خدمة رفع الاوراق الى الملحقيه شبه مجانا

November 27th, 2008, 03:48 AM

السلام عليكم ورحمة الله وبركاته


مساء \صباح الخير <<<< على حسب التوقيت المحلي عندك


والله ياشباب اني استأت من اللي شفته من وضع الشباب في رفع الاوراق الى الملحقيه والمشكله الكبرى ان بعض السعوديين والعرب قاعدين يستغلون الشباب الجدد في رفع الملفات حتى وصل رفع الملفات للمحلقيه على حسب الشروط اللي طالبينها المحلقيه الى 400 دولار كندي يعني بالسعودي تقريبا 1300 ريال !!!!!!!!!!!!!!!!!!!!!!!!!!!!!!



وانا ومن هالمنتدى اللي دايم يقدم الخدمه لجميع المبتعثين اقول لك واحد يبي يرفع اوراقه انا مستعد اخدمه فيها وفي اقل من دقيقه وبكل شي تبيه في فانكوفر مثل (كيف تستخدم المواصلات عندهم وكيف تطلع جوال وكيف تطلع حساب بنكي و............الخ)والمشكله تدرون بكم ب 4.3 دولار يعني تقريبا ب 12 ريال سعودي (قيمة الساعه في مقهى انترنت مع عمل سكان للملفات)بس كل اللي ابيه انك ياترسل اوراقك على ايميل او انك تقابلني في فانكوفر بالاوراق التاليه


1- صورة الجواز وختم الدخول لكندا والفيزا
2-الستدي بيرمنت اللي عطوكياه في المطار اول ماجيت كندا
3- التعهدات الثلاثه موقعه جاهزه
4- الفورم حق معلومات المبتعث وتلقاه في موقع الملحقيه
5- قبول الجامعه او المعهد او الاثنين مع بعض
6-قرار الابتعاث اذا كنت مبتعث
7-صوره من بطاقة الاحوال المدنيه وتكون واضحه
8-صوره شخصيه لك
9- شيك مكتوب عليه ملغي << واذا توك مافتحت حساب في البنك انا مستعد اساعدك علشان تفتح حساب
10-صوره من اخر شهاده دراسه مترجمه ويفضل اذا كانت مصدقه


اما بالنسبه للاخوات السعوديات واحترام لخصوصياتهم اتمنى ارسال المحرم وانا راح اشرحله من طقطق للسلام عليكم وش يسوي وكيف يعمل سكان بالصيغه المطلوبه


اما اذا كان مامعكم محرم الشكوى لله عاد وش نسوي



طبعا هذا العرض لجميع الشباب في فانكوفر اما من هم في مناطق اخرى راح انسق معهم ويمكن نستقبل الملفات عن طريق الايميل وبعد مانسوي لها سكان ارسلها على ايميلاتهم وعن طريق السكايب اعلمه كيف يرفعها



وفي الختام مانبي غير الدعاء بظهر الغيب ان الله يوفقنا ويحفظنا من كل شر في دار الغربه اللي حنا فيها



ملاحظه : ارسل فقط رساله على الخاص فيها ايميلك وراح اقوم باضافتك



اخوكم المحب


ابوعبدالله

• نشر عبر تويتر
• نشر عبر فيسبوك
• نشر عبر جوجل