هلا حبيبي ... بجاوب على اللي اقدر عليه
أولا : المناخ
الجو زي ما قلت فعلا متقلب .. يوم يجيك 12- وبكرة يجيك 4 ..
بالنسبة الأشهر القادم حيكون شتاء .. خاصة فابروري عز الشتاء ... اعتقد والله اعلم انه الشتاء
الين شهر may كأقصى حد
ثانيا : الملابس
بالنسبة للملابس ... اشتري ملابس من السعودية عادي جدا .. لكن الجاكيت من هنا ..
انا البس تي شيرت للمعلومية و درجة الحرارة -12 لكن البس فوقه جاكيت محترم يدفي
واشتريته من هنا
... ممكن تحتاج شوية ملابس هنا لكن عموما عادي لو تشتري من السعودية
اهم شي الجاكيت من هنا ...
ثالثا : الإلكترونيات
طبعا لاب توب و جوال هو اهم شي ... بالنسبة للأنظمة ... لازم يكون الويندوز اصلي ..
والبرامج نفس الطريقة ... لكن انا كنت بايعها .. وجيت الويندوز مو اصلي ولا شي
ولا فتشوني وقاعد استحدم النت هنا طبيعي ... اهم شي تقفل الآبديت حق الويندوز لإنه لو شغال
بتعرف شركة النت وبيبدأ معاك يعلق .. والبرامج تعال هنا وحملها من النت زي ما نسوي في السعودية
خخخخخخ
رابعا : الحياة الإجتماعية
الواحد يجي هنا .. ويبغى اصحاب كنديين .. عشان يطور لغته
صح الكلام ... لكن كنديين كيف بتتعرف عليهم .. اذا انت في المعهد كل اللي معاك اجانب اصلا
لذلك حاولو تخرجو كثير .. اسواق مطاعم .. بحيث تشوف كيف حياتهم وكمان ممكن تطور لغتك ..
لا تجلسو في البيت ... اكتشفو المدينة شبر شبر .. ممكن تضيع ممكن يصير لك شي
لكن بتتعلم ..... في النهاية ...
انا اقولك اطلعو اكتشفو مو تدشرو خخخخ لا احد يفهمني غلط
خامسا : الحياة الجامعية
بعد سنة اجاوب على السؤال هذا ان شاء الله ^_^
سادسا : الدين
الدين بالمعاملة ... ترى هنا ما يهتمو ايش دينك ولا شي .. يهتمو انت كيف تعاملك واسلوبك
محترم ولا لا ... من خلال هذا حياخذو انطباع جيد عن ديننا ...
الشباب بعض الأحيان يجونك متحمسين من السعودية ويجي يدخل مع كندي في نقاش عن الدين
ما يعرف يتكلم كويس ما يوصل الفكرة كويس .. وبعض الأحيان ما تكون عنده ثقافة اسلامية
تسمحله انه يتكلم ... فالبتالي .. النقاش حيكون عقيم ... والعواقب وخيمه .. والمحصلة ما استفاد الشخص اللي تتناقش معاه ..
ونصيحة للشباب ... اذا واحد سألكم عن الإسلام جاوبوه بكل شفافية .. اما اذا محد سأل
لا تجيبو الموضوع لإنه هنا فعلا ما يهتمو ايش دينك
سابعا : الإجازة
لا تقضيها خرجات وطلعات كلها ... خصص وقت للقراءة .. " كتب بالإنجليزي "
هذا انا اللي اسويه
...
ثامنا : المدينة
كيف تعرف الأماكن جوجل الله يخليه ... واللي يسأل ما يتوه يا شباب
احلى شي في كندا انه الناس صدرها رحب .. فاسأل اللي تبغاه عادي لا تستحي
بالتوفيق للجميع ... ودعواتكم لنا ^_^
ولد تورنتو December 14th, 2008, 10:12 PM
December 14th, 2008, 09:13 PM
السلام عليكم ورحمة الله وبركاتهاسعد الله اوقاتكم بكل خير
ان شاء الله ان اموركم كلها بخير
كلنا يعلم ما بترتيب الامور من اهمية في حياتك ولكني وجدت انه من الواجب علي بما اني ذاهب ان شاء الله الى كندا تورنتو بالتحديد ان استشير الذين سبقوني الى كندا ، وسأوجز لكم ما اريد ان اسألكم عنه مع شكري الجزيل لكم ، وارجو ان يفيد الموضوع بقية اخواني الذين هم في مرحلة الاستعداد
اولاً : الأجواء والمناخ
الحقيقة من خلال متابعتي لأحوال الطقس وجدت ان الجو متقلب كثيراً فأريد ان اعرف بوجه عام كيف ستكون الاجواء في الاشهر القادمة يعني متى ينتهي فصل الشتاء ومتى يبدا الصيف وكيف تكون الاجواء في اليوم ؟
ثانيا ً : الملابس
هذا الموضوع محيرني مررررة وذلك لإختلاف وجهات النظر في طريقة شراء الملابس فالبعض يقول اشتر ملابسك من السعودية ولكن البعض يقول ان الملابس السعودية لا تسمن ولا تغني من جوع لأنها ليست مهيئة للثلوج ولا البرد القارص ، والبعض يقول خذلك ملابس لمدة اسبوع واشتري ملابسك من كندا لكنها ستكون الاسعار غالية بعض الشيء ( الموضوع محير ( فما رأيك ؟
ثالثاً : الألكترونيات
مهمة في حياتنا ! والاهم ان تكون ذات فائدة اذا اخذناها الى كندا ، يعني انت كطالب ما هي الاجهزة الالكترونية التي ترا انها ستفيدك في حياتك في البلد الآخر ؟ وماهي الضوابط والانظمة المتبعة في البلد بشأن حماية الحقوق الفكرية ؟ وهل تنصح بشرائها من السعودية ام ماذا ؟
رابعا : الحياة الاجتماعية
اعتقد ان تنظيمها يساهم في انجاح جميع ضروف الحياة ، انت كيف ترى ان ننظم حياتنا في وجود مجتمع جديد وبلد جديد بالعربي كله جديد في جديد ، وكيف سيكون جدولك اليومي الذي ترى انه سيساهم في رفع مستوى تحصيلك العلمي وتواصلك مع المجتمع الكندي ؟
خامساً : الحياة الجامعية :
كيف تتواصل مع الطلبة ؟ كيف تستفيد من موارد الجامعة ؟ كيف تخلد اسمك في تاريخ الجامعة ؟ وكيف تترك الاثر الطيب كطالب مسلم ؟ اعتقد انها اسئلة مهمة
سادساً : الاسلام كدين
كيف نساهم في اظهار دينانا الحنيف على انه دين التسامح ودين الخير ودين الاخلاق والخير ؟ ما رأيك ؟
سابعا ً : الاجازات
كل خمسة ايام اجازة يومبن ، واليومين هذه مهمة ، برأيك كيف نستغلها كيومين حرة
ثامناً : انت والمدينة
ستكون هناك علاقة بينك وبين المدينة التي ستعيش فيها لعدة سنوات ، وستكون ذاكرة سعيدة اذا عرفت كيف ستتواصل معها ، برأيك كيف نستفيد من خدمات المدينة كيف نتعرف عليها كيف نعرف الاماكن المميزة بها كيف نعرف اماكن المساجد ، المطاعم ، مراكز التسوق ، المكتبات ....الخ
اعتقد انها مواضيع مهمة يجب علينا ان نكسب الخبرة والاسلوب ، واعتقد اننا اذا تعاونا في تبادل المعلومات ستكون هذه الايام التي سنعيشها من افضل واجمل الايام التي سنعيشها .
هذا ما كان لدي ، والله يحفظكم ، وفي انتظار مساهمتكم .
شكرا