انا وصلت لفانكوفر

March 28th, 2009, 04:03 AM

مرحبا يااحلي شباب وصبايا مبتعث

والله لكم وحشة انا حاليا بفانكوفر وحبيت انقل لكم تجربتي بإختصار وارد علي اي احد حابب

يستفسر .

في البداية كانت رحلتنا علي لحطوط الالمانية من جدة الي فرانكفورت كانت الرحلة بصراحة حلوة

وخفيفة وبعد كدة من فرانكفورت الي فانكوفر وكانت اسواء مما يكون لعدة اسباب:

اول شي انا معايا بنتين صغار الله يحميهم وحدة منهم وجعت عليا في مطار المانيا والصغيرة الي

عمرها 6 اشهر يبغالها عناية المشكلة هنا انو انا لماحجزت طلبنا سرير للبيبي وبعد ماطلعنا

الطيارة يقولو مافي الا اتنين والطيارة مليانة اطفال وبلمضاربة
ادونا سرير

وخلو وجوزي بعيد عننا عشان السرير وبنتي وجعانة وتبكي والصغيرة تبكي سوينا فلم هندي

وفوق دا كلوالكراسي ضيقة بس الحمد لله علي كل حال

ولما وصلنا الحمد لله استاجرنا سيارة ووصلتنا الي الشقة المفروشة في الداون تاون ودقيناها

احلي نومة

والان بنستأجر شقة في برنابي عشان البيبي ستر الي راح اودي بناتي لها لان مالقيت في الداون

تاون ويقولو مررررررررررررررررة غالية


وراح نبدا الدراسة يوم الاتنين انشالله وحابة اعرف مين معايا دراستو في نفس الموعد في معهد

pli وياااااااااااارب تتسهل الامور

وحابة اقول للي جي الله يسهلكم ولا تشيلو هم ابدا ترا كلنا اخوات انشالله

• نشر عبر تويتر
• نشر عبر فيسبوك
• نشر عبر جوجل