اللي قدم على فيزة كندا اتمنى انه يفيدني..؟؟؟

السلام عليكم ورحمة الله وبركاته...وبعد:
فيه مكتب اسمه البرج الازرق في الرياض حي السليمانية على امتداد مستشفى العسكري وانت اتجاهك الى شارع الضباب يجيك على يمينك ...روح له هو راح يفيدك بكل ماتريد.

:

على نفس السياق يا أخوان ..
أنا معاي قبول جامعه ومعهد ، وش الخطوات اللي اسويها عشان اخذ الفيزا
وش احتاج بالضبط ..

اقول رح لمكتب عبر المتوسط في اي مكان انت فيه واذا انت بالرياض استفسر عن طريق خدمه الدليل الي بالجوال وراح يعطونك رقم المكتب وانت رح وش بنفسك وهم اسرع شي يجبون الفيزه واسرع من ارمكسش والفيفا ولـــك الحيه

اخو بدر مكتب عبر المتوسط موجود بالشرقيه وين محله

ياخوان الطريقه انك تروح مكتب ارميكس وتاخذ نموذج او ابلكيشن وتعبيه

طبعاً في الابلكيشن طالبين فيه الاسم والعنوان واشيا كثيره وطالبين سعر الدراسه كم تكلف

ايضاً المعهد اللي بتدرس فيه وعنوان المعهد

بعد ما تعبي الابلكيشن العباره عن 4 اوراق لما تأخذ الابلكيشن خذ صوره من الشيك

اللي بيتسوي زيه طبعاً طالبين شيك بقيمة 125 دولار كندي حوالي 400 ريال طبعاً تاخد

معاك اربع صور 4 في 6 مكشوف الراس خلفيه بيضه وتجيب الجواز وصوره منه

وتجيب معاك اخر شهاده اخذتها طبعاً بالانجليزي معها السجل الاكاديمي اي كشف الدرجات

ولا تنسى تجيب معاك قبول المعهد والله يوفقك

وباختصار :

1- تعبئة الابلكيشن
2- اربع صور شخصيه 4 في 6 مكشوف الراس خلفيه بيضه
3- صورة اخر شهاده حصلت عليها مع السجل الاكاديمي بالانجليزي
4- جواز السفر
5- صوره من جواز السفر
6- شيك بـ125 دولار كندي
7- قبول المعهد او الجامعه اللي بتدرس فيها

بعد ماتجيب هذي الاشياء تسلمها لمكتب ارميكس وهو يسوي الباقي

اذا كان نسيت شي فارجوا من الاخوان في المنتدى الافصاح عنه