مباراة السعودية و عمان في النادي السعودي في فانكوفر

بس لي ملاحظه ..

بما إن المناسبـة وطنيـة ومباراة نهائية ليه مايكون اليوم للكــل !
بدل التحذير والوعيد والخطوط التحذيريه .. للي بيجي ومامعه قطة الشهر والشيك الآغـي ..

فقط وجهة نظر ..

الله يوفقكم ويوفق الاخضر

وبصراحة معاهم حق النادي السعودي فهم يبحثون عن موارد مالية لتقديم الخدمات للطلبة السعوديين ...

ولكن لو كان تقديم الدعوة للاشتراك في عضوية الجمعية اثناء المباراة مثلا والتعريف بميزات العضوية لكان أفضل واكثر تقبلا من فرض شرط الحضور باحضار 20 دولار ...

حظا موفقا لكم وللأخضر (وبالنسبة لي فلا اعتقد انني ساضيع وقت طويل جدا للوصول للنادي ومشاهدة مباراة لن تزيدني الا حسرة على ما هو عليه لاعبينا من افتقار لكل اساسيات الكرة)

لكم التحية

بالعكس هالوقت هو الافضل لاخذ القطة على قولتك !

تخيل وانت بالسعودية تبي تحضر مبارة النهائية بين السعودية واي فريق ثاني !! بيدخلوك بلاش !! تتحللللللم ,, المناسبات دائما الوطنية وغير الوطنية بيئة مناسبة لأخذ المال ... ليش ! لان بالمناسبة غالبا تحدث برامج ذات تكلفة اكثر لجعلها افضل متعة ممكنة ,, وذلك له تكلفة !! من وين الواحد ياخذها !!! من التبرعات

بعدين 20 دولار ولا حاجة اكس كنت بنطعم هندي مع صاحبي ,, تعشينا وخرجا بـ 59 دولار !! يعني حق النادي السعودية لـ 3 اشهر تقريبا ! فلك ان تتخيل قلة المبلغ ..

وتحياتي لك ,

^^ ^^

أجل النادي السعودي غير مدعوم من الملحقيـة !
على حسب ماسمعت إنه مدعوم من الملحقية الثقافيـة بكندا ؟ ( يعني مخصص له مبلغ مالي شهرياً او سنوياً )

اذا الجواب لا فأنا أسحب وجهة نظري وأشوف إنهم ماطلبو إلا قليل من حقهم .. واذا بنعم فأنا متمسك بوجهة نظري

^^^^^

اذا لا واذا نعم ,, طيب ما نقدر نفصل لك كيف الطريقة !! والا تبيها نعم او لا !

عموما

قيمة اجار النادي 12 الف يغطيها دعم الملحقية فقط ,, جميع الأغراض المتبقية مثل ( العروض - التلفزيونات - البلايستيشن - البلياردو - التنس - العشاء - القهوات بأنواعها - المشاركات في الولاية مثل الاكسبو اللي كلف 4 الاف دولار بيوم واحد - ملعب كرة القدم المستأجر الضخم المغلق - وغيرها الكثير ) هي من جيوب المتبرعين ,, ومن غير متبرعين مارح تحصل غير على مفتاح لدور فاضي وخالي من كل شئ ولا في اي مقومات )

------------------------------
اذا مازلت تشكك في مصداقية كل هالكلام ,, بإمكانك طلب ارصدة النادي ووين كل سنت تم صرفه في ,, ورح تشوف كل حاجة ,,

=--=-=-=-=---==-=-

النادي يخطط لنقل موقعه الى موقع اقرب وافضل . وهذا يحتاج ميزانية كبيرة .

^^

يالغامدي وصلت المعلومه ..

مادام الوضع حسب ماقلت وشرحت .. أجل يستاهلون والمبلغ جداً زهيد ومثل ماقلت ممكن يروح في وجبة غداء أو عشى .. على العموم الله يعطيهم الصحه والعافيه .. ومشكورين على مجهوداتهم مثل دليل الطالب الاضخم اللي ينير جوانب مظلمه .. الذي يحتاج له جهد جهيد .. فجزاهم الله خير

وإن شاء الله انا أول المشتركين اذا جيتكم

ملاحظه خفيفه لطيفه ( انا ماكان اعتراضي على المبلغ ابداً فقط على يوم المباراة )