قرار الابتعــااث ،، ضروري

اخوي الي يريحك تبي ترسلهم بالبريد الممتاز او انك توديهم بنفسك بس توديهم بنفسك افضل تروح من الصباح الساعه 8 انت هناك في وزارة التعليم العالي في حي الغدير بالرياض وتقدم اوراقك الفيزا وصورة منها والجواز وصورة منه وقبول المعهد وصورة منه وفيه فورمات يعطوك اياها هناك تعبيهم وتخلصهم ويطلبوا شهادتك وصورة منها والسجل الاكاديمي وصورة منه وشهادة حسن سيرة وسلوك وتسلمهم الموظف ويقول لك تعال استلم قرار الابتعاث الساعة 11.30 وعلى الموعد تستلمه
وبعدين يقول لك روح خذ امر الاركاب من الموظف الثاني ويطلب منك الاوراق وبعدها بشي 10 دقائق يصدر امر الاركاب وبعد الصلاة تروح تعمل حجزك مع مكتب الطيار في نفس المبنى معاهم
انا انحست حوس في امر الاركاب الموظف يقول ليي عندك امر اركاب من قبل روح الى الصادر وخذه منهم اروح ويقولا ليي لا يوجد رقم وارجع له يووووووه طقت جبدي من كثر الروحه والرده وبعدين فتحها علينا ربك وتوفقنا وعطوني امر اركاب ولا تنسا في امر الاركاب تقول له كيف تبي رحلتك تكون من وين الى وين
ادري طولت عليكم بس انشاء الله احد يستفيد

بالضبط زي ما قال لك (( شعور مبتعث )) تروح الرياض وتخلي اوراقك
وإن شاء الله خلال يوم تخلص أمورك

وأنا كمان وضعي زي وضعك تماما انتظر الفيزا
وتوني راسل لهم مجموعة من الأوراق الناقصة
تصدق انهم طلبوا مني الضمان المالي
مع مبتعثي كندا للمرحلة الرابعة لا يحتاجون
غلى الضمان المالي اساسا .,!!!

شعور مبتعث و ابو حمزه .. يعطيكم العافيه اخواني .. ريحتوني كثير

ابو حمزه ،، انا صارلي معاك نفس الشي طلبوا مني يوم الثلاثاء الي راح كشف حساب وارسلته لهُـم وللحين انتظر

طيب الشهاده يبون الأصل ..؟ او بس شهاده مختومه وخلاص لأن شهادتي الأصل لسا في الجامعه ،،
السؤال الثاني .. السجل الاكاديمي وش هذا ومن وين اجيبه ..؟

ويعطيكم الف عافيه ما قصرتوا والله