::( تجارب الأعضاء مع Homestay ):: { موضوع تفاعلي }

السلام عليكم ورحمة الله وبركاته
اخواني اخواتي الكرام
بالنسبه للهوم ستي حلو جداااااا للى لسى جاي البلد لكن بعد 7 الى 8 شهور يطلع لشقه والى يطلع لمكان غرف مشتركه وهو موب لزوم انك تطلع اذا كان مرتاح الشخص مع الهوم ستي يقعد بس اذا ماارتاح يطلع بعد 8 شهور لان الهوم ستي يطور ويعطيك ثقه في نفسك عند المحادثه وهذا من ميزات الهوم ستي انا مو بس اقول انه يطورك لكن لا يعطيك ثقه بنفسك ند التحدث مع احد غريب
بس بعد 8 شهور انت راح تشوفها مد تفرق معك يعني انشالله الكلام وتقدر تتكلم وبنطلاق لكن المشكله في البدايه وهذا وجهة نظري في الموضوع
وتحياتي للى كاتب الموضوع .

اخووكم زووم
تحيــــــــــــــــــــاتي

مشكور أخوي على المرور نرجوا التفاعل من الإخوان

شووفو حبايبي هنا العالم تسمع بالهوم ستي انه يفع ويسوي ويقول
كل من سالت وش استفدت من الهوم ستي قالي وحده من هالثنتين
اما يقولون استفدنا تغسيل ملابسنا
او يقولون وفرنا حق الاكل وتعب تصليحه

واحد من العيال معي سال مدرس انقليزي عن الهوم ستي
وقاله وش رايك فيه وهل بيفيدني او لا
قاله بالحرف الواحد
الهوم ستي مايفيد افاده يطمح لها الطالب كل اللي بيفيدك بعض المحادثه العامه
يقول دراستكم فيها بعض الاختلاف عن قوانين الهوم ستي يعني انتو هنا متى تروح ومتى تجي فيه طلاب تبدا كلاساتهم السااعه 11 الضحى وتنتهي 6 المغرب الساعه 6 تلقاهم حاطين العشى بتجيانت وثرهم مخلصين بيقعدون الى 9 وثرهم نايمين يعني ماراح تستفيد منهم شي
واذا نامو كلنا نطب في هالنت ومواقع عربيه وسوالف مسنجر مع الزقرت في السعوديه يعني وين الفائده؟

اولا واخيرا الدراسه تعتمد على الشخص نفسه
انا جربت هوم ستي وكان جدا فااشل وصراحه انا الحين رافض فكره هوم ستي
اللي يبي ينجح ويفلح بدراسته اولا يخالط الاجانب اللي معه بالكلاس يحاول يكون صداقات برا لان هنا في كندا شعبه مره طيووب وعادي تسوولف مع اي احد بالشارع موب مثلنا في السعوديه تسولف مع واحد يقول وش تبي متى المعرفه يبو << بينجلد


وشكرا ياحلو على الموضوع الحلو

بصراحه يا طويل العمر الهوم ستي ماشفته منه اي نتيجه ايجابيه الى الان طبعآ انا لي شهر ونصف معاهم وارجع من المعهد كل يوم تعبان وكل يوم في مشكله معاهم بس على كثر المشاكل نبقى مبسوطين من بعض ومرتاحين رغم بعد المسافه عن المعهد ..

أشكرك على هذا الموضوع .؟

اشكركعلى الطرح الفريد

وساعود لاحقا لأثري تجربتي

مودتي لغالي

مشكور على المرور

لكن كلامك يخوف شوي

هل الشباب اللي معاك عانوا من نفس المشكلة أم انت فقط ؟

 المشاركة الأصلية كتبت بواسطة casper

بصراحه يا طويل العمر الهوم ستي ماشفته منه اي نتيجه ايجابيه الى الان طبعآ انا لي شهر ونصف معاهم وارجع من المعهد كل يوم تعبان وكل يوم في مشكله معاهم بس على كثر المشاكل نبقى مبسوطين من بعض ومرتاحين رغم بعد المسافه عن المعهد ..

أهاا يعني ما لاحظت اي تغيير في مستواك

أو إنهم هم السبب في ذلك ؟

بنتظارك يا عزيزي

المشاكل مع الهوم ستي كثييره وكلامي لا يخوف ولا هم يحزنون
بس اولا واخيرا
قعت مع هوم ستي ولا ماقعت اتوقع فتره سنه كافيه انك تتعلم انقليزي بطلاقه وياكثر الزقرت اللي هنا من ثاني شهر وثالث شهر صااير يتكلم ولا عنده مشااكل

الزبده في الانساان نفسه اذا جاي براسه هدف بيجي وينجح
فيه مثل يقول رحتو البر قالو ايه قال غرزتو قالو لا قال اجل مارحتو البر << والفاهم يفهم

يعني بتخطي مره واثنين وثلاث ولاهيب عيب بس العيب انك تبتل على خطااك



===============
لاحد ياخذ كلامي تخويف ولا شي هذي مجرد تجربه شريحه من المغتربين واللي انا منهم

ماقول الا ياحظ واحد من العيال ماخذ روميت مع مدرس انقليزي هههههههههههههههههههههه<<< الله يوفقه