الأعضاء الإشتراك و التسجيل

الملتقيات
ADs

سمعتنا ( بالحضيض ) ليش ؟؟ راح تعرف هنا يا (( سعودي )) ؟!

سمعتنا ( بالحضيض ) ليش ؟؟ راح تعرف هنا يا (( سعودي )) ؟!


NOTICE

تنبيه: هذا الموضوع قديم. تم طرحه قبل 5466 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كندواي
    كندواي

    مبتعث مستجد Freshman Member

    كندواي كندا

    كندواي , ذكر. مبتعث مستجد Freshman Member. من السعودية , مبتعث فى كندا , تخصصى طالب , بجامعة SFU
    • SFU
    • طالب
    • ذكر
    • Vancouver, BC
    • السعودية
    • Nov 2008
    المزيدl

    April 11th, 2009, 02:36 PM

    السلام عليكم ورحمه الله وبركاته ..

    راح يكون لي عبارات قويه شوي ولكن نحتاج هذا النوع من ( المواضيع )

    ولازم نستفيد منه كلنا لان كلنا سعودديين

    وارجو من المشرفين والاداريين على هذا الموقع ياخذون الموضوع هذا بعين الاعتبار


    الفتره الاخيره صارت مشاكل كثيره جدا بين السعووديين وغالبيه الناس صارت تتكلم علينا كاننا ( اغبياء بكل ماتحمله من كلمه )

    لاننا صرنا ومع الاسف جايين مبتعثين كانها اجازه مجانيه مدفوعه التكاليف .

    من البدايه راح اقولها وراح احط عليها قوسين للي يقول انا ماسوي كذا ( مايقارب 75% من الطلاب المبتعثين العزاب) صاروا ماشاء الله دالين اسوار النايت كلوب

    لا وياليتهم كبار كلهم ماتعدوا سن المراهقه وماشاء الله تلقا ماخلى شي الا سواه

    الكل صار يشتكي علينا من عسكري الى التاكسي لما يقولك من وين وتقوله ( سعودي ) يقول اولا اوووه .. الي مشاكلهم كثيره

    وثانيا : اوووه .. هم الي بعد فلوسهم كثيره

    لننا ماشاء الله صرنا نهايط على البشريه لدرجه جتني وحده مكسيكيه تقولي صدق حكومتكم تعطيكم 7000 دولار مكافئه ؟؟

    قلتلها من قالك تقول واحد من بلدكم ...

    يعني بالله هذا وش تقول عنه

    بعض المبتعثين ( العزاب ) يشتكون ان المكأفاه ما تكفيه ابدا تدرون ليش لانه يروح يستاجر سياره مرسيديس ب 500 دولار باليوم يهايط بها كم من يوم كذا ويرجعها

    واخر 10 ايام تلقاه المسكين مطفر ماعنده دولار واحد وتلقاه ياكل عند العائله وصاير شاطر وبعدها يشتكي يقول المكافاه ماتكفي ابدا

    صرنا نسمع قصص بالاونه الاخيره لبعض شبابنا انهم يتضاربون داخل النايت كلوب عشان كم شغله حتى ماالواحد يصلح يقولها هنا على هاذا الموقع لانه اعلى بدرجات ان نذكر اشياء ( منحطه ) زي هاذي

    لا وياليت نقول اننا نكون بيد وحده على اعداء السعوديين

    لا ابدا صرنا حنا اعداء بعض في بلد الغرب

    لا وصارو المبتعثين يرددون على السنتهم سالفه الي تطاق مع ولد عمه داخل النايت كلوب عشان شغله ( حقيره )

    بس تصدقون ؟؟

    انا مالومهم ،، في بعض اللوم على وزاره التعليم العالي لان لازم يكون هناك توجيه وتعليم للطلاب المرهقين لبعض الاخلاقيات ويكونون على وجه صادق مع الطلاب وتحذير وتنذير لمن يخالف القوانين

    _بعض الشباب السعووديين هداهم ربي يكون قاعد 6 شهور على لفيل واحد ماقدر يتطور يعني من يوم مايجي الى الان اتحداه يكتب how are you


    طيب ليه حنا جايين نتعلم ولا نلعب ؟؟

    نقطه ثانيه _ بعض الشباب اذا قبل مايروحون للدوله الي يبي يبتعث فيها يشغل ام ام العالم بالمواضيع حقت كيف اسوي الاوراق وكيف اعمل وكيف اكتب وكيف اسوي الشيك وكم تقعد الفيزا ويصير يسهر على الموقع

    وبس يسافر هناك ويوصل ويسوي اوراقه ويطلع له قرار ابتعاث يسحب على ام ام الموقع ولا كانه عارفه واذا نقص من مكأفاته شي
    تلقاه اول واحد محضر عند الموقع

    حتى الرساله تتغير بدال ماتطلع لك وحشه تتغير ينكتب وينك مغبر

    واسرع واحد يكتب موضوع مكافاتي وما مكافاتي هو وباقي شوي يطلع من الشاشه لا والمشكله انه عازب طيب مافكر المتزوج وش بيسوي ؟

    ياجماعه والله ثم والله انا كتبت ذا الموضوع من قهر فيني لان هاذي الاشياء قاعده تحصل ياليت نكون بيد وحده يالعالم

    انا سعودي قبل كل شي وماسمح احد يقول عن عيال ديرتي اي شي ( ياليت يكون عندكم ذا المبدأ بعد )
  2. كلامك صحبح اخوي
    بس احس مو الكل يروح نايت كلوب تراه مو حاجه حلوه يعنني الي يروحله اسمحلي غبي
    واللي يتهاوش مع قريبه عشان شغله حقيره مافيه خير

    بس اتمنى تكون هالفئه قليله مو كثيره وان اشاءالله عيالنا فيهم الخير والبركه

    ولانسان لما يتغرب يتقرب لربو اكثر


    اتمنى كل طالب وطالبه يعزم انو يكون احسن مثال عن السعوديين

    تحياتي
    7 "
  3. لا غاب البس العب يافار


    وش تتوقع من مراهق ماعنده احد يحاسبه لا وابوه بالمجلس يقول ولدي راح يجيب الشهادة


    هذا مشكلة الابتعاث بدون اليه كل من جاب معدل حلو والا معاه واسطه راح صاحي او مجنون


    ماااقول الا الله يهديهم ياااااااارب
    7 "
  4. اذا انت مقهور فأنا قد بكيييت من القهر !
    والله انه الشباب السعودي طااااااااااااااااح من عيني بقوة بعد ما جيت أستراليا وسمعت وشفت أشياء مخجلة
    كنت أعتقد انه المبتعثين هم صفوة الشباب السعودي بس للأسف طلعت غلطااانة
    أنا ما أقول كل المبتعثين كذا لكن عدد كبييييييييير ما كنت أتوقعه

    أخوي كندااااااااااوي الله يكثر من أمثاااااالك قول آمين

    والله يصلح جميع المبتعثين والمبتعثاات ويهديييييييييهم
    7 "
  5. والله يا جماعة المشكلة من الأساس ..

    يعني يجيك الأبو يرسل الولد أو البنت إلى عاااالم ثاني وتلقاهم ما بعد طلعو من البيت ..

    ويجون هنا ويسوون المصايب ..

    هذا يجيك صابغ شعره اشقر وهذا حاط وشم وقلااااادهـ والا بنت حاطه مدري وش في شفايفها..

    ما أقول ألا الله يهديهم بس ..

    أخوي كنداوي أشكرك على طرح هالموضوع الهام ..

    تشكراااااااااتي ..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.