدر عليه..

واعذرني على تواضعي بالمعلومات اذا لم تحوز ع رضاك والمطلوب اللي تبحث عنه., لكن اي سؤال او استفسار اطرحه وان شاءالله تلقاه...

بحاول اجاوبك باللي اعرفه وهي وجهة نظر وانت لك اخذ مايناسبك وترك مالا يناسبك فانت ادرى الناس بنفسك
في اللغة وخاصه لتخصص مثل القانون يعتمد على الصياغه والقوانين وعقود ..الخ فاللغة مهمة جدا وجامعات كندا تطلب مستوى قد يكون اعلى من غيرها فيما يخص اللغه
لكن اذا حصلت على قبول لغة في معهد وخاصة اذا كان معهد تابع لجامعة وليس تجاري فخلال سنه ممكن تحصل على درجة التوفل المطلوبة للقبول للجامعة
وفترة اعداد نفسك قبل السفر فكره جيدة لكن الفائدة الاكبر هي في بلد الدراسة لانك تمارس اللغه . وحسب مستواك في من يحصل على التوفل بالدرجة المطلوبه في مده اقل.
وبعض الجامعات تعطيك قبول بمجرد تنهي دراسة اللغه في المعهد التابع لهم بدون اختبار توفل (بمعنى التغاضي عن شرط اللغه ولكن لايضمن القبول - لابد تستوفي شروط الجامعه من معدل وتخصص ..الخ)
الماجستير فيه رساله وفيه مواد لكن الرساله افضل لان اذا بتكمل الدكتوراه عادة لابد يكون الماجستير برساله وليس بمواد
الجامعات كثير ومستوياتها مختلفه ابحث عن التخصص في الجامعه هل هو موجود او لا وبعدها ابحث عن مستوى الجامعه وموقع التعليم العالي فيه قائمة الجامعات الموصى فيها
يمديك تاخذ قبول قبل التخرج اذا انهيت كل المواد وبقي لك بحث التخرج يعني تقدم بكشف الدرجات وجميل انك تبدا من الان فهذا التخطيط السليم
القبول يحتاج وقت وبحث وجهد فابدا من الان .
الله يوفقك

الله يعطيكم العافيه